الموضوع: صنى ولا جين 2

المشاركة الأصلية كتبت بواسطة ahmazong

بص يا سيدي العربيتين ممتازين جداااااااااااا بس الصني عربية classic لكن gen2 عربية شبابي كده و دلع ههههههههههه ..

كل واحدة متفوقة عن التانية في حاجة ..

الصني عربية كبيرة .. سمعتها معرwفة .. أي حد يشتغل فيها < عموما هي مابترحش عن الميكانيكي غير للزيت و اسال أي حد > .. قطع غيرها منتشرة في كل حتة من جنيه لالف .. صيني لحد الياباني .. ثبات محترم .. موتور و فتيس قوي جداااااا .. تكييف تلاجة .. عفشة sport بمساعدين خدمة شاقة يعني رزع برحتك .. فرامل من اقوى مايكون .. بص من الآخِر عربية نص نقل ههههههههههه .. حمالة قاسية اوييييييييييي .. عيبها بقى إن الكنبة الخلفية ضيقة شوية .. و عربية مش مريحة بسبب العفشة sport .. بعض عيوب التقفيل البسيطة زي مثلا تزييء الكراسي و بتتعالج عند أي سرورجي أو التوكيل في 5 دقايق ..

gen2 عربية جميلة جدا برده .. ثبات تحفة .. موتور قوي .. فرامل ممتازة .. بص بجد عربية شبابي من الآخِر .. عيوبها بقى عدم توافر قطع الغيار و غالية نااااااار .. عيوب صناعة كتيييييييير قوي < ميكانيكية أكتر > .. واطية على الارض .. تكيف مش اد كده .. و عربية كده عايزة معاملة بشوات مش عايزة نخع .. مممممم .. برده عفشة نشفة مش مريحة زي الصني ..


عموما عايز عربية فيها كل المميزات و متخفش منها في أي حتى تبقى صني ..

لو عايز ركوبة شبابي فقط لا غير تبقى gen2 ..


تقبل تحياتي ..

كلام مظبوط جداا كمان توكيل بروتون الناس بتشتكي منه

Gen2

متابع

لو هتقارن عربية بعربية بعيدا عن التوكيل و قطع الغيار ...

الجين تو أداء أفضل نسبيا و كماليات أكتر .... الصني اعتمادية أكتر و صاج أقوى و دهان معمر أكتر

بس مشكلة الجين 2 فى الدهان بس انا اسمع ان صاجها قوى جداااا

الجين 2 جميع الفئات بتنزل ب abs و ebd ونظام immobilizer مانع للسرقه
انا مبهور بالجين 2 يعنى ببساطه العقل بيقول صنى والقلب ينادى جين 2
هناك صراع داخلى ولا استطيع حسم الصراع انتوا لو مكانى تعملوا ايه اجيب الحاجه اللى بحبها ولا اجيب المضمون

انا لما قارنت البيرسونا و الجين حتي بالكيا
قولت هيا و كل ما اجبي افكر بلاقيها صفقه ناجحه
ولو البويه كده كده اي علربيه ببتخدش
بس ابقي راكب مستسمتع و امان احسن من شكر واو
بيرسونا اليجانس ان شاء الله