الموضوع: تجربة شد عنيفة

السلام عليكم
اولا انا مبحبش احكي تجارب الشد لان لو حكيت مش حخلص و كلها بتخلص بتفوق ال sir

بعيدا عن اللي حصل انا طباعي في الشد كالتالي
1- احترم اللي بيشد معايا مبزنوقش عليه و لو في مجال بفتحله طريق
2- لو اتزنق في حته بستناه يجي و نشد تاني معا بعض مش بطلع افلق انا معا نفسي و اعتبر اني كدا عديته
3-اول ما بجري معا حد و بطلع منه خلاص مش مستاهله بقى افضل طول الطريق اجري و هوا ورايا (خلاص اتعلم عليك شكرا نهدي بقى)
4-اللي عايز يقضيها غرز و ترعيش للقدامه و شمال مقفول ينزل يمين والشغل الرخيص دا بسيبه مع نفسه
لو عالغرز انا كانت وصلت بيا لدرجة اني مبتكيفش الا من الغرز بين رايح و جاي يعني واحد جاي في وشي والتاني جمبي لكن الحمد لله ربنا هداني و شيلت الغرز دي من دماغي نهائي الا للطوارئ
5-لو بشد مع حد والطريق فتحله و داس و مشي وانا مزنوق بنفضله لانه كدا بيجري معا نفسه

لكن اللي حصل معايا امبارح كانت تجربة جديدة

الموضوع كالتالي

راجع دائري من الحرفين للمعادي بعد ما كنت بتفرج على عربية مع واحد صاحبي و انا من النوع اللي بخاف من لسعة الرادار (عيالي اولى بالفلوس دي) فا ماشي 90 و بستنى بفارغ الصبر عشان النفق يجي عشان بحب اجري فيه و بصراحة مش حخبي عليكم ببقى عمال اشمشم على حد يجري معايا في الحتة دي ولمحت قبل نزلت النفق زينون نضيف و حاجة سودا و عدت من جمبي 150 مثلا
اول ما عدا انا اديت التالت و رايح وراه و احنا الاتنين في نزلت النقق دلوقتي

هوا هدى ورا عربية و نزلت سرعته ل110 مثلا و شايف النور بتاعه بيقلب جيت انا شمال العربية دي و هوا يمينها
و ابتادينا الافترا وصلت 170 و هوا كان فارق ورايا متر او 2 متر و داخلين على 180
لقيت قلة ادب بتحصل (كل دا احنا في نص النفق بالضبط)
حسيت انه ابتدا يجي جمبي و فعلا جيه جمبي و عدا لضمت فيه من ورا كنا وصلنا 200 تقريبا و النفق خلص
قولت يا واد اهدا انت ليك الشرف اصلا انك عرفت تتكلم مع الكائن دا و ابتديت اهدا انا و صاحبنا اخد غرزه على 190 200 مثلا و اول مره في حياتي اشوف عربية بتاخد غرزه بالشكل دا انا مش عارف اوصف بس هي حاجة غريبة تقريبا الغرزة متحدده بالاحداثيات و لا ميلان و لا اي كلب اعور

العربية يا جماعة rang rover sport
العربية دي V8 supercharged 510 hp

و دي اول مره يتعلم علي ال sir بتاعتي بس انا كسنهوري اتبسط لاني تعبته شوية على ما طلع مني بل تفوقت عليه لحاد 180

معلش طولت عليكم

جالك قلب ازاى تشد مع رينج روفر
يا راجل انا مره نزلت مصر بعربيتى وكان معايا مرسيدس شبح 500 SEL
v8-350 Hp
كنت خارب الدنيا من غير ما اعمل كيك داون واحده وجيت من نويبع للقاهره ماشي 200-220
مهديتش غير فى السويس وعمرى ما فكرت اشد مع x3 -x5-Ring