يا باشا انا فعلا باذن الله جاي المقابلة والموضوع مش سري ولