لانسر vs.صني

**memoo305** · 08-04-2012 02:46 PM

أيه رايكو ياجماعة أنا معايا 90 ألف ومحتار بين لانسر1600 إستعمال خفيف و صني زيرو
أنا عاوز عربية :إعتمادية جدا - قطع غيار معقولة- ماتور قوي بتاع جري - إستهلاك بنزين معقول

**Dawns_Mist** · 08-04-2012 03:19 PM

بصراحه العربيتين ممتازين و مش هتندم على أي واحده فيهم بإذن الله ... و أنا أمتلك الانسر و أعتبر برضه أمتلك الصني لإني بسوقها كتير جدا من 4 سنين و هي تحت إيدي ...

الأداء : لانسر تكسب
النعومة و الباور : الصني تكسب
الاتساع الداخلي : لانسر تكسب
الصاج الخارجي و الدهان : صني تكسب
متانة العفشة و تحملها لكل طرق مصر و البهدلة و الحولات التقيلة : لانسر تكسب
الكماليات : الاتنين مافيهومش كماليات
الشكل الخارجي : أذواق
قطع الغيار : الاتنين متوفره و الأسعار متقاربة
سهولة الصيانة : الاتنين صيانتهم سهلة جدا

* لو عايز حاجة زيرو علشان تحس إنك معاك حاجة زيرو فلوسها فيها 5 سنين على الأقل مابتزعلكش ... يبقى صني
* لو سواقتك رياضية أوي و بتحب الجري و السحب القوي و الحركات دي ... و كمان يهمك المساحة الداخلية تكون واسعة في عربيتك و مش بتعرف تتهم بعربيتك كويس فمحتاج عربية مهما حصل و مهما عملت تستحمل .. يبقى لانسر

و عموما في الاتنين مش هتندم و مش هتحس بفرق كبير أوي بينهم ولا حاجة ... بالتوفيق

**Dr'AhmZZong** · 08-04-2012 03:36 PM

كلامك 100 100 يا dawns بييييييه .. بس في شوية نقطة اختلاف ..

عشان لو هتكلم في موديل 2012 بتاع الصني بـ العفشة الجديدة

المشاركة الأصلية كتبت بواسطة Dawns_Mist

بصراحه العربيتين ممتازين و مش هتندم على أي واحده فيهم بإذن الله ... و أنا أمتلك الانسر و أعتبر برضه أمتلك الصني لإني بسوقها كتير جدا من 4 سنين و هي تحت إيدي ... ده تمام

الأداء : لانسر تكسب : تكسب في إيه .. صني عزم و هورس بور أعلى .. و كمان لانسر cvt يعني مملة شوية ..

النعومة و الباور : الصني تكسب : لأ لانسر تكسب و بشدة .. العربية مش نعمة خالص و ده بسبب عفشة sport ..

الاتساع الداخلي : لانسر تكسب : ورا بس .. لكن قدام صني تكسب بمراحل

الصاج الخارجي و الدهان : صني تكسب : تمام

متانة العفشة و تحملها لكل طرق مصر و البهدلة و الحولات التقيلة : لانسر تكسب : لا يختلفوا تماما عن بعض .. غير كل ده هما أضافوا في صني 4 مساعدين بـ double action mechanism مساعدين koni خدمة شاقة .. و باقي العفشة زي مقولة فوق sport برده koni يعني صباح الاستحمال .. ده غير إن الصني من قبل التعديلات ديه بتستحمل مابالك بقى بالتعديلات ..

الكماليات : الاتنين مافيهومش كماليات : ههههههههههههههه صح

الشكل الخارجي : أذواق : فعلا
قطع الغيار : الاتنين متوفره و الأسعار متقاربة : تمام
سهولة الصيانة : الاتنين صيانتهم سهلة جدا : تمام

و عموما في الاتنين مش هتندم و مش هتحس بفرق كبير أوي بينهم ولا حاجة ... بالتوفيق

ااااااه و حاجات تانية زي التوكيل مثلا .. توكيل نيسان من احسن التوكيلات المصرية .. و ده كفاية

أنا حبيت اوضح شوية نقاط و اختلاف الرأي لايفسد للود قضية ..

