الموضوع: الاكسنت فيها لخبطة ومحتاج مساعدة الهيونداوية

المشاركة الأصلية كتبت بواسطة egy_3assy

صباح الانوار على الهيونداوية..
انا عندي يا جماعة شوية اسئلة بخصوص الاكسنت السماوي اللي هي 1300CC كربراتير مانيوال مو 99 :]
1- في رجة بس اتظبطط الي حد كبير دلوقتي .. بس لسة موجودة شوية والمشكلة بتبان لما اقفل الازاز عشان بسمع حاجات بقى جوة ... مزيـــــــكا .. يعني الولاعة بتخبط و تعمل صوت و الاكرة اللي ورا بتخبط وتعمل صوت و تقريبا كدة البلاستيكة اللي على العدادات بتتحرك وتعمل صوت والتابلوة بيتهز و يعمل صوت طبعا انا بحس اني راكب خلاط مش عربية .. و بالمناسبة باركولي و ادعولي يكفيني شر اللجان عشان فيمت العربية :) ..
2- انا عندي الطابلوة فية شرخ كدة هل دة بيتصلح او يتعملة كسوة تفصيل مثلا؟ .. وهل هو دة اللي مخلي صوت الموتور عالي جوة العربية و مقلل العزل للدرجة دي.. اصلي لما بفتح الشبابيك مش بحس بحاجة و صوتو طبيعي بس لما بقفل الازاز ... اجارك الله صوتو بيكون عالي جوة الصالون جدا علما بأني مغير زيت و زي الفل..
3- الفتيس بيعض في معظم النقلات وبالذات لما تكون لسة باردة .. مع العلم اني من شهر بالظبط جايبلها طقم اصلاح دبرياج علوي و سفلي ,, ممكن يكون سبب العض دة اية .. و هل لو غيرت اسطوانة و ديسك و بلية الموضوع دة يتحل و اصلا هو تقريبا بيعمل كام كدة (فلوس)
4- انوار التكييف والجزء اللي في النص دة مش شغالة فجأة و نفسي اعرف افك المنطقة دي عشان اغير الفوانيس اللي جوة ومش عارف.
5- المشكلة الكبيرة لما جيت اسافر بيها اخرها على الطريق 140! .. مش عارف اية السبب .. المفروض الاكسنت الموديل دة جراية عن كدة بكتير.. حد عندة حل؟
6- البوجيهات بتهبب بسرعة يعني شهر بالكتير لما بسأل قالولي ان البوجيهات معظمها مضروب في السوق.. والميكانيكي قالي هات بوجيهات NGK اتنين شمعة عشان تفوقها ... دة صح ولا فتي؟
7- في صوت الصبح وهي باردة زي صوت صفارة كدة وانا واقف فملهاش علاقة بالتيل اعتقد من مواسير المية بس هي تعمل كدة؟؟ صوت صفارة بيعد ييجي و يروح لحد ما تسخن.

طبعا اي حد هيقرا الكلام دة هيقول اني راكب توكتوك .. بس العربية بجد حلوة و هايلة بس محتاجة شوية اهتمام و تبقى زي الفل ان شاء الله ... يا شباب انا عايز اروقها ومش مستخسر فيها حاجة و دة لسبب اني لما بدفع في العربية دي جنية بيبان على طول ... بس محتاج توجية بعيدا عن فتي الميكانيكية اللي ورمولي دماغي.

طبعا متأسف على الاطالة بس فكرت اني اجمع الاسئلة كلها في موضوع واحد عشان مخوتكوش معايا ... وربنا ما يحرمني من جمايلكو يا رجالة.

السلام عليكم

احنا معانا ال1.5 موديل 2002

انا بعشق العربيه ده بس للاسف عملت حاددثه بيها و شيست منني

1. الرجه ماأفتيش فيها بس شوف القواعد
2. نفس الشرخ عندي البديل تجيب استيراد و بردو هيتشرخ
3.ايه نظام زيت الفتيس معاك و كاوتشه طقم الدبرياج ممكن تحتاج تتغير
الطقم جديد كان عامل من سنتين 450 في المنير في الهرم و 650 في التوكيل ولاد التيييييييت !
4. عارف البلاستيكه اللي متركب عليها لمبه الانتظار هي ده بتتفك وديها لأي كهربائي يفكها ب10 جنيه و اللمض باين الواحده بنص جنيه و هم 6 لمض باين
5.ضبط زوايا و رصص و ركب كاوتش نضيف أو عرض شويه و ركب ال 185/60/13 و عيش
6.هات NGK من توكيلهم التوفيق في السيده زينب أو المعادي و فيه البلاتينيوم ب270 أو الاريديوم و الناس شكرت في البلاتينيوم أوي بقي بيهدي الصوت و السحب بيفرق و استهلاك البنزين بيفرق حاجه توت كده
7. لا أعتقد انه من مواسير المياه لو صوت بيروح أول ما تدوس دبرياج يبقي فرش الدبرياج عاوز يتشحم
لو شغال عمال علي بطال سواء دست أو لا يبقي بليه الدبرياج

