الموضوع: الصنايعى التعبان والزبون النشفان

السلام عليكم
من فتره وانا عايز اتكلم على الظلم وافتراء الناس على بعضها بسبب قله الخبره او التسرع او سوء التقدير وملناش دعوه بالناس الشكاكه دى ملهاش حل غير العلاج النفسى

- الصنيعيه
1-صنايعى على حق يقلب العربيه على الناحيه التانيه زى الشراب ويرجعها تانى نوع دوغرى ونوع شمال (قليل)
2- صنايعى تعبان ظروفه العقليه تعبانه والناس هى اللى طلبت منه اكتر من امكانياته
-الزبون
1- ( ناصع البياض ) فاكر العربيه زى تلفزيونات الشركات اللى قفلت يجوز بيه وبعدين يجوز ابنه بيه وكل اللى يلزمه اريال وكهربا - جاب عربيه جديده او وقع فى عربيه مستعمله صاحبها كان مظبطها وبعد ما بيهدلها ويفحتها فحت السنين يروح للصنايعى يقله ربطلى العفشه ولا يزبط زوايا وفاكر ان كده تمامها ويدفع على عينه 20 جنيه بس هيعمل ايه والعربيات دى عامله زى البلاعه لو اتفتحت تطلع ريحه وحشه لو الصنايعى قاله على اللى فيها مش هيصدقه وهيقول عليه حرامى ومش هيلمهاله لحسن تخرب والزبون يقول انا داخل بيها دايره مع انها كانت داخله كشافتها مغرده وفى النزع الأخير وطبعا هيروح للأرخص اللى هو من فئه التعبانين يخربهاله ويتخانق معاه مع انه ملوش ذنب غير انه زى حالاته ابيض

2- ( ابو نص معلومه ) عرفها من واحد صاحبه وسمع نصها كمان غلط ومن ساعتها ماشى يعدل على شغل مرسيدس وبى ام
عايز يشترى زستافا يديها للصنايعى يشدهاله ويحاسبه على انها مبتجريش زى لانسر صاحبه مع انى دى اربع عجلات ودى اربع عجلات واربع بوجيهات وسلندرات صح صح انكر بقه ده انت صنيعى مش فاهم حاجه حسبى الله ونعم الوكيل فى الفلوس اللى ضيعتها بسببك
3-( نشفان ) عايز يركب على حساب الناس
عشان عربيته تتعدل عايزه شغل ايام و 3 او 4 شغلانات كل واحده بوقت وفلوس لوحدها عايز يدفع 50 جنيه وياخدها زيرو وطول ما الراجل شغال اعمل دى ودى بالمره ده انا دافع فلوس ولو ركب مسمار يبقى عايز الصنايعى يعالجه من وجع صباع رجله الصغير على حسابه عشان مكنش بيوجعه قبل ما يركب المسمار فى العربيه واكيد هو السبب

4- ( عقليه علميه معمليه فزه ) فاكر نفسه يفهم فى كل حاجه عشان متخصص فى مهنه عقليه
داخل يستحقر الناس ويقلل منهم عشان يعلى هو وفاكر انه لوحده بيفهم فى العربيات والباقى بهايم عشان مش عارفين لغه مكسره زيه اويعملوا لوحه كهربا تفرقع فى وش العمال الغلابه

المشاركة الأصلية كتبت بواسطة rehan84

يعني مفيش حد كويس خاااااااااااااااااااااااا ااااالص

ما هو الموضوع على النموذج السيئ عشان كده الكويس مش ظاهر خاااااااااااااااااااااااا الص