الموضوع: عاوز أفتح محل صرافة بس خايف ...

أولا وقبل كل شيء بسم الله ولا قوة إلا بالله
ربنا يباركلك فيما رزق
ثانيا هو حضرتك على أي أساس اخترت المنطقة؟ عشان حاسس إن مثلا قربها من التجنيد يبقى أمان وكدة؟
أنا بسأل عشان ممكن يكون فيه أماكن تانية أمان وفي نفس الوقت قريبة من مصالح تجارية زباينها محتاجين خدمات صرافة (شركات سياحية، فنادق، إلخ) فالعملاء تبقى رجلهم أكتر على المكان وده هيفرق جدا في الدخل الشهري للمكان

المشاركة الأصلية كتبت بواسطة khaled online

أولا وقبل كل شيء بسم الله ولا قوة إلا بالله
ربنا يباركلك فيما رزق
ثانيا هو حضرتك على أي أساس اخترت المنطقة؟ عشان حاسس إن مثلا قربها من التجنيد يبقى أمان وكدة؟
أنا بسأل عشان ممكن يكون فيه أماكن تانية أمان وفي نفس الوقت قريبة من مصالح تجارية زباينها محتاجين خدمات صرافة (شركات سياحية، فنادق، إلخ) فالعملاء تبقى رجلهم أكتر على المكان وده هيفرق جدا في الدخل الشهري للمكان

أنا شفت محل هناك و المكان كويس و لما عرفت إنو قريب من التجنيد قلت أحسن برضو علشان حوار السطو صعب في مكان زي ده ... المكان ممكن يتغير مفيش مشكلة بس أنا بفكر في الموضوع في المجمل أو كله يعني ...

المشاركة الأصلية كتبت بواسطة screenplays

و الله غيرك كان اشطر ( اللي هو انا ) و لو كان فتح مصالح بيكسب مكنش حد اشتغل عند حد فنصيحه خلي فلوسك معاك لحد ما تشوف البلد هترسي علي ايه

ماهو أنا مش هفتح بكرا لسة في حوارات كتير و طبعاً حتى لو قلت خلاص عاوز أفتح مش قبل إنتخابات الرئاسة و أشوف الوضع ماشي ازاي ساعتها ...

السلام عليكم و رحمة الله و بركاته

بما أنك عاوز تفتح شركة صرافة, يبقى أكيد بتفهم فى الشغلانة.

أنا كنت عاوز أسألك, هو مفيش حد أدنى لرأس المال عشان تفتح شركة صرافة ؟؟؟؟

مش أى شركة صرافة, ممكن يشترى الدولار النهاردة مثلا ب 6.07 و بعد كده, ينزل لمثلا, 5.98, ساعتها, بتاع الصرافة مش يبقى خسر و لا بيعمل ايه و لا ايه الموضوع ؟؟؟؟

فهمنى, الله يباركلك, لأنى عاوز أفهم النقطة دى, أصل أنا بحب تجارة العملة أوى, لعب غالى و لا بيحتاج لا مخزن و لا بتاع, ممكن يبقى معاك فى جيوبك شويه دولارات على يورو ب مليون جنيه و ماشى و لا الهوا, كنت زمان أيام ماتخرجت من الجامعة فى ال2001 و 2002, بلعب بس فى المضمون, يعنى آجى قبل عمرة رمضان بشهرين تلاتة و أروح السعودية أعمل عمرة المولد النبوى و أغيرلى بالمرة 50000-60000 جنيه ريالات و أعينهم لحد ماعمرة رمضان تيجى و أبدأ أبيع فيهم, كنت بكسب فى الريال الواحد بتاع 8 ساغ, و أوقات كنت بروح سويسرا أبدل الجنيه بفرنك سويسرى, مرة, فى أول 2002, كنت رايح سويسرا و كان معايا بتاع 100 ألف جنيه فى الشنطة اللى كانت مشحونة فى بطن الطيارة و نزلت فى المطار زى الباشا و أستنى الشنطة تيجى عالسير, أبدا, أستناها تيييييييجى أبدا, لحد ما كل الناس اللى كانت معايا عالطيارة, أخدت شنطها و مشيوا و السير وقف و أنا بقيت هتجنن, أصعب وقت مر عليا فى حياتى, و فجأة بعد كام دقيقة مش عارف عدوا عليا ازاى, السير دار تانى و لقيت الشنطة جاية لوحدها, و كان فيه فى المطار عامل كينى, كان مستغرب أوى, أنا هتجنن ليه, قلت فى سرى, مانت مانتش عاااااااااااااااااارف, دى كانت آخر مرة أعمل فيها الموضوع ده فى سويسرا و خليتنى مع السعودية و خلاص, هيييييييييييييييييه كانت أياااااااااااااااام !!!!!!!, بعد كده فشلت و انحرفت و اشتغلت طبيب.

لو فهمتنى الفولة, هتكسب ثواب ان شاء الله.

المشاركة الأصلية كتبت بواسطة screenplays

باشا متعملنا موضوع عن كيفيه تطليع اي نوع من انواع الفيزا و موضوع الجرين كارد و الجواز من هناك و الهجره و الحوارات دي

السلام عليكم و رحمة الله و بركاته

ده, المفروض أن أنا اللى عندى كل المعلومات دى يعنى مثلا ؟؟؟؟!!!!