الموضوع: مشكلة عجيبة جدا جدا

متشكر جدا لردك السريع وأن شاء الله هكشف عليه وهبقي أقول أيه النتيجه
أنا كدا كدا عندي صيانه ال 80 ألف فهبقي أقولهم عليه أن شاء الله ومتشكر لحضرتك جدا

المشاركة الأصلية كتبت بواسطة mhassan9

عربيتي الفيرنا فيها مشكلة عجيبة مجنناني
مبدئيا كانت بتسخن علي السرعات العالية سواء بتكييف أو من غير
غيرت ثرموثتات الكوعه وغسلت دورت التبريد ومفيش فايده
المهم دفاية العربية اللي في داخل التالبلوه أتخرمت والعربية بقت بتسرب ميه التبريد داخل الصالون
رحت لبتاع الريداتير قالي لازم نلغيها با هنفك التالبوه كله عشان نغيرها
قلتله لأ فكها كدا كدا مش بشغل السخن...وهو بيبص علي الريداتير قالي دا مسدود ومصدي وممكن يخلي العربيه تسخن.
قلتله هي بتسخن فعلا علي السرعه المهم حاول يسلكه منفعش غيرته بواحد جديد المفروض أنه أصلي حسب طلبي.
التبريد بقا تمام...مفيش تسريب....الميه لونها أخضر زي ما هو مش بيغير زي الأول...فرحت وقولت الحمد لله أن الموضوع أتحل
أتاري فيه مشكله بقا تاني هي دي اللي عجيبه.
أنا بسافر كل شهر مره علي طريق الكريمات وهناك الواحد يقدر يجري برحته المهم بعد ما مشيت 150 كيلو تقريبا مع التكييف عشان اليوم دا كان حر العربيه رجعت تسخن تاني.
نزلت الميه كويسه...المراوح شغاله علي السرعه التانيه ومفيس تسريب خالص وكله تمام
قلت يمكن التكييف مأثر مع الجري...وقلت أشغله مروحه بس من غير كمبرسور
المفجأه أن العربيه بتسخن من حتي مروحه التكيف :b4_556:
مش فاهم ليه والغريب أنها بتسخن بسرعه جدا يعني بمجرد ما أشغل حتي المروحه العربيه تسخن حتي وهي واقفه
والغريب أكتر أن أكتشفت بعد كدا أني ممكن أشغلها علي أول سرعه وبالكمبرسور وميحصلش مشكله لكن لو زودت علي 2 أو 3 تسخن بسرعه كل ما أزود
والجميل في الموضوع أن القصه ملهاش علاقة بسرعه العربية...يعني لو علي 1 أو مقفول بجيب 180 من غير مشاكل وبفضل عليها فتره يعني مش بسرع واهدي لأ بفضل ماشي من 160 إلي 180 والعربيه مش بتسخن إلا لو زودت المروحه!!!!

في حد شاف عجب زي كدا....أنا مش فاهم أيه اللي ممكن يخلي مروحه التكيف تسخن الموتور
بتاع تكييف فتي وقالي شيل ثرموثتات الكوعه وشلته قلت الصيف داخل وبرضه مفيش فايده

حد يقدر يفيدني يا جماعه أحسن أنا قربت أتجنن من الموضوع دا

أعتقد المشكلة في سير التكييف وبلية سير التكييف - اكشف علي مجموعة السيور والبلي بتاعهم.تقبل تحياتي

المشاركة الأصلية كتبت بواسطة mmaaggddyy

أعتقد المشكلة في سير التكييف وبلية سير التكييف - اكشف علي مجموعة السيور والبلي بتاعهم.تقبل تحياتي

أعتقد لو دا السبب كانت السخونة هتحصل لما أشغل الكمبرسور مش بس المروحه...ولا أيه؟؟

المشاركة الأصلية كتبت بواسطة ahmed_h_g

حاجه من أتنين
يا طلمبة المياه فيها ريشه مكسوره أو متأكله من الأملاح
أو ترموستات الكوعه الجديد بايظ ومش بيفتح عالأخر

الحل
شيل ترموستات الكوعه وجرب
لو العربيه أتعدلت يبقي الترموستات الجديد مش بيعدي كمية المياه المطلوبه للتبريد علي عدد لفات موتور مرتفع
لو نفس المشكله يبقي الطلمبه بايظه

شكرا لمرورك أولا بس هو ثرمو الكوعه متشال أصلا
وأعتقد أن لو طرمبة الميه هي السبب كانت العربيه سخنت في كل الأحوال لأنها ملهاش علاقة بمجرد هواية التكييف.

أعتقد والله أعلم أن حساس الحرارة أقرب حاجه أتقالت ممكن تكون السبب مع أحترامي وشكري لأراء الجميع طبعا