الحقونى يارجاله اتصرف ازاى ؟

**weels74** · 07-04-2012 03:01 PM

عربيتى اوبترا سودا , 2011 والبويه لسه زيرو ولاخربوش وبلمعة المصنع طبعا , ركنتها تحت الشغل وواحد حيوان ماعندوش ضمير كان بيرش قواعد تكييف بمسدس دوكو بهدل حوالى 15 عربيه ركانين تحت العمارة , وفعلا نزلت لاقيت فى نقط بيضا فى البويه هى واضحة من قرب , وبصراحة الموضوع معكننى اخر عكننه , مش عارف اعمل ايه فى حل من غير مايأثر على شكل البويه ولا جودتها ولا اعمل ايه .

**abou-yahia** · 07-04-2012 05:06 PM

جزاك الله خير

مش عارف بصراحه محتاجه حد بيفهم

انقل سؤالك لقسم الورشه

ان شاء الله حيفيدك

**FERRYTIDE** · 08-04-2012 12:24 AM

حاصلتى قبل كده انا عربيتى لونها فضى لاقيت عليها واحد راشش دوكو لونة بنى شيلتها بقطعة قطن مع تنر واللون الاصلى زى ماهو ما جرلهوش اى حاجة

**legend_mohsen** · 08-04-2012 12:36 AM

بلاش التنر تاني علشان بيأكل الدهان مع الوقت :) الكومبوند أحسن وأسهل

**weels74** · 08-04-2012 08:56 AM

شكرا ياشباب على الاهتمام والرد , ان شاء الله هو الكمبوند واضح انه هو اللى عليه الاتفاق انا كده بدات اهدى انتوا عارفين الغربال الجديد بس تفتكروا دى عين ولا ايه لانى اعرف ان اى حد بيجيب عربيه جديدة لازم يتعلم عليه , ربنا يحفظكم ويحفظنا ويرزقنا البركه من عنده .

**محمد بدر** · 08-04-2012 09:12 AM

بلاش كمبوند ممكن يأثر على الدوكو وخصصوصا الأسود
أفضل شيئ بولش (ميدو) العلبة لونها الآن أزرق وهتتعب شوية لاكن نتيجة ممتازة ان شاء الله والمهم إستخدام قطعة قماش قطن ناعمة جدا أو القطن الطبى العادى

**weels74** · 08-04-2012 05:48 PM

المشاركة الأصلية كتبت بواسطة medododo

نصيحة
سيبها شوية تاخد العين

انا قررت اكون الرأى ده , وخصوصا لما عرفت ان الموضوع له حل ان شاء الله

**drmagieed** · 08-04-2012 09:31 PM

المشاركة الأصلية كتبت بواسطة weels74

شكرا ياشباب على الاهتمام والرد , ان شاء الله هو الكمبوند واضح انه هو اللى عليه الاتفاق انا كده بدات اهدى انتوا عارفين الغربال الجديد بس تفتكروا دى عين ولا ايه لانى اعرف ان اى حد بيجيب عربيه جديدة لازم يتعلم عليه , ربنا يحفظكم ويحفظنا ويرزقنا البركه من عنده .

والله دي عيون ... وإللي أعرفة إن الكومبوند هو إللي هيشيل الدوكو الغريب وهيطفي اللون شوية بعد كده البوليش هيلمع وهيرجع اللون زي ما كان ... لكن البوليش بس مش هيطلع الدوكو الغريب وهتتلمع العربية وهيفضل الدوكو الغريب عليها زي ما هو ... وأنصحك تررررررررررررررررررررروح لبتتتتتتتتتتتتتتتتتتتتتاع دووووووووووووووووووكووووو ووووووووو ما تعملش الحاجات دي بنفسك ... نصيحة.