المنصورة اليوم - روعة .

**Medicalist** · 01-04-2012 10:42 PM

السلام عليكم
طبعا يا جماعه كلنا عارفين المنصوره بلد يعشقها الجميع وخصوصا الى عايشين فيها هيحسوا بالمتعه دى
لكن اخر سنه مثلا وكمان اخر شهرين تلاته المنصوره بقت سيئه جدااا فى الزحام المرورى فى اهم شارع الى هو الجمهوريه ادام الجامعه وكليه طب و المستشفيات الواحد كان ممكن الايام الى فاتت بيقف تماما بالربع ساعه والنص ساعه بلا حركه تماما وده شىء عجيب و مش متعودين عليه
المهم طبعا غير الميكروباسات الى احتلت المنطقه الى تحت كوبرى الجامعه جمب النخيل وقبل رامادا و الدخول مخالف فى المنطقه دى من تحت الكوبرى وساعات بتقفل الكوبرى تماما من مدخله
المهم النهارده انا كنت نازل فى وقت الذروه فى مره نادره لانى بقيت اكره النزول لقيت حاجه عجيبه الساعه 2 الظهر ومفيش زحمه لا وفيه اماكن ركنات فاضيه كتير و الشوارع ماشيه جداا لدرجه انه جه على بالى انه النهارده مثلا كسوف فى الشمس او حاجه من الحاجات دى فلفيت طبعا عشان كنت رايح مشوار وكانت المفاجأه انه اولا عربيه شرطه نقيب ومعاه امناء كتير واقفين على اول الكوبرى ومانعين طبعا اى عربيات تدخل مخالف والى بيتمسك بيتنفخ
تانيا الميكروباسات اتشالت تماما فيه عسكرى مرور كل حوالى 500 متر
انا طبعا ما تابعتش وما كملتش بس هل فعلا المرور ممكن يكون نزوله واهتماهم هو الى سهل المرور و مشى الدنيا كده
طبعا الميكروباسات و التاكسيات هم طبعا سبب الزحمه وبيوقفوا اى طريق بس المنصوره النهارده حاجه تانيه
لاحظتو الكلام ده يا اهل المنصوره وهل الكلام ده هيكمل و سببه يا ترى ايه
وكل سنه وانتم بخير

**zangry** · 01-04-2012 10:48 PM

طب جميل جدااا انا لما روحت من شهرين كده لعنت اليوم اللى روحت فيه من كتر الزحمة

**Kareem Fawzy** · 01-04-2012 11:52 PM

يارب بلدنا تبقى احلى

**enayat** · 02-04-2012 12:19 AM

هي فعلا المنصورة كل يوم كده وللاسف انا مبعرفش انزل غير وقت الذروة ده بس النهارده كمان كانت زحمة موووت عند المحافظة وعلي البحر وانت رايح ناحية بيت المحافظ لحد ماتنزل عند المصرية للسيارات اما طلخا بقي فحدث ولا حرج كانوا النهاردة بيقفلوا مزلقان السكة الحديد كل حوالي عشر عربيات يعدوا لان طريق صلاح سالم مغلق تماما ذهابا وعودة لكن انا مرحتش النهاردة ناحية الجامعه ههههههههه هربت خوفا من الوصلة الي بين الاطفال وجيهان ودخلت من طلخا لكن حظي سيء للاسف

**MASERATI** · 02-04-2012 04:47 AM

السلام عليكم و رحمة الله و بركاته

أنت قصدك أنهم شالوا الميكروباصات اللى كانت واقفة قصاد سور الجامعة قصاد المدينة الجامعية اللى على يمينك و أنت رايح الكوبرى ؟؟؟؟؟

**د.أبونضال** · 02-04-2012 05:59 AM

كوبري طلخا اليوم كالعادة نصف ساعة علشان تعدي .... كان فيه ظباط آه بس علشان ينظموا بتوع الحولات الصفراء

**ahmedkhairy** · 02-04-2012 10:17 AM

شىء جميل
نتمنى هذا المجهود الرائع من جميع ضباط الشرطة فى جميع ربوع مصر لإعادة الشكل الحضارى لمصرنا الحبيبة وكفانا مهاترات وخلافات
دعونا نتحد على كلمة سواء واحدة
ونحافظ على بلدنا مصر المحروسة