عاوز اغير فانوس الاربى فى التوكيل ومامن عليها ومحتاج المساعدة

**atyam** · 07-04-2012 06:19 PM

السلام عليكم ورحمة الله وبركاته

عندى الفانوس اليمين خلفى فى الاربى اتكسر وعاوز اغيره فى التوكيل وانا مأمن على العربية فى مصر للتامين ومعرفش اى حاجه عن موضوع التامين غير الوئيقة اللى سلمهالى المعرض وانا بستلم العربية. فلو حد يعرف الخطوات هتكون ازاى وهل هيدفعونى حاجه من تمن الفانوس ولا لا

تحياتى,
محمد

**momo2011** · 07-04-2012 06:59 PM

متاابع مراية اربي !!!

**me_medoo** · 08-04-2012 01:06 AM

متابع علشان عاوز اامن كمان على ار بي ...
ياريت تقلنا بالتفصيل يا فندم عملو معاك أيه ... لأني عديت على كزا شركة قالولي هدفعلهم 5000 جنيه في السنة ولو حصل حاجة لا قدر الله هما بيشيلو 65% وانا بشيل 35% وشوية كلام عبيط كده وقال أول سنة لو مطلبتش منهم حاجة بيعملولي تخفيض تاني سنة .

بالتوفيق ياباشا ومستنين منك بقيت المعلومات ... وياريت تتصل بيهم الاول قبل ماتروح التوكيل يمكن هيدوك ورقة ولا حاجة أمر تصليح

**Samir Elshahawy** · 08-04-2012 01:41 AM

1- بداية المفروض تكون عملت محضر بالواقعة لو كانت حادثة
2- تتصل بشركة التأمين و تخطرهم بالواقعة و يكون معاك صورة المحضر (لو فيه محضر) و ده عن طريق المعرض اللي أستلمت منه العربية
3- تعمل الخطوات اللي هايقولوا لك عليها

ممكن كمان تتصل بالتوكيل مباشرة و تشوف هل ممكن تغير الفانوس و هما يتولوا باقي الاجراءات مع شركة التأمين و لا لأ

ياريت برضه تقول لنا عملت ايه بعد كده

**ahmed_201091** · 08-04-2012 02:31 AM

الاول هتروح شركة التامين هتملى اخطار ان العربية حصل فيها حاجة و شوية تفاصيل و هيقولك هتصلح فين
هتروح تودى العربية التوكيل و تفولو وديت العربية مكان كذا و هيبعت مهندس و يدى امر تصليح و بعد كدا تروح تستلم العربية انت و تدفع الفلوس و تروح تودى الفاتورة للتامين و استنى اسبوعين او 3 لحد ما يطلع الشيك
لو فى اى حاجة انا تحت امرك

**atyam** · 08-04-2012 03:05 AM

المشاركة الأصلية كتبت بواسطة ahmed_201091

الاول هتروح شركة التامين هتملى اخطار ان العربية حصل فيها حاجة و شوية تفاصيل و هيقولك هتصلح فين
هتروح تودى العربية التوكيل و تفولو وديت العربية مكان كذا و هيبعت مهندس و يدى امر تصليح و بعد كدا تروح تستلم العربية انت و تدفع الفلوس و تروح تودى الفاتورة للتامين و استنى اسبوعين او 3 لحد ما يطلع الشيك
لو فى اى حاجة انا تحت امرك

الف شكر ياباشا بس متعرفش هل لازم محضر ولا لا.؟ كنت سمعت ان المحضر لازم لو التكلفه عالية وسالت عن الفانوس قالولى 850 جنيه فى التوكيل

**ahmed_201091** · 08-04-2012 03:12 AM

المشاركة الأصلية كتبت بواسطة atyam

الف شكر ياباشا بس متعرفش هل لازم محضر ولا لا.؟ كنت سمعت ان المحضر لازم لو التكلفه عالية وسالت عن الفانوس قالولى 850 جنيه فى التوكيل

انا كنت عملت المحضر لكن محدش بص فيه بس كنت كاتب رقم المحضر فى الاخطار دا علشان كانت الحادثة مكلفانى 12 الف (ربنا يبعد عنك الحوادث)
الفانوس جيبوا من اى حتا عشان التامين بيدفعك 10% توكيل غير الضريبة و التامين الاجبارى و كدا

**atyam** · 08-04-2012 03:29 AM

المشاركة الأصلية كتبت بواسطة me_medoo

متابع علشان عاوز اامن كمان على ار بي ...
ياريت تقلنا بالتفصيل يا فندم عملو معاك أيه ... لأني عديت على كزا شركة قالولي هدفعلهم 5000 جنيه في السنة ولو حصل حاجة لا قدر الله هما بيشيلو 65% وانا بشيل 35% وشوية كلام عبيط كده وقال أول سنة لو مطلبتش منهم حاجة بيعملولي تخفيض تاني سنة .

بالتوفيق ياباشا ومستنين منك بقيت المعلومات ... وياريت تتصل بيهم الاول قبل ماتروح التوكيل يمكن هيدوك ورقة ولا حاجة أمر تصليح

ان شاء الله ياباشا هخلص واقولك كل اللى حصل

المشاركة الأصلية كتبت بواسطة se_coralsea

1- بداية المفروض تكون عملت محضر بالواقعة لو كانت حادثة
2- تتصل بشركة التأمين و تخطرهم بالواقعة و يكون معاك صورة المحضر (لو فيه محضر) و ده عن طريق المعرض اللي أستلمت منه العربية
3- تعمل الخطوات اللي هايقولوا لك عليها

ممكن كمان تتصل بالتوكيل مباشرة و تشوف هل ممكن تغير الفانوس و هما يتولوا باقي الاجراءات مع شركة التأمين و لا لأ

ياريت برضه تقول لنا عملت ايه بعد كده

الف شكر يا بشمهندس وهبقى اكتب التفاصيل

المشاركة الأصلية كتبت بواسطة ahmed_201091

انا كنت عملت المحضر لكن محدش بص فيه بس كنت كاتب رقم المحضر فى الاخطار دا علشان كانت الحادثة مكلفانى 12 الف (ربنا يبعد عنك الحوادث)
الفانوس جيبوا من اى حتا عشان التامين بيدفعك 10% توكيل غير الضريبة و التامين الاجبارى و كدا

الف شكر ياباشا والف سلامه عليك وربنا يبعد عننا الحوادث