سؤال فى التابلت

**beshomilan** · 02-04-2012 05:09 PM

سؤال بس فى التابلت
لو انا جبت تابلت واى فاى مفيهوش ثرى جى ياترى هينفع يتوصله يو اس بى مودم ولا ده مستحيل؟؟
عشان لو انا مسافر وفمكان مفيهوش واى فاى وعايز اخش من شريحة البيانات بتاعت اليو اس بى مودم او اليو اس بى مودم نفسه هينفع فى التابلت الوا فاى بس؟؟
عن طريق كابل مثلا يتوصل اليو اس بى مودم بالتابلت زى اللاب توب؟؟

واللا اريح نفسى واجيب تابلت فيه ثرى جى واريح نفسى من كل ده؟؟

مش عارف الصراحة محتاج رايكم

**beshomilan** · 03-04-2012 11:31 AM

يااااااااااااه الموضوع كبير اوى كده لدرجة ان مفيش حد عارف يرد عليه؟؟
38 مشاهده وولا رد واحد رغم ان الموضوع باين من عنوانه
مفيش مشاكل..متشكر

**wal** · 03-04-2012 12:59 PM

بالنسبة للايباد مينفعش تعمل اللي حضرتك بتقول علية فى النسخة الواى فاى على افتراض ان حضرتك معاك القطعة اللى ممكن من خلالها تشغيل USB على الجهاز اما باقى الاجهزة التى تعمل بنظام أندرو يد مش عارف بصراحة لأنى مجربتهاش وعموما ٩٠٪ من اجهزة التابلت مفيهاش اصلا مدخل للUSB فلازم تشترى قطعة إضافية علشان تقدر تشغل USB العادية على الجهاز فمن الاخر ريح دماغك زى ما حضرتك قولت وهات الجهاز ثرى جى افضل علشان تتحرك بيه براحتك فى اى مكان دون حمل اكسسوارات اضافية لتشغيل النت ومن اجهزة التابلت التى تحتوى على منفذ USB فى الجهاز مباشرة هو االacre لكن مش عارف بقي بتاعت النت ممكن تشتغل علية ولا لا وطبعا الجهاز وزنة ثقيل بالنسبة للأجهزة الاخرى

**M.Zaher** · 03-04-2012 06:01 PM

لو عايز تشغل ال usb modem على التابلت يبقى لازم التابلت يدعم UTG (USB on the GO) وبرضه لازم يكون ال usb modem بتاعك له تعريف على الاندرويد وغالبا لو هواواي او زي تي اي هايكون سهل

**LegendJo** · 03-04-2012 06:07 PM

هات تابلت فيه 3G + WiFi احسن بكتير

**beshomilan** · 04-04-2012 12:44 AM

اشكركم للردود اخوتى
وواضح فعلا ان التابلت الواى فاى + ثرى جى افضل واريح بكتير بدل وصلات وحوارات

**Moustafa_Kamel** · 04-04-2012 09:50 AM

الايسر فيه usb و ممكن تشغله عليه عادي لانه ويندوز

**beshomilan** · 05-04-2012 04:53 PM

بس الويندوز التاتش سمعت انه مش حلو خالص وكله قاللى خليك فى الاندرويد افضل

**NaderNabil** · 05-04-2012 06:22 PM

لو معاك موبايل أندرويد...يبقى انت مش محتاج التابلت يكون فيه 3g

الموبيلات الاندرويد ممكن تشتغل كوايرلس راوتر...بتاخد من ال3g و تعمل وايرلس نتورك في النطاق اللي حواليها...و أي جهاز ممكن يلقطها...سواء لابتوب أو تابلت

انا معايا تابلت أيسر بس الأندرويد و معايا موبايل سامسونج أندرويد و شغال كده علطول