الموضوع: استفسار عن تكييف النترا 2012

السلام عليكم جميعا

بداية القول احب ان اشكركم على كتاباتكم التي دوما ما سعدت بقراءتها وجزاكم الله خير

اتوجه بسؤالى لمالكي الالنترا 2012 جميعا و للسيد المهندس سمير الشهاوي عن تكييف الالنترا 2012 md اول فئه مانيوال

الحقيقه انا قمت بتجرية التكييف عند الاستلام ولم اسمع به اي صوت غير طبيعي - وكذلك قمت باعادة التجربه بعد السير مسافة 500 كيلو - لغرض التجربه فقط

قمت بتجربة التكييف بشكل مستمر بعد قيادة حوالى 1000 كيلومتر و بالتحديد يوم الجمعه الماضيه فى اول يوم من ايام الصيف الحار جدا - و ذلك بغرض الاطمئنان على الاداء قبل التوجه لمركز غبور لاجراء صيانة ال 1000 كيلومتر

هنا فقط سمعت صوت غريب - منخفض نوعا ما ولكني لم اسمعه من قبل - فقط عند التوقف بالسياره فى الاشارات - صوت مكتوم كأنه مكنسه كهربائيه يأتي من بعيد جدا ويستمر الصوت فى الغيار الاول وعند الخروج من اشاره المرور وبداية التحرك - اكتشفت انه الصوت يختفي بمجرد اغلاق التكييف ذكرت هذة الملاحظه لمهندس الصيانه فى غبور و بالفعل قال لي الصوت واضح و سمعه بنفسه

وبعد اتمام الصيانه قال لى ان الصوت عادى وليس منه ضرر

السؤال هو - هل هذا الصوت طبيعي - ام انه يحتاج لزياره اخري للتوكيل
مره ثانيه اشكركم جزيل الشكر

اخوكم

السلام عليكم

انا توجهت مره اخري لمركز غبور فرع العبور ، بعد ان زاد الصوت بشكل ملحوظ

اكتشفت ان احن طريقه لاظهار الصوت هو فى حاله وقوف السياره مع دوران المحرك و تشغيل التكييف

الصوت يزيد و ينقص بصوره منتظمه

مهندس الصيانه افاذ ان الصوت غير طبيعي

ولاحظ ان الصوت مرتبط بمروحة تبريد الماتور - بمعني ان الصوت المكتوم يزيد مع دوران المروحه و يقل مع توقف المروحه (يقل ولا يختفي)- وكان تقريره المكتوب فى نموذج الاستلام هو صوت ونه في التكييف مع سخونة المحرك

والتوصيه كانت الكشف على المحرك و المروحه)

اخدوا السياره و اشتغلوا فيها لمدة ساعتين تقريبا وافاد المهندس انهم قاموا بضبط التكييف و اعادة شحن الفريون

و استلمت السياره وخرجت - و الملاحظ ان الصوت قل بنسبة 75% و ماخدوش ولا مليم فى الوكيل (شكرا غبور)


الشئ الذي اراحني فى النهايه هو اني ذهبت الي المنادي الموجود فى الشارع اللى ورانا وانا عارف
ان فيه عندو عربيتين النترا بنفس مواصفات عربيتي (حتي نفس اللون )

و لحسن الحظ اصحاب السيارتين دايما بيسيبوا المفاتيح معاه

فطلبت منه اني ابص على التكييف فقال لي اوي اوي (اصل الحمد لله انا علاقتي كويسه بالناس و برمي السلام طول مانا ماشي) بالاضافه الى اني كنت باركن عنده بالسياره القديمه


وفعلا بصيت على واحده منهم (شغلت المتور لمده دقيقتين ) ثم قمت بتشغيل التكييف فسمعت نفس الصوت اللى عندي بالضبط - فقلت الحمد لله انها كده متعتبرش مشكله وممكن اكون حساس شويه لاني مكنتش باسمع الصوت ده فى عربيه تانيه كنت باسوقها (عربيه الماني)

بس الحمد لله انا مش زعلان من العربيه و مش المفروض ان الواحد يقارن بين عربيتين لان كل عربيه لها مواصفاتها و مزاياها و عيوبها


اسف اذا كنت تسببت فى قلق لكم (بس انا فى الاخر كان عندي حق خصوصا انهم فى التوكيل عملوا فيها شغل ما - و الصوت قل بنسبه 75 % و بقى الصوت طبيعي زي باقي العربيات اللى من نفس الموديل زي مانا شوفت - يبقي العربيه كانت محتاجه تظبيط و الحمد لله تم على خير )


شكرا لكم