و لو غلط في حاجه حد من الاخوه الاعضاء يصلحلي

و العربيه ده وهميه لولا الحادثه بس

المشاركة الأصلية كتبت بواسطة kareem.elaraby

السلام عليكم

احنا معانا ال1.5 موديل 2002

انا بعشق العربيه ده بس للاسف عملت حاددثه بيها و شيست منني :i_angr1[1]:

1. الرجه ماأفتيش فيها بس شوف القواعد
2. نفس الشرخ عندي البديل تجيب استيراد و بردو هيتشرخ
3.ايه نظام زيت الفتيس معاك و كاوتشه طقم الدبرياج ممكن تحتاج تتغير
الطقم جديد كان عامل من سنتين 450 في المنير في الهرم و 650 في التوكيل ولاد التيييييييت !
4. عارف البلاستيكه اللي متركب عليها لمبه الانتظار هي ده بتتفك وديها لأي كهربائي يفكها ب10 جنيه و اللمض باين الواحده بنص جنيه و هم 6 لمض باين
5.ضبط زوايا و رصص و ركب كاوتش نضيف أو عرض شويه و ركب ال 185/60/13 و عيش
6.هات ngk من توكيلهم التوفيق في السيده زينب أو المعادي و فيه البلاتينيوم ب270 أو الاريديوم و الناس شكرت في البلاتينيوم أوي بقي بيهدي الصوت و السحب بيفرق و استهلاك البنزين بيفرق حاجه توت كده
7. لا أعتقد انه من مواسير المياه لو صوت بيروح أول ما تدوس دبرياج يبقي فرش الدبرياج عاوز يتشحم
لو شغال عمال علي بطال سواء دست أو لا يبقي بليه الدبرياج

و لو غلط في حاجه حد من الاخوه الاعضاء يصلحلي

و العربيه ده وهميه لولا الحادثه بس

1- ..
2- يعني مفيش فايدة
3- انا عامل طقم اصلاح قريب وزيت الفتيس لسة مغيرة من شهرين.
4- الف شكر يا باشا هجرب و اقولك النتيجة ان شاء الله
5- انا مركب جنط 15 .. بس لسة هجرب الترصيص و تظبيط الزوايا كدة و اقولك اية النظام بس انا حاسس ان في مشكلة تانية في السحب غير الزوايا وكدة .. هل في اسباب تانية؟
6- بس البلاتينيوم دة غالي اوي.. دول بالكتير المفروض ميعدوش 100 جنية دة انا كمان عايز اغير سلوك البوجيهات
7- انا مجربتش احط رجلي على الدبرياج و اشوف هجرب برضو و اقولك اينتيجة
ربنا يعوضك خير ان شاء الله و شكرا يا باشا على الرد القوي دة .. تتردلك يا ريس ان شاء الله

المشاركة الأصلية كتبت بواسطة bunsh_fox

فييييين نموذج الاعطال ..... :i_angr1[1]:

نموذج الأعطال

1- موديل السيارة :
2- سنة الصنع :
3- الفئة :
4- ناقل الحركة (مانيوال / اوتوماتيك) :
5- الكيلومترات المقطوعة :
6- تاريخ أخر صيانة و نوعها :
7- وصف المشكلة أو العطل :
8- تشخيص العطل (بواسطة الأعضاء) :
9- قطع الغيار المطلوبة و أسعارها :
10- الفترة الزمنية من بدء عرض المشكلة حتي الانتهاء منها :
11- تقييم صاحب الموضوع للسيارة بعد الأصلاح :

موديل 99
خليجي
مانيوال
151000 كم
اخر صيانة من اسبوعين ... كنت بغير المارش
المشاكل كلها شرحتها في 7 نقاط
... مش عارف اية اللي انا عاملة غلط بس اوك هستنى ردود الاعضاء الكرام

المشاركة الأصلية كتبت بواسطة bunsh_fox

زعلت منى ولا اى انا مش قصدى حاجة ,, اللى انا اقصدة نموذج الاعطال (مفروض كل الاعضاء يشتغلوا بية) زى م/سمير ماقال لتنظيم معلومات وتسهيل البحث للاعضاء جدد ,, وللاسف معيش موديل دة وبالتالى مش هقدر افيدك وانتظر رد باقى الاخوة الافاضل ,, تحياااااااااتى .

لا يا باشا زعلان اية بس ربنا ما يجيب زعل .. انا بس مكنتش اعرف الموضوع دة ... بس وعد هنفذة بعد كدة