رأيكم فى الايفو

**gha** · 04-04-2012 10:54 AM

السلام عليكم اعضاء الجروب ...عايزة اشترى عربية جديدة وسألت فى قسم المقارانات عن الاوبل كورسا والايفو والتيدا وطبعا كل عربية لها مميزات وعيوب...فا فكرت اسأل عن كل عربية منهم فى القسم الخاص بها.........

من فضل حضراتكم تساعدونى شوية فى الاختيار وياريت رجاء تكون آراؤكم عن خبرة وتجربة....
رأيكم ايه فى الإيفو من حيث 1-الاداء 2-وتوفر قطع الغيار واسعارها و 3-التوكيل وخصوصا انى بسمع كلام جميل عن العربية لكن الكل بيحذر من التوكيل ودى مشكلة بالنسبالى خصوصا انى سيدة و 4-إعادة البيع
و 5-هل الاوتوماتيك افضل ام المانيول او بمعنى اخر هل له مشاكل؟؟انا بسوق من 17سنة ومعنديش مشكلة فى المانيول خالص لكن الكل بيقولى هاتى اوتو عشان الزحمة وخايفة من مشاكل الاوتو فى المستقبل إن شاء الله ..مع الوضع فى الاعتبار انى مش بسافر واستخدامى فى قلب القاهرة فقط تقريبا....وشكرا جزيلا لكم جميعا حفظكم الله .

**Mahmode** · 04-04-2012 10:19 PM

متابع بشده. أنا بافكر أجيب إيفو أوتو بس سمعت من كذا موضوع كلام على الفتيس إنه فيه مشاكل أو اللأصطوانة بتبوظ مع الوقت. يا ريت حد فاهم يجاوب على gha ويقول رأيه في الفتيس ومشاكل العربية عامة.

**Mahmode** · 05-04-2012 07:36 PM

مفيش أي رد؟

**wama1903** · 05-04-2012 11:50 PM

اولا اهلا بيكي معانا فالمنتدى.....نورتبنا

انا قريت موضوع ليكي تاني بتسالي فيه نفس الاسئله بس مارضيتش ارد ..... الناس قعدت تتكلم عن الايفو و اظن ان ناحدش فيهم معاه العربيه دي

العربيه الايفو ممتازه في كل حاجه...ولو هتجيبيها هاتيها اوتو "دواللوجيك" ما تعمليش زي :( هتستريحي كتييير :)
العربيه تقفييييل ممتاز و خامات جمييله جدا " احنا معانا صني و كورولا الانتيريور بتاع الايفو احسنهم"
عيبها الوحيد و اظن ان ده مش هيفرق مع خضرتك اوي ان موتورها مش قوي اوي
اما بالنسبه للفتيس.....فكل زملائنا هنا بيشكروا فيه و ان كان في حاجه ظهرت فاظن دي مشكله فردبه " انت ممكن تسالي محمد جمال عن الحكايه دي"
الايفو هتاخدي احلى و اعلى امكانيات باحلى سعر
و فعلا يعيب الايفو و الفيات و الاوروبي عامه التوكيل...حسب تعاملي معاهم معاملتهم مش اوي :ده فمركز جسرالسويس انما كانوا كويسين فمركزهم فاسكندريه" بس قطع الغيار متوفره جوه و وبره التوكيل

الايفو عربيه ركوبه ومزاج بمعني تجيبيها و ماتفكريش تبيعيها خالص دلوقتي

يميز التيدا ان سعر اعاده بيعها هيكون اعلى سعر و توكيل احلى و وسع اكتر بس مافيش كماليات خالص
الكورسال انا ماعرفش عنها اوي بس هي اعلاهم فالسعرو ماتفرقش عن الايفو الا السقف و ممكن جنط اكبر

الايفو اكتر امكانيات مقابل اقل سعر value for money انا لو رجه بيا الزمن تاني هجيب الايفو برضه بس اوتو

و مبرووك مقدما :)

**Mahmode** · 06-04-2012 12:53 AM

شكرا أستاذ واما على الرد. يا ريت لو تدينا فكرة عن أسعار قطع غيارها؟ يعني مثلا مقارنة باللانسر البومة, فرق سعر قطع الغيار قد ايه؟ وتكاليف الصيانة؟

**gha** · 06-04-2012 01:40 PM

المشاركة الأصلية كتبت بواسطة wama1903

اولا اهلا بيكي معانا فالمنتدى.....نورتبنا

انا قريت موضوع ليكي تاني بتسالي فيه نفس الاسئله بس مارضيتش ارد ..... الناس قعدت تتكلم عن الايفو و اظن ان ناحدش فيهم معاه العربيه دي

