الموضوع: علاج التهتهه عند الأطفال

السلام عليكم و رحمة الله و بركاته
ربنا يشفيلك ابنك و انشاء الله الموضوع بسيط و هو عايز انك وو الدته تشجعوه و تصبروا عليه و تعطوه ثقة بالنفس وده ايضا ميمنعش انك تعرضه علي اخصائي التخاطب
اما بالنسبة للطهارة فانا شايف ان حضرتك كاتب انك من الاسكندرية و في جراح اطفال ممتاز في سيدي جابر شارع بورسعيد اسمه د/ ياسر سعد الدين و ده استاذ دكتور في جامعة اسكندرية
و ربنا يوفقك و يصلح حال اولادك

بالنسبة لابني الموضوع مش ملازمه ده ساعات بيجيله الموضوع ده وبيروح لوحده لما نتابع معاه ونقوله يتكلم بالراحه بس بحس انه بيدور علي الكلمه مع انه لهلوبه في الكلام في العادي بس ساعتها يبقي صعبان عليا قوي وبينهج وبحس انه مخنوق ومش قادر يتكلم

التلعثم غالبا ما يكون عند الأطفال الأذكياء
فعندهم الكثير يدور فى عقولهم وليس عندهم القدرة على التعبير والمفردات اللازمة للتعبير عن ما بداخلهم
هذا أولا
ثانيا : التلعثم هذا يأتى أيضا من الشيطان الذى يربط على اللسان وفى هذه الحالة لابد من قراءة الرقية الشرعية يوميا عليه حتى يبعد عنه هذا الشيطان فأنا ابنى يعانى من نفس الموضوع وبعد قراءة الرقية الشرعية عليه وآيات السحر والحسد يصبح لسانه طبيعيا لمدة يومين ثلاثة وكأنه ليس لديه أى نوع من التلعثم اطلاقا ثم يعاوده الأمر مرة أخرى علما بأنه بفضل الله حافظا للكثير من كتاب الله فيقوم الشيطان بالمحاربة حاربه الله تعالى ومكننا منه ونصرنا عليه
فأرجو أن تجرب الرقية الشرعية وآيات السحر والحسد
وشفاه الله وعافاه

السلام عليكم
حاول تهتم بابنك وحاول تشاركة معاك ووالدته في اي نشاط
كمان مهم جدا انك تخرج ابنك من وقت للتاني يعني مثلا روحو حديقة الحيوان وباذن الله هيكون فيه تقدم
كمان حاول انك متعقبهوش علي طول يعني خده بالسياسة لانه واضح انه عنيد شوية
وباذن الله هيكون فية تقدم
ايضا بجانب هذا راي الاخ alrabeh باذن الله مفيد وفعال

الاخ الفاضل انصحك بزيارة الدكتور ناصر قطبي من اوائل رواد هذا المجال في مصر وانا شخصيا كمتلعثم كنت متابع معه من الطفولة وحتي وقت قريب
التعلثم انواع مؤقت / دائم وله ظروف ولذلك لابد من مراجعه من له علم بالموضوع
الدكتور له مكان في مدينه نصر وهو فى العيادات الخارجيه لمستشفي النصر التخصصي (في شارع جانبي من شارع علي ناصيته جامع رابعه العدوية ( اظن انه شارع الطيران) المستشفي فى شارع علي ناصيته محل بيتزا هت
مستشفى النصر التخصصى, مدينة نصر, القاهرة, مصر | مستشفيات ومراكز طبية | Yellow.com.eg | 6 ش ابن هانى الاندلسى متفرع من ش الطيران

ودي نمرة تليفون الدكتور معرفش اتغيرت ولا لا 01001150593 لاني بقي لي فترة طويلة مش رحت له
جامعة عين شمس - الأستاذ الدكتور / محمد ناصر قطبى

المشاركة الأصلية كتبت بواسطة alrabeh

التلعثم غالبا ما يكون عند الأطفال الأذكياء
فعندهم الكثير يدور فى عقولهم وليس عندهم القدرة على التعبير والمفردات اللازمة للتعبير عن ما بداخلهم
هذا أولا
ثانيا : التلعثم هذا يأتى أيضا من الشيطان الذى يربط على اللسان وفى هذه الحالة لابد من قراءة الرقية الشرعية يوميا عليه حتى يبعد عنه هذا الشيطان فأنا ابنى يعانى من نفس الموضوع وبعد قراءة الرقية الشرعية عليه وآيات السحر والحسد يصبح لسانه طبيعيا لمدة يومين ثلاثة وكأنه ليس لديه أى نوع من التلعثم اطلاقا ثم يعاوده الأمر مرة أخرى علما بأنه بفضل الله حافظا للكثير من كتاب الله فيقوم الشيطان بالمحاربة حاربه الله تعالى ومكننا منه ونصرنا عليه
فأرجو أن تجرب الرقية الشرعية وآيات السحر والحسد
وشفاه الله وعافاه

ده اكتر راي انا مقتنع بيه بس كنت عايز اعرف هل فعلا الحسد ممكن يعمل كده لان الموضوع ده بيحصل له كل اما نروح البلد والناس هناك عينيها تفلق الحجر والحمد لله انا ابني شكله حلو ومهتم قوي بيه سواء في الشكل او التعليم والنطق وكل حاجه

الف شكر اخي الكريم وهجرب معاه الرقيه وان شاء الله تكون فيها الشفاء

لازم تروح دكتور تخاطب بنتى كانت كده واتعالجت عند دكتور محمد يوسف ميدان تراميف بجانب البنك الاهلى لا تترك الموضوع انا عندى تلعثم حتى الان وانا طبيب لان العلاج فى الكبر صعب بنتى خفت بعد جلسات لمدة سنة وربنا يخفف عقدة لسانى مثل سيدنا موسى عليه السلام