ليه يعنى قلة الأدب و السفاله ؟

**MaNoLa** · 01-04-2012 08:24 AM

سؤال دايما بييجى فى بالى جدا جدا جدا جدا جدا لدرجة أننا بقيت أدور كتير على النوعية دى عشان اعرف السبب و لحد دلوقتى معرفتش

ليه صور العربيات دايما بيكون عليها بنات عريانين ؟
يعنى مثلا فى أى معرض أو صور دعاية للعربيات على النت دايما لازم يكون فيه بنت مش لابسه زى الناس , و ليه أصلا يكون فيه بنى أدم أدام العربيه و بالذات بيقفوا جمب مكان مؤثر تكون نفسك تشوفه مثلا زى الفوانيس أو جمب الأكصدام و هكذا

فهل العالم كله مغفلين للدرجة دى أن ممكن واحد يشترى عربية أو عربيه تتشهر عشان حط واحدة قالعة أكثر ؟
ولا ده روتين الشركات دى أتعودت عليه ؟
ولا عندهم أزمه بطاله و بيحاولوا يساعدوا المنحرفين على الشغل بدل مايشتغلوا فى شغل مش بطال ولا كدة و كدة يعنى ؟
لحد دلوقتى أحتار سبيلى و مش عارفة

**amribrahim** · 01-04-2012 08:34 AM

اللي حضرتك بتتكلم عليه بيبقى في مجلات ال-tunning بتاعة العربيات و الحاجات ديه مش مثلاً إعلان العربية هوندا أو تويوتا

**charming** · 01-04-2012 08:37 AM

عشان العربيات سلعة بتشد العنصر الرجالى اكثر اذن فهى دعاية موجهة الى الرجال :)

**FunnyMickey** · 01-04-2012 08:39 AM

يعني اقرب حاجه المعرض بتاع فورميلا
فيه بعض البارتيشن جايبين بنات مش مصريين اصلا

وتقف مع البنت تحسها حافظه اللي بتقوله
يعني لو وقفت مع واحد فعلا بيشتري وجابها يمين ولا شمال مش حتعرف ترد عليه
طب جايبين بنات ليه اصلا
لابسه قصير ولبس مش تمام واسمه معرض سيارات

ومش لاقي تفسير غير انه استغلال للشهوه مش اكتر
وحتي معرض العفش لومارشيه الاخير بردو كان جايبين اجانب
كنت ساعتها بوضب الشقه قبل ما اتجوز
وداخل اسأل علي اوضه نوم ولقيت البنت قدامي
طب انا مثلا مبعرفش اتكلم اصلا انجليزي
جايبها ليه دي في معرض عفش
قال عشان يبين بقي ان الشركه اجنبيه وستايل
واللي عرفته منها بقي ان المصنع اصلا في حلوان
:) :)

**corsair** · 01-04-2012 09:47 AM

ههههههههههههههههههههههههه ههه المصنع من حلوان والبنت من نزلة السمان ونهارنا فل ان شاء الله

يا بشمهندس موضوع الدعايا عن طريق البنات اللي لابسين ميني جيب وكات والكلام ده بقي عادي جدا دلوقتي انا عندي معرض في لومارشيه ولاكازا واندورز وايدج تخيل انتا روحت مره واحده قولت كدا اومال احنا اللي بنبقي في كل معرض من دول 4 ايام نعمل ايه

**MaNoLa** · 01-04-2012 10:15 AM

ميرسى يا جماعة على ردودكم

و أنا حاسه فعلا أن الموضوع أستغلال لأن الرجاله أكتر زى مانتم قولتوا

بس السؤال هنا
هل العالم فعلا كله و الدول المتقدمه دى بتعامل المشترى على أساس أنه كائن مش فاهم ؟ يعنى مين الراجل دة أصلا إلى يفكر يشترى عربيه عشان واحدة قاعدة عليها ولا بتاع !!!

المشاركة الأصلية كتبت بواسطة charming

دة اسلوب من اساليب الدعاية مش استغلال للشهوة وبعدين دى بدعة من بدع الغرب الزنادقة ونحن نناشد من هذا المنبر شركات السيارات و الموبليات بالالتزام بالحجاب الشرعى لهولاء العارضات والجلباب مع اطالة الذقون وحف الشارب للمنظمين

أنت بتهزر صح ؟
ولا بتتكلم بجد ؟