عزل سوست المساعدين ؟!

**movies** · 06-04-2012 05:30 PM

يا ريت حد يفيدنى يا جماعة.... انا عندى صوت طقة فى العفشة بتاعت العربية لما المساعدين ييجوا يريحوا فى المطبات. أخر مرة عملت صيانة للعربية من اسبوع كدا اقولتلهم على المشكلة دى و جربوا العربية و قالولى العربية محتاجة عزل سوست المساعدين ,سألتهم اية المشكلة بالظبط ؟ عرفت ان السوست فى المطبات بتخبط فى الطبق اللى فوقيها و محتاجة تتعزل بخراطيم و عشان تتعمل لازم المساعدين الاربعة يتفكوا و السىوست تتعزل و الفيلم دا هيتكلف حوالى 500 جنية مصنعية فى التوكيل !!! فانا سؤالى لو حد عمل الموضوع دا قبل كدا او سمع عنه يقوللى ممكن اعمله فين برة التوكيل و هل لازم افك المساعدين خالص و لا ممكن اعمله هما راكبين و يتكلف كام ؟؟
شكرا مقدما

**movies** · 06-04-2012 05:31 PM

نسيت اقول العربية لانسر شارك

**movies** · 06-04-2012 05:37 PM

معلش يا رجالة انا كنت كاتب الموضوع علشان احطه فى ورشة نايل موتورز نسيت و حطيته فى ميتسوبيشى علشان كدا كنت بحكى قصة الطقة الشيهرة من قولها

**IronHead** · 06-04-2012 10:44 PM

هو انت لسه فى الضمان ولا ايه ياريس؟
عموما الصوت ده عندى بيطلع سعات ولما بيطلع بروع اغسل الرفرف كويس قوى من جوه والصوت بيروح
الاخوه هنا قلولى على الموضوع ده لانه بسبب كوتشت التراب

**movies** · 06-04-2012 11:37 PM

المشاركة الأصلية كتبت بواسطة ironhead

هو انت لسه فى الضمان ولا ايه ياريس؟
عموما الصوت ده عندى بيطلع سعات ولما بيطلع بروع اغسل الرفرف كويس قوى من جوه والصوت بيروح
الاخوه هنا قلولى على الموضوع ده لانه بسبب كوتشت التراب

لأ انا مش فى الضمان .... انا عارف الحل دا بس انا عايز حل نهائى للمشكلة دى

**M.Al-Hefnawy** · 07-04-2012 11:23 AM

كانت عندي المشكلة دي وراحت لما العفشجي عمل عزل بخرطوم للفة الأولى من السوستة من فوق ومن تحت وكانت راحت فعلاً الطقة.

بس كان فيه حاجة تانية كمان عندي ان بيضة مقص كانت مبوشة فاكشف على بيض المقص الاول.