معلومات عن q5 على وجه السرعه للأهمية

**abdullahalbadr** · 06-04-2012 02:20 AM

إلى وحوش الأودي ، تحية طيبه وبعد ،
عندي أخ يعيش فى الخليج ويرغب فى شراء أودي Q5 2000cc v4هنا فى مصر وطلب مني أن أسأل له عن سعرها وعن المواصفات والكماليات المتوفرة فى السيارة فى مصر ، وعن أسعار الصيانة وقطع الغيار وهل توكيل الأودي من التوكيلات القويه أم أنه ضعيف ولا يوجد إهتمام سواء به أو بالعملاء ، خصوصا وأن السياره قليلة نسبيا فى مصر وسعرها ليس بقليل أيضا، وهو يرغب فى المفاضلة بينها وبين2000cc 4v bmw x3 ، فمن الأفضل
فبرجاء من كانت عنده معلومات أن لا يبخل علي بها وهل السياره مناسبة للأجواء فى مصر عموما أم لا ، وإن كانت لا فما هي السيارة المناسبة فى فئتها (suv)
وأرجوا أن يكون الموضوع هام وعاجل
وشكرا

**احمد.محمد.عابد** · 08-04-2012 09:20 PM

لي صديق يملك BMW x3 جربها كتير وعجبتني جدًا بس لما جيت اشتري أنا فكرت أقارن بين x3 /q5 /glk وبصراحة لقيت الاودي افضل من حيث مواعيد مركز الصيانة بدون حجز مسبق ومعاملة راقية جدًا ويكفي انها الماني صناعة وتقفيل غير المرسيدس و البي ام الاتنين تقفيل مصري وهي معايا من حوالي ستة اشهر وماشاء الله عجباني جدًا

**abdullahalbadr** · 20-04-2012 11:35 AM

المشاركة الأصلية كتبت بواسطة abcdefghijklmn

لي صديق يملك bmw x3 جربها كتير وعجبتني جدًا بس لما جيت اشتري أنا فكرت أقارن بين x3 /q5 /glk وبصراحة لقيت الاودي افضل من حيث مواعيد مركز الصيانة بدون حجز مسبق ومعاملة راقية جدًا ويكفي انها الماني صناعة وتقفيل غير المرسيدس و البي ام الاتنين تقفيل مصري وهي معايا من حوالي ستة اشهر وماشاء الله عجباني جدًا

أولا شكرا لك على الإهتمام ، ثانيا حضرتك معاك أي فئه (هل بتختلف من فئه إلى أخري) ،وما هي الألوان المتوفره فى الوكيل ، وعن الضمان إيه أخباره ، وبخصوص مركز الخدمه والصيانه وقطع الغيار (سعرها وتوافرها) ومواعيد الصيانه .
أخيرا أسف على كتر الأسئله وشكرا مره أخري على الإهتمام

**احمد.محمد.عابد** · 21-04-2012 05:32 AM

المشاركة الأصلية كتبت بواسطة abdullahalbadr

أولا شكرا لك على الإهتمام ، ثانيا حضرتك معاك أي فئه (هل بتختلف من فئه إلى أخري) ،وما هي الألوان المتوفره فى الوكيل ، وعن الضمان إيه أخباره ، وبخصوص مركز الخدمه والصيانه وقطع الغيار (سعرها وتوافرها) ومواعيد الصيانه .
أخيرا أسف على كتر الأسئله وشكرا مره أخري على الإهتمام

هما فئتين بس والفرق بينهم حوالي مئة الف جنيه بالنسبة للسعر الفرق في الكماليات الفئه الاعلى فيها اوبشن كتير زي مثلآ سقف بانوراما كامل فتح وتشغيل وغلق بدون مفتاح سينسور بارك أمامي وخلفي زينون متحرك مع الدريكسيون. بالنسبة التوكيل ناس محترمين وكل قطع الغيار متوفرة لكن أسعارها بصراحة مش عارف لأني الحمد لله لسه مجبتش اي حاجة غير فلتر زيت بس المهندس في التوكيل بيقول انهم ارخص من توكيل مرسيدس وبي ام دا كل اللي اعرفه وأي خدمه يا باشا

**abdullahalbadr** · 22-04-2012 12:56 AM

المشاركة الأصلية كتبت بواسطة Abcdefghijklmn

هما فئتين بس والفرق بينهم حوالي مئة الف جنيه بالنسبة للسعر الفرق في الكماليات الفئه الاعلى فيها اوبشن كتير زي مثلآ سقف بانوراما كامل فتح وتشغيل وغلق بدون مفتاح سينسور بارك أمامي وخلفي زينون متحرك مع الدريكسيون. بالنسبة التوكيل ناس محترمين وكل قطع الغيار متوفرة لكن أسعارها بصراحة مش عارف لأني الحمد لله لسه مجبتش اي حاجة غير فلتر زيت بس المهندس في التوكيل بيقول انهم ارخص من توكيل مرسيدس وبي ام دا كل اللي اعرفه وأي خدمه يا باشا

شكرا مره ثانيه على الإهتمام
بس أن شفت فى معرض الأهرام الفئه اللي حضرتك بتتكلم عنها وكانت 500ألف جنيه وفيها سقف بانوراما وباركينج سينسور ووغلق بدون مفتاح سينسور بارك أمامي وخلفي زينون متحرك مع الدريكسيون ، وأنا مش عارف الفئه الأقل فيها إيه وبكام ، يا تري فى صالة عرض للوكيل فى مدينة نصر أو قريب منها ولا لأ ، أأخويا معاه فانتازيا 2011 وعاوز يبيعها ويجيب q5 يا تري إيه رأيك هي ولا bmw x3 وإيه الأوبشن اللي فى الفئه الأقل فى q5
شاكر مرة ثانيه على الإهتمام وأسف على الإزعاج

**احمد.محمد.عابد** · 22-04-2012 04:52 AM

المشاركة الأصلية كتبت بواسطة abdullahalbadr

شكرا مره ثانيه على الإهتمام
بس أن شفت فى معرض الأهرام الفئه اللي حضرتك بتتكلم عنها وكانت 500ألف جنيه وفيها سقف بانوراما وباركينج سينسور ووغلق بدون مفتاح سينسور بارك أمامي وخلفي زينون متحرك مع الدريكسيون ، وأنا مش عارف الفئه الأقل فيها إيه وبكام ، يا تري فى صالة عرض للوكيل فى مدينة نصر أو قريب منها ولا لأ ، أأخويا معاه فانتازيا 2011 وعاوز يبيعها ويجيب q5 يا تري إيه رأيك هي ولا bmw x3 وإيه الأوبشن اللي فى الفئه الأقل فى q5
شاكر مرة ثانيه على الإهتمام وأسف على الإزعاج

أنا اشتريت عربيتي من التوكيل اللي في العبور الفئتين الموجدين هناك كان سعرهم 495000 /595000 بس الكماليات اللي حضرتك ذكرتهم دول في الفئه اللي أنا اشترتها اللي 595000جنيه. بس بالنسبه لاخوك لو مش لازم عربيه فور باي فور يروح يتفرج الأودي a6 بصراحه عربيه وهم لاتقارن بالبي ام ولا المرسيدس هي من وجهة نظري افضل كتير من الاتنين. شوف حضرتك روح التوكيل في العبور وممكن تجرب الاثنين في القيادة وتحكم بنفسك

**Mzeid** · 22-04-2012 06:44 AM

بس بالنسبة لنظام الدفع الرباعي الأودي أسوأهم
البي ام X drive أحسن
ثم تليها المرسيدس 4Matic
و أخيرا نظام اودي الكواترو

و ممكن تحتكم لليوتيوب علشان تعرف مقصدي

**abdullahalbadr** · 30-04-2012 06:22 PM

لكل من عنده معرفة ومعلومات ، أنا فى حيره من أمري إلى الأن
ذهبت إلى توكيل أودي وشفت الQ5 بصراحه السياره أكثر من رائعه ، ولكني بعد ذلك بيومين وبناء على توصية من أخي وبعض الأصدقاء ذهبت لمشاهدة bmw x3 وبصراحة ذادت هذا المشوار حيرتي وتذبذبى ، ما بين السيارتين .
فهل يوجد مجال للمقارنه بين السيارتين وخصوصا أن الأودي أغلى فى السعر وصناعة ألماني ، أما البي إم أرخص فى السعر (ما بين 50 إلى 80 ألف جنيه) وتجميع محلى فى مصر.
هل هناك من جرب الx3 الجديده وهل هناك فرق فى الجوده بين التجميع المحلي و الألماني؟ أرجوا الإهتمام وإذا ما كان هناك تجربة لكل من السيارتين أرجوا الإفاده
وشكرا لكل من إهتم وساعد

**abdullahalbadr** · 05-05-2012 11:26 PM

للأهميه أرجوا الرد من أهل الخبره

**ahmedsadek82** · 06-05-2012 11:18 AM

المشاركة الأصلية كتبت بواسطة abdullahalbadr

لكل من عنده معرفة ومعلومات ، أنا فى حيره من أمري إلى الأن
ذهبت إلى توكيل أودي وشفت الQ5 بصراحه السياره أكثر من رائعه ، ولكني بعد ذلك بيومين وبناء على توصية من أخي وبعض الأصدقاء ذهبت لمشاهدة bmw x3 وبصراحة ذادت هذا المشوار حيرتي وتذبذبى ، ما بين السيارتين .
فهل يوجد مجال للمقارنه بين السيارتين وخصوصا أن الأودي أغلى فى السعر وصناعة ألماني ، أما البي إم أرخص فى السعر (ما بين 50 إلى 80 ألف جنيه) وتجميع محلى فى مصر.
هل هناك من جرب الx3 الجديده وهل هناك فرق فى الجوده بين التجميع المحلي و الألماني؟ أرجوا الإهتمام وإذا ما كان هناك تجربة لكل من السيارتين أرجوا الإفاده
وشكرا لكل من إهتم وساعد

الفرق في التقفيل لا يذكر , ما بين الالماني و المصري , البي ام x3 35 3000 سي سي تربو 306 حصان ,,محرك جبار طبعا ,,(بس حتدفع في المرور حوالي 11000 ج في السنة ترخيص) ,في بي ام x3 2000 سي سي تربو 184 حصان و ديه سعرها حلو 420000 ج ,تتميز العربية بأنها محبوبة و منتشرة نسبيا بحكم شعبية البي ام. و خاصة ال2000 سي سي حتنتشر عشان الترخيص 1000 ج بس مش 11000 زي التانية,

الاودي 2000 سي سي تربو 184 حصان بس ,, بس الترخيص حوالي 1000 في السنة , توكيل اودي مش بكفاءة توكيل بي ام و السيارة نادرة جدا

انصحك بال x3 ال2000 سي سي