الموضوع: DR Oz طلع مسلم :)

حد يعرف دكتور اوز ؟؟ اكيد طبعا كله يعرفه بس لو بتتفرج على ام بي سي 4 :)

دكتور اوز اشهر جراح قلب في امريكا و كان بيطلع مع اوبرا في البرنامج بتاعها
و بعدين انفرد و عمل برنامج لوحده و يعتبر من اشهر البرامج الطبيه في امريكا

المهم انا طول عمري اعرف ان اسمه دكتور اوز
بعد كده سمعت انه مسلم قمت بسرعه داخل على ويكيبيديا و لقيت النتيجه
Mehmet Oz - Wikipedia, the free encyclopedia

اسمه محمد مصطفى اوز مسلم من عائله تركيه هاجرت لامريكا و هو اتولد هناك و دخل طب و بقى اشهر جراحين القلب في امريكا

شفتوا بقى المفجأه الجميله
انا ابتديت بصراحه اصدق انه الامريكان معندهمش حكايه الديانه و التفريق و العنصريه و الحوارات دي

احنا فعلا عندنا عنصريه بس مش جامده قوي و مش في كل الطبقات
يعني مثلا ممكن واحد عايز دكتور جامد يقوم صاحبه قايله على دكتور مسيحي يقوم يقوله هو مسيحي اه بس جامد قوي
و العكس طبعا
طبعا ده من الجهل اللي قعد فيه ناس كتير و مش عارفين يطلعوا منه و فاكرين انه ادام من ديانه تانيه يبقى مش من حقه يبقى شديد في مجاله او الناس بتضخم اسمه و سمعته
ولا ننسى دكتور مجدي يعقوب الاشهر في مجال جراحه القلب على مستوى العالم كله
انما حد يمتنع يروح يتعالج عند دكتور تاني بسبب الديانه بصراحه مشوفتهاش
الحمد لله لسه موصلنهاش و مش هنوصلها ان شاء الله بل بالعكس الدنيا هتتظبط و الجهل هيقل