العربيه الايفو ممتازه في كل حاجه...ولو هتجيبيها هاتيها اوتو "دواللوجيك" ما تعمليش زي :( هتستريحي كتييير :)
العربيه تقفييييل ممتاز و خامات جمييله جدا " احنا معانا صني و كورولا الانتيريور بتاع الايفو احسنهم"
عيبها الوحيد و اظن ان ده مش هيفرق مع خضرتك اوي ان موتورها مش قوي اوي
اما بالنسبه للفتيس.....فكل زملائنا هنا بيشكروا فيه و ان كان في حاجه ظهرت فاظن دي مشكله فردبه " انت ممكن تسالي محمد جمال عن الحكايه دي"
الايفو هتاخدي احلى و اعلى امكانيات باحلى سعر
و فعلا يعيب الايفو و الفيات و الاوروبي عامه التوكيل...حسب تعاملي معاهم معاملتهم مش اوي :ده فمركز جسرالسويس انما كانوا كويسين فمركزهم فاسكندريه" بس قطع الغيار متوفره جوه و وبره التوكيل

الايفو عربيه ركوبه ومزاج بمعني تجيبيها و ماتفكريش تبيعيها خالص دلوقتي

يميز التيدا ان سعر اعاده بيعها هيكون اعلى سعر و توكيل احلى و وسع اكتر بس مافيش كماليات خالص
الكورسال انا ماعرفش عنها اوي بس هي اعلاهم فالسعرو ماتفرقش عن الايفو الا السقف و ممكن جنط اكبر

الايفو اكتر امكانيات مقابل اقل سعر value for money انا لو رجه بيا الزمن تاني هجيب الايفو برضه بس اوتو

و مبرووك مقدما :)

جزيل الشكر لحضرتك....بصراحة شئ محير جدا...انا تقريبا محتارة بين الإيفو والتيدا...وكل واحدة لها مميزاتها وعيوبها...وفعلا كتير خوفونى من توكيل الاوبل وقطع الغيار حتى خارج المنتدى.....وطبعا كل عربية منهم لها مؤيديها إن شاء الله ربنا يقدم الخير...وشكرا لتعاون حضراتكم معى.

**wama1903** · 06-04-2012 06:07 PM

المشاركة الأصلية كتبت بواسطة mahmode

شكرا أستاذ واما على الرد. يا ريت لو تدينا فكرة عن أسعار قطع غيارها؟ يعني مثلا مقارنة باللانسر البومة, فرق سعر قطع الغيار قد ايه؟ وتكاليف الصيانة؟

انا ماعرفش اسعار البوما ايه بس قطع الغيار اظن عادي زي باقي الاوروبي.....صيانه ال 5000 مجانا و ال 10000 حوالي 600 جم

**wama1903** · 06-04-2012 06:09 PM

المشاركة الأصلية كتبت بواسطة gha

جزيل الشكر لحضرتك....بصراحة شئ محير جدا...انا تقريبا محتارة بين الإيفو والتيدا...وكل واحدة لها مميزاتها وعيوبها...وفعلا كتير خوفونى من توكيل الاوبل وقطع الغيار حتى خارج المنتدى.....وطبعا كل عربية منهم لها مؤيديها إن شاء الله ربنا يقدم الخير...وشكرا لتعاون حضراتكم معى.

اهلا بيكي معانا و ان شاء الله فيات :):)

**Mahmode** · 06-04-2012 11:30 PM

بعد شوية استقصاء عن الإيفو ده تقييمي:

عربية حلوة كقيادة وتقفيل وثبات وأمان وأوبشن وغيره بس:
قطع غيارها غالية
صيانتها غالية
توكيلها سيء
موتورها ضعيف
سعر إعادة بيعها سيء

أنا عن نفيس صرفت نظر عنها.

**karimalaa** · 07-04-2012 03:12 AM

المشاركة الأصلية كتبت بواسطة Mahmode

بعد شوية استقصاء عن الإيفو ده تقييمي:

عربية حلوة كقيادة وتقفيل وثبات وأمان وأوبشن وغيره بس:
قطع غيارها غالية
صيانتها غالية
توكيلها سيء
موتورها ضعيف
سعر إعادة بيعها سيء

أنا عن نفيس صرفت نظر عنها.

مع احترامي لحضرتك أنا شايف حضرتك بتقول ان موتورها ضعيف و شايف حضرتك معاك فانتازيا... أنا أسف اني أقول لحضرتك ان الايفو كتسارع أسرع من الفانتازيا و الجيتا من 0 لحد ال 120 بعد كده تبدأ الجيتا تقرّب منها لحد الtop speed و اللي هي 180 في الاتنين بس ساعات الجيتا بتكسر ال180....الكلام ده مش خيال, الكلام ده من واحد صاحبي و أكتر من أخويا معاه جيتا و ايفو و جرب كذا مرة هو و السواق فا لو بتقارنها بالجيتا أو الفانتازيا يبقى الجيتا و الفانتازيا بط بلدي و بالنسبة لقطع الغيار فا أكيد أي عربية أوروبي جديدة قطع غيارها غالية ( دي مش 128 )
التوكيل سيء و سعر اعادة البيع سيء ... كلام صح 100%

الموضوع: رأيكم فى الايفو

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الايفو !!!!

الايفو؟!!

موتور الايفو

الايفو و الاتوبيس

هل الايفو افضل ؟؟

الكلمات الدلالية لهذا الموضوع

المفضلات

المفضلات

ضوابط المشاركة