السيراتو والبنزين 92

**mohamed_7amo** · 04-04-2012 09:59 PM

[overline][/overline]السلام عليكم ورحمه الله وبركاته

[overline][/overline]انا بقالى 50000 كم ماشى بالسيراتو 2010 وبحط بنزين 92 بس البخار اللى بيطلع من الشكمان رحتة وحشة قوى وبيوجع العين وبيخنق مع العلم ان السحب تمام واستهلاك البنزين تمام بس انا عايز اعرف لية الشكمان بيطلع الريحة دى وده من اية

**TFSI** · 04-04-2012 10:05 PM

ريحة العادم مالهاش علاقة بنوعية البنزين بس ليها علاقة بعلبة البيئة (Catalizer) فاكشف علية يمكن يكون فقد فاعليتة فى تنقية العادم

**ahmedeihab** · 05-04-2012 01:03 PM

المشاركة الأصلية كتبت بواسطة tfsi

ريحة العادم مالهاش علاقة بنوعية البنزين بس ليها علاقة بعلبة البيئة (catalizer) فاكشف علية يمكن يكون فقد فاعليتة فى تنقية العادم

الله عليك
الراجل ده جاب من الاخر
^_^

**AHMED1718** · 05-04-2012 03:31 PM

ايه اللى بيجيب عينك عند الشكمان ولا انتا قصدك وانتا ف العربية ؟
وعمتن لو السحب كويس زى مبتقول والعربية بتدور من اول مرة يبقا البوجيهات سليمة والحرق تمام بلاش تخلى حد يفتيلك من فتايين الميكانيكيا

ولو انتا الدخان بتحس بريحته وانتا ف العربية وارد يكون الشكمان مخروووم
اكشف عليه

**AHMED1718** · 06-04-2012 04:42 PM

المشاركة الأصلية كتبت بواسطة mohamed_7amo

شكرا على ردك يا باشا وشكرا ايضا لاهتمام حضرتك بس انا مش بحس بلريحة وانا راكب ولا بشم اى حاجة جوة العربية الحكاية انى لما بكون واقف ورا العربية سواء كنت قريب او بعيد البخار اللى طالع من العربية الصبح او لو كنت لسة اول مرة اشغلها فى اليوم البخار ده من غير ما انزل عند الشكمان بكون شامم ريحتة وبتكون جاده اوى لدرجة انها بتخنق لو انا جوة الجراج وبتوجع العين وانا مش باروح للميكانيكى انا كل التعامل بتاعى بيكون فى التوكيل بس السحب تمام واستهلاك البنزين تمام وصوت الشكمان كويس برضو بس انا كنت عايز اعرف هوو البنزين 92 ريحتة كده ولا كل السيراتو ريحة العادم بتعها كده مع العلم انى بحت 92 من ساعت ماجبت العربية وهى زيرو يعنى والموضوع ده موجود من ساعت ماجبت العربية برضو والشكمان ساليم عشان انا برفع العربية كتير عشان ابص عليها من تحت كل فترة وانا بتابع العربيى على طول لدرجة انى جايب مزان ضغط هوا وبقيس الكاويتش قبل ما بطلع من الجراج وبشيك على منسوب السوائل برضو كل يوم قبل ما اطلع من العربية

انصحك نصيحة
بلاش الحساسية الزيادة اوى دى
كده بتخلق مشاكل فيها مش موجودة ربنا يبعدك عن المشاكل
بخصوص ريحة العادم لو ريحة حريق نىء يبقا فيه مشكلة ف البوجيهات
لو ريحة الدهان المعتاد طبيعي ده اساسا بلاوى بتطلع من الشكمان وانصحك متخليش باب الجراج مقفول وانتا بتسخن العربية وده طبيعي
وعمتن التسخين المفروض ميزدش عن دقيقة او دقيقتين
واخيرا استمتع بعربيتك متكدرش نفسك حتى لو بتقول متتعاملش غير مع التوكيل بردو كتر فتح الكبوت بدون داعى بيخلق مشاكل حتى لو اللى بيشتغل فيها دكتور مش مهندس

**mohamed_7amo** · 06-04-2012 05:35 PM

الف شكر ليكو يا جماعة وانشاء الله هعمل بكل النصايح بتاعتكو

**moha4tec** · 09-04-2012 04:39 PM

المشاركة الأصلية كتبت بواسطة ahmed1718

انصحك نصيحة
بلاش الحساسية الزيادة اوى دى
كده بتخلق مشاكل فيها مش موجودة ربنا يبعدك عن المشاكل
بخصوص ريحة العادم لو ريحة حريق نىء يبقا فيه مشكلة ف البوجيهات
لو ريحة الدهان المعتاد طبيعي ده اساسا بلاوى بتطلع من الشكمان وانصحك متخليش باب الجراج مقفول وانتا بتسخن العربية وده طبيعي
وعمتن التسخين المفروض ميزدش عن دقيقة او دقيقتين
واخيرا استمتع بعربيتك متكدرش نفسك حتى لو بتقول متتعاملش غير مع التوكيل بردو كتر فتح الكبوت بدون داعى بيخلق مشاكل حتى لو اللى بيشتغل فيها دكتور مش مهندس

+11111111111111
انت راجل اصلى
احب الناس الرايقه .هو كلامك صح فعلا .