تحياتي لحضرتك ..

**mody3on** · 08-04-2012 03:52 PM

مفيش فرق كبير بس انا افضل اللانسر عربية الشعب

**Dawns_Mist** · 08-04-2012 04:04 PM

والله الصني اللي معايا يا أبو حميد صني 2009 لكن أنا ماجربتش صني بالعافشة الجديدة دي ... فانت أدرى مني بيها ...

لكن الصني اللي كانت معايا و كانت زيرو 2009 و في نفس الوقت الانسر موجود ... سحب الانسر أعلى بفرق كبير يا جماعة فعلا ...

بومة cvt متصور فيديوهات في منتدى ميتسوبيشي في 9 ثواني و 10 ثواني .... حيث إن الصني كانت 12 أو 13 ثانية ... و خلي بالك كل ده و أنا على الـ d من البومة و برضه على الـ d من الصني .. لكن لو جربت الانسر ds مش هتعرف الصني تشد معاها خالص .. انا كتير جدا من اصحابي معاهم صني و أنا بدور على صني أشتريها كمان لجوز أختي فانا مجرب العربيتين كويس ماينفعش أبدا تقولي إن سحب دي أحسن من سحب دي .. الله أعلم 2012 إيه الجديد اللي فيها يمكن تكون أحسن .. لكن 2009 بومة تكسبها في السحب ...

نقطة النعومة أنا بتكلم على السواق بس .. طبعا الركاب في الصني بيتعبوا و في اللانسر راحة .. لكن الباور بتاع الصني كان عاجبني و الدواسات .. و هنا بتكلم عن النعومة ...

العفشة بقى انت أدرى بيها يمكن تكون اللي كانت معايا ماكانتش اسبور مثلا .. لإنها ماكانتش بتستحملني زي لانسر لما كنت بحملها شغل ...

**Dr'AhmZZong** · 08-04-2012 04:24 PM

المشاركة الأصلية كتبت بواسطة Dawns_Mist

والله الصني اللي معايا يا أبو حميد صني 2009 لكن أنا ماجربتش صني بالعافشة الجديدة دي ... فانت أدرى مني بيها ...

لكن الصني اللي كانت معايا و كانت زيرو 2009 و في نفس الوقت الانسر موجود ... سحب الانسر أعلى بفرق كبير يا جماعة فعلا ...

بومة cvt متصور فيديوهات في منتدى ميتسوبيشي في 9 ثواني و 10 ثواني .... حيث إن الصني كانت 12 أو 13 ثانية ... و خلي بالك كل ده و أنا على الـ d من البومة و برضه على الـ d من الصني .. لكن لو جربت الانسر ds مش هتعرف الصني تشد معاها خالص .. انا كتير جدا من اصحابي معاهم صني و أنا بدور على صني أشتريها كمان لجوز أختي فانا مجرب العربيتين كويس ماينفعش أبدا تقولي إن سحب دي أحسن من سحب دي .. الله أعلم 2012 إيه الجديد اللي فيها يمكن تكون أحسن .. لكن 2009 بومة تكسبها في السحب ...

نقطة النعومة أنا بتكلم على السواق بس .. طبعا الركاب في الصني بيتعبوا و في اللانسر راحة .. لكن الباور بتاع الصني كان عاجبني و الدواسات .. و هنا بتكلم عن النعومة ...

العفشة بقى انت أدرى بيها يمكن تكون اللي كانت معايا ماكانتش اسبور مثلا .. لإنها ماكانتش بتستحملني زي لانسر لما كنت بحملها شغل ...

مش كل القياسات يا عم dawn من 0 ل 100 .. من 80 ل 120 و من 120 ل 160 الصني بتكسب بشدة .. من 0 ل 100 دول ممكن لانسر تكسب بسبب خفة وزنها بالنسبة للصني .. مع العالم أنا اعرف ناس جابه بالصني المنوال من 0 ل 100 في 9 ثواني .. و العربية لو فايقة كويس تجبهم بالاوتوماتيك كويس قوي قوي قوي ..

