ده مش بيت ده سنترال لو مؤاخذه

**Screenplays** · 01-04-2012 11:11 PM

الواحد حاسس انه عايش في سنترال مش في بيت و كأن تليفوناتنا هي التليفونات الوحيده الموجوده في مجره ضرب الدبانه بجد حاجه تقرف

تليفوني :

ناس بالجمله بتتصل عشان تسأل علي عربيه صديق كنت عارضها للبيع علي كونتاكت

اقارب و حبايب حسام و كاميليا شغالين اتصالات و ناقص احلفلهم اني مش حسام و لا كاميليا و لا اعرفهم اصلا

ناس شغاله معاكسات و زراله و قله ادب من ناس معرفهومش و هما عارفين عني حاجات كتير

ارقام غلط بالهبل علي اساس ان رقمي مميز اوي استغفر الله العظيم

جمعيه الاورمان الخيريه شغاله اتصالات برضه و رغي و انا اصلا محتاج اللي يتبرعلي

تليفون البيت :

التليفون مبيسكتش و بعدين لما متلاقيش حد بيرد تبطل رن لا ازاي ؟ اعد ارن 10 مرات و لا حاجه ما احنا فاضيين اصل

تليفون الحاج :

لما بيجي من السفر تليفونه مبيسكتش و لا كأنه رجل اعمال و كلها تليفونات تافهه من ناس خليجيه تافهه و كلامهم تافه اصلا لما حاجه تجيب المرض و اللي يغيظ ابويا بيعيش اللحظه و بيكلمهم خليجي جنب وداني

تليفون اختي و الحاجه :

طبعا رن رن رن و رغي مش عايز اقول و بيشتكوا من ان الرصيد بيخلص بسرعه طب و النبي اقول ايه

انا بفكر اعزل بجد لاني مش عارف اشتغل و لا اعمل حاجه في السنترال ده

**bmya** · 01-04-2012 11:51 PM

هو ان مخنوق من كل حاجه كده ياباشا ؟!!
ده الحوار ما طلعش البلد وابو اسماعيل بس ههههههههههه

**أحمد كمال** · 01-04-2012 11:54 PM

المشاركة الأصلية كتبت بواسطة screenplays

كلها تليفونات تافهه من ناس خليجيه تافهه و كلامهم تافه اصلا لما حاجه تجيب المرض و اللي يغيظ ابويا بيعيش اللحظه و بيكلمهم خليجي جنب وداني

قال رسول الله صلى الله عليه و سلم

بحسب امرئ مسلم من الذنب أن يحقر أخاه المسلم

صدق رسول الله صلى الله عليه و سلم

------------------------------------

هو حضرتك مش عاجبك و لا حد و لا اي حاجة ؟؟؟؟؟؟؟

**wa7d** · 01-04-2012 11:58 PM

بجد هونت عليا مصيبتي , انا حاسس بيك لاني عايش في مكان مليان دوشه برضوا
بس نصيحة لازم تتعامل متخدش كل حاجة علي اعصابك , حتتعب

**Screenplays** · 02-04-2012 12:02 AM

المشاركة الأصلية كتبت بواسطة bmya

هو ان مخنوق من كل حاجه كده ياباشا ؟!!
ده الحوار ما طلعش البلد وابو اسماعيل بس ههههههههههه

هههههههههههه مش حكايه مخنوق انا بحب الهدوء جدا و خصوصا ان كل شغلي ابتكاري ( مصمم اعلانات ) فمحتاج هدوووووووووووء عشان اعرف ابتكر

المشاركة الأصلية كتبت بواسطة أحمد كمال

قال رسول الله صلى الله عليه و سلم

بحسب امرئ مسلم من الذنب أن يحقر أخاه المسلم

صدق رسول الله صلى الله عليه و سلم

------------------------------------

هو حضرتك مش عاجبك و لا حد و لا اي حاجة ؟؟؟؟؟؟؟

لا مش كده انا بس مبحبش الدوشه و انا محقترش من حد و كلامي تهريج

المشاركة الأصلية كتبت بواسطة wa7d

بجد هونت عليا مصيبتي , انا حاسس بيك لاني عايش في مكان مليان دوشه برضوا
بس نصيحة لازم تتعامل متخدش كل حاجة علي اعصابك , حتتعب

و الله زهقت من الدوشه و الواحد حاسس انه عايش في الشارع

**Screenplays** · 02-04-2012 01:04 AM

المشاركة الأصلية كتبت بواسطة medo.malek

طب تقول اية على اللى بيتصلوا بعد نص الليل على تليفون البيت و ده نص المكالمة :
سلام عليكم ( العبد لله )
و عليكم السلام ( البهوات اللى بيتصلوا بينا ) بقولك يا استاذ عايز ابلغ عن طيور عندها انفلوزة ( انفلونزا )
افندم !!! ؟ ( العبد لله )
انفلوزة هو مش ده رقم البيئة ؟
لا مش ده رقم البيئة و ما تتصلش تانى من فضلك
يا استاذ ازاى مش ده رقم 7745745 ( اى رقم ) بتاع البيئة ؟
انا : لا مش هو خالص و ده منزل و متتصلش تانى و اقفل معاه ...
و يرجعوا يتصلوا تانى من ارقام مختلفة و ناس مختلفة ! و على الحال ده من كذا سنة لدرجة ان واحدة ست كبيرة منهم زعقتلى و قالتلى ما تتهربش انا عارفة ان ده رقم البيئة !

ههههههههههههههههههههههههه ه حرام عليك هموت من الضحك و حتي لو حد عايز يبلغ عن طيور مريضه يقوم يتصل في نص الليل ؟ هههههههههههههههههههههه و موضوع الست اللي بتزعقلك ده جامد علي فكره يمكن يكون رقم بيتكوا شبه رقم البيئه هههههههههههههههههههههههه بيئه ايه مش عارف ؟