زيادة استهلاك في البنزين بعد الصيانة في التوكيل ..

**dr_abooody** · 06-04-2012 03:41 PM

السلام عليكم

هو الموضوع اني عملت صيانة ال40 الف في مركز صيانة معتمد

غيرت بوجيهات و فلتر بنزين و فلتر هوا

لكن رفضت تغيير زيت الفتيس

المهم انا كنت واقف مع الراجل و هو بيركب البوجيهات المهم هو طلعا من العلبة راح مركبها على طول المهم قولتلة مش المفروض بنظبط المسافة بتاعة البوجيها بالفيلر و كل عربية ليها مقاسها قالي بسخرية هي دة 128

المهم انا شاكك ان البوجيهات هي السبب في زيادة استهلاك البنزين دة و لا انتو اية رايكم

نسيت اقولكم

العربية النترا 2009

**moh_faheem** · 06-04-2012 06:17 PM

كلام حضريتيك صح
والميكانيكى ده مبيفهمش حاجة
كل عربية وليها مقاس معين فى البوجهات
انصح حضريتيك تروح لميكانيكى محترم ويعملهم
وهتفرق معاك فى البنزين

**M.Al-Hefnawy** · 06-04-2012 10:18 PM

بص حضرتك انا لسه مركب بوجيهات لالنترا 2008 من يومين الميكانيكي بردو طلعها من العلبة وركبها.

بس فهمت منه من قبل كده لما كنت بغير بوجيهات اللانسر انها جاية مظبوطة وعشان كد بتبقة فيه قطعه كرتون اسطوانية مغلفة السن بتاع البوجيه عشان تحافظ عليه بنفس المسافة المظبوطة.

الميكانيكي بتاعك كده اشتغل صح ... استهلاك البنزين ممكن تكون البوابة عاوزة تنضيف أو الفلاتر أو انت بتمشي جوة البلد أو مشغل التكييف او هوا الكاوتش مش مظبوط. حاول تشيك على الحاجات دي وان شاء الله خير.

**yoko** · 06-04-2012 10:25 PM

الميكانيكي صح على فكره ولو لعب في السن كنت هقولك إنه بيخرف ومتروحلوش تاني ولازم تغير زيت الفتيس كل سنتين او 60 الف وأعتقد إنك عديت السنتين فلازم يتغير هو وزيت الباكم وميه الردرياتير

**dr_abooody** · 07-04-2012 12:07 AM

هي في ساعتها انا اول ما مشيت لقيت الموئشر بيتناقص بسرعة يعني عملت 20 كيلو الرطة نزلت لنصها مش عارف بينزل بسرعة كدة لية مع اني كنت ماشي دائري 90 -100

بردة بحط ايدي على الشكمان من ورا الهوا اللي خارج سخن جداا و مفيش المية اللي كانت بتنزل منة قبل كدة