و اعرف واحد موجود معانا دي المنتدى اسمه eng geo لو تعرفه جاب بالصني 226

كله على حسب السواق ...

تقبل تحياتي ..

**Sehsss** · 08-04-2012 07:17 PM

المشاركة الأصلية كتبت بواسطة ahmazong

كلامك 100 100 يا dawns بييييييه .. بس في شوية نقطة اختلاف ..

عشان لو هتكلم في موديل 2012 بتاع الصني بـ العفشة الجديدة

ااااااه و حاجات تانية زي التوكيل مثلا .. توكيل نيسان من احسن التوكيلات المصرية .. و ده كفاية

أنا حبيت اوضح شوية نقاط و اختلاف الرأي لايفسد للود قضية ..

تحياتي لحضرتك ..

المشاركة الأصلية كتبت بواسطة ahmazong

مش كل القياسات يا عم dawn من 0 ل 100 .. من 80 ل 120 و من 120 ل 160 الصني بتكسب بشدة .. من 0 ل 100 دول ممكن لانسر تكسب بسبب خفة وزنها بالنسبة للصني .. مع العالم أنا اعرف ناس جابه بالصني المنوال من 0 ل 100 في 9 ثواني .. و العربية لو فايقة كويس تجبهم بالاوتوماتيك كويس قوي قوي قوي ..

و اعرف واحد موجود معانا دي المنتدى اسمه eng geo لو تعرفه جاب بالصني 226

كله على حسب السواق ...

تقبل تحياتي ..

الله ينور علشك يا ابني.. خدت الكلام والله من على لساني.. أحيييييييييك بشدة وبعنف

**Dr'AhmZZong** · 08-04-2012 09:10 PM

المشاركة الأصلية كتبت بواسطة Dawns_Mist

أنا اللي كنت سايق العربيتين الاتنين يا عم أحمد والله .. و الصني قعدت معايا من 2009 - 2010 و البومة قاعده معايا أكتر من سنتين ...... و الاتنين أوتوماتيك ... و الاتنين أنا بحبهم جدا و بحترمهم جدا و رافض أشتري لاسرتنا أي عربية تانية غيرهم.. يعني انا حاليا بدور على عربية تانية كمان جنب عربيتي و بدور على صني ..

المهم يعني مش نقطة التسارع هي الفيصل الوحيد ... لانسر على طول الخط سعرها أغلى من الصني بأقل واجب 30 ألف جنيه .. في كل الإصدارات ... و الاتنين كمالياتهم ضعيفة ... و الاتنين ياباني ... و الاتنين ماركات و شركات محترمة جدا .. و مافيش أي شك إن علامة نيسان أغلى من علامة ميتسوبيشي لإن تاريخ نيسان و عبقرية إنفينيتي أكبر بكتير من تاريح ميتسوبيشي .... فمنين بيجي فرق السعر ده ؟؟ خلي بالك فرق السعر ده موجود في مصر و بره مصر ...

كلامك عن الصني كده بيعليها عن لانسر و عن كورولا .. يعني انت بتقول عفشتها تستحمل اكتر ... و موتورها أقوى ... منين هي في سوق المستعمل سعرها في الأرض مقارنة بالكورولا أو اللانسر ؟؟
و التلاتة ياباني ، و التلاتة ماركات محترمة ، و التلاته قطع غيار متوفرة ، و التلاته معمرين ... !!!

من تجربتي للصني .. الصني عايزه اهتمام .. ولو سيبتها بدون اهتمام هتفك من بعضها منك .. ده أنا لاحظته بنفسي خصوصا و فرق التقفيل بينها و بين البومة و الكورولا واضح جدا .. و الخامات الداخلية الرديئة نسبيا .. و القعدة المش مريحة ....

الصني كلنا بيها نقرة رخمة أوي على السريع مع واحد صاحبي غير في نفس اليوم طقم عافشة خلفي ... الانسر واكل بيها مطب بحاله على 120 روحت أربط على العفشة طلع مافيهاش غلطة !!!

عفشة البومة الخلفية مالتي لينك غير مستقل ... في حين إن عفشة الصني بيم عادي جدا بتكنولوجيا قديمة جدا !!!
فيتيس البومة الـ cvt اللي مش عاجبك ده أصلا من إنتاج مصانع نيسان .... و نيسان جوك و قاشقاي بينزلوا 2012 بيه دلوقتي و كمان بعض إصدارات الهوندا ... و كمان بعض الإصدارات الأوروبية من رينو ... ماينفعش تقول على الـ cvt إنه تكنولوجيا أي كلام ، و ماينفعش تقول عليه ممل ... و الناس اللي مجربة الشارك بره مصر بالـ cvt هتحكيلك عن فرق شاسع بين سحب الشارك بالـ cvt و من غير cvt ... ده غير قمة الراحة و الهدوء للعربية بالفيتيس ده ....

ممكن يكون فرق التقفيل المصري هو اللي عامل المشكلة دي في الصني .. مع إني بحب العربية دي جدا .. و بقول إنها أفضل قيمة مقابل السعر في فئة أقل من 100 ألف ... و أنا عن نفسي عايز أشتريها و بدور على حاجة مستعملة تكون بحالة نضيفة في السوق الأيام دي ...

ما شاء الله يا اخي كلامك جميل و عجبني بصراحة ..

فعلا حضرتك كلامك حيادي و مقنع جداااااا ..

بص يا سيدي موضوع لانسر و صني دووووووول .. العربيتين ممتازين جداااااا تمام و حمالين قاسية اوييييييييييي .. و أي عربية في الدنيا أهملت في الصيانة بتاعتها هاتكسفك .. تمام

سوق تويوتا و نيسان برة مصر هما المكتسحين و خصوصا في الخليج .. ميتسوبيشي نادرة جدا لما تشوف عربية ليهم غير الباجيرو مثلا ..

سعر نيسان في مصر أنا بصراحة عمره ماشفته نزل عن سعر لانسر .. آه هو بينزل مع تويوتا و ده بسبب إن الصني تعتبر اكيلة بنزين عن تويوتا و تقفيل الصني ضعيف شوية داخليا < لكن مكانيكيا مفيش الهوا > ..

نيجي بقى لل cvt اللي أنا مبحبوش ولا في نيسان ولا في ميتسوبيشي عشان بصراحة أنا مبحسش فيه بقوة العربية .. و كمان أنا مقلتش دي تكنولوجيا أي كلام ..ده كفاية cvt xtronic بتاع قشقاي حاجة كده عنب ههههههههههه

بالنسبة بقى للعفشة بتاعت اللانسر هي مش ملتي link هي مستقلة ااااااه لكن مش ده نظام ملتي link .. عفشة الصني اللي مش عجبا حضرتك ولا كانت عجابني ههههههههه .. طب العربية ثابتة جدااااااا و لما تجري بيها الثابت بيزيد .. جت فترة على دماغي شغلاني بالعفشة ديه بعد كلام formulator عن عفشة السيارات المحترمة أم دنجل خلفي و ثابتة جدااااااااا و عربيات كتيييييير منفصلة double wishbone زي الانترا و كده و مش ثابتة قلت أما ادرسها لأن كل مااقرا حاجة بيقولك عنها multi link قول ازاي هما هبل ولا اييييييييييه هههههههههههه .. خد بقى الاتي رفعنا بقى العربية و شفنا هي multi link و بدنجل ازااااااااي .. فعلا العربية ليها اكسين منفصلين من فوق الدنجل و زراع تحكم بـ flixabilty بتاع الدنجل .. يعتبر شبه x link .. يبقى كده حققلك ملتي link لكل عجلة و بدنجل عشان يمنع ارهاق المساعدين الخلفين ..

و فعلا عندك حق في موضوع التقفيل اللي مخوف الناس كلها ههههههههههههه ..

عموما أنا سعيد بكلام حضرتك جداااااااا و المناقشة اللي افادتني شخصيا ديه ..

تقبل تحياتي ..