كلاكيت مراية ثالث مرة + حادثة بسيطة الحمد لله

**Dr_khaled_84** · 01-04-2012 10:35 PM

الموضوع باختصار عملت حادثة على الطريق الساحلى الدولى وانا راجع من دمياط للأسكندرية
طيارة نقل يووووه عربية نقل فى مطب صاحبها مقدرش يلم نفسه و دخل فيا من الجنب اليمن وكان هيتقلب بس ربنا ستر
الخسائر كما يلى
1 المرايه الكهرباء اليمين اللى لسه مركبها فى توكيل سموحة منذ اقل من اسبوع ب 770 جنيه لسه دمهم مبردش البقاء لله بس عملت ناصح و محتفظ بالوش بتاعها ودى ثالث مرة يتكسر لى مرايه كهرباء عندى حالتين قبل كده من ولاد الحلال والعربية مركونة والمرايه ملمومة
2 الباب الامامى و الخلفى يمين عاوزين رد على الساخن
3 غماز الاشارة اليمين الجانبى غير موجود
4 مؤشر الحرارة بيدلع ساعات الاقيه شارتين و ساعات 4 شرط تقريبا مشكله فى الحساس (سنسور)
المطلوب
حد يدلنى على محل قطع غيار للوجان فى اسكندرية وصنايعى دايس فى اللوجان علشان المراية و الغماز
السينسور هروح التوكيل فى صيانة 25000 ان شاء الله
وشكرا طولت عليكم

**lord777** · 02-04-2012 12:02 AM

الف الحمد لله على سلامتك اهم حاجة انك بخير
انزل صلاح الدين فيه اكتر من و احد شغالين فى الرينو فيه محل اسمع لى لى وده تليفون ارضى
3927365 و كمان موبيل 01280295066

**Dr_khaled_84** · 02-04-2012 06:58 PM

شكرا يا لورد انا روحت ليه النهاردة و جبت مراية ب 175 و غماز ب 20 و مقبض باب ب 55 ج وكله تمام يا ريس وشكرا على الافادة

**blackhorse123** · 04-04-2012 10:42 PM

طيب كان فى مشكله فى الحساس ولا لا الحمد لله ؟
والناس اللى عندها خبره
هى اللوجان فيها كام حساس واماكنهم فين

**Dr_khaled_84** · 06-04-2012 03:30 PM

الحساس بحالات ساعات بلاقيه شرطتين و ساعات 4 شرط
بس انا مش شاغل دماغى بيه لان انا عارف ان المشكله فى الحساس مش من الحرارة و ده حصل مع اكتر من زميل فى منتدنا اللى بيعرفنا اخبار تجارب اللوجانية مع العربية
انا مستنى لما اعمل صيانة 25 وان شاء الله هقولكم على اللى حصل معايا

**S O P H O S** · 06-04-2012 04:45 PM

المهم انك بخير
قدر الله وما شاء فعل

**drosamaragab** · 07-04-2012 08:30 PM

الف مليون سلامه لك واهم حاجه صحتك

انا فيه دكتور زميلي بيعمل صيانته لعربيه رينو كليو معاه من 11 سنه وبيعمل صيانتها عند ورشه في ميامي بتاعت مهندس اسمه عبد الحميد عمار اسعاره ممتازه وزميلي بيشكرلي فيه جدا وهو كان ماسك توكيل رينو على فكره يعني فااااهم جدا
ده غير انه كان ماسك توكيل رينو في الكويت روح وشوف يمكن يفيد كل اخواتنا اللي في المنتدى

انا ناوي انشاء الله اكمل صيانه عنده بس بعد ما اطمن ان العربيه مفيهاش عيوب صناعه

**Dr.Karim Emam** · 08-04-2012 05:16 PM

المشاركة الأصلية كتبت بواسطة drosamaragab

الف مليون سلامه لك واهم حاجه صحتك

انا فيه دكتور زميلي بيعمل صيانته لعربيه رينو كليو معاه من 11 سنه وبيعمل صيانتها عند ورشه في ميامي بتاعت مهندس اسمه عبد الحميد عمار اسعاره ممتازه وزميلي بيشكرلي فيه جدا وهو كان ماسك توكيل رينو على فكره يعني فااااهم جدا
ده غير انه كان ماسك توكيل رينو في الكويت روح وشوف يمكن يفيد كل اخواتنا اللي في المنتدى

انا ناوي إن شاء الله اكمل صيانه عنده بس بعد ما اطمن ان العربيه مفيهاش عيوب صناعه

فين في ميامي يا باشا؟

**Dr_khaled_84** · 08-04-2012 07:02 PM

المشاركة الأصلية كتبت بواسطة blackhorse123

طيب كان فى مشكله فى الحساس ولا لا الحمد لله ؟
والناس اللى عندها خبره
هى اللوجان فيها كام حساس واماكنهم فين

الحمد لله عملت صيانة ال 25 و تم حل مشكلة مؤشر الحرارة داخل الضمان بدون مصاريف
بس فيه واحد عنده نفس المشكلة فى مؤشر الحرارة بس بره الضمان سمعت المهندس بيقوله 1000 جنيه تقريبا علشان فيه ترموستات ب 360 جنيه ومعرفش ايه تانى كده قولت الحمد لله

كان عندى مشكلة برضه فيه صوت تكة وانا بكسر الدريكسون كله بس الحمد لله عملوها فى التوكيل (بصراحة توكيل محترم )و راحت خالص

**drosamaragab** · 08-04-2012 07:31 PM

المشاركة الأصلية كتبت بواسطة dr.karim emam

فين في ميامي يا باشا؟

انا من كفر الشيخ مش هقدر ادلك بالتفصيل لانه هو عرفني الطريق وانا معرفش حاجه في اسكندريه غير ان احنا كنا ماشيين في شارع 45 متجهين لفندق شيراتون المنتزه بعد نفق ميامي بتلف مع اليوتيرن شمال وتمشي جنب الكبري هتلاقيه

معانا في المنتدى رينجو عارفه

الورشه تقريبا في شارع اسكندر ابراهيم