امكانية تركيب تابلوه ابيزا mk3 على ابيزا 94 !!!
اعرفكو بنفسى::E_braces[1]:
مبدأيا انا مش جديد فى المنتدى الرائع ده بس مشاركاتى قليلة لسبب انى مش من ملاك العربيات :36_1_58[1]:
بس الحمد لله اخيرا اشتريت محبوبة الجماهير ابيزا 94 كوبيه :clap::clap::clap: وهعمل فيها كل الخبرات اللى خدتها من كل الاعضاء الموجودين اللى بجد من كتر ما قريت واستفدت منهم ممكن اسقط موتور لوحدى :7bteen: لانى مجنون بتعديلات العربيات
عموما كلها كام شهر وهوريكو احلى ابيزا فى الدنيا وهصور رحلتى مع التعديلات كاملة بالمصاريف وكل مسمار اتركب بس اصبرو عليا عشان كل برغوت على قد دمه :sweatdrop:
عندى بس سؤال فى موضوع الكلام فيه كتير بس مفيش تأكيد:
هل فى امكانية لتركيب تابلوه ابيزا MK3 مكان تابلوه ابيزا MK2 من غير تعديلات فى "المقاسات"؟؟؟
واحد هيسألنى: طيب ليه بتجز على كلمة المقاسات؟ هقولو عشان كده كده هجيبو كامل بالضفيره بالقطمه ولازم اعدل الوصلات معنديش اى مشكلة.
كلنا طبعا عارفين ان الفرق كبير بين تابلوه MK3 و 2 فى الشكل والفخامة والاهم من كل ده انى مش هشوف الكونسول اللى فى نص تابلوه الـ MK2 عشان بيدايقنى جداا
ولو ينفع وفى حد متأكد ياريت يقولى سعره حوالى كام وفين ؟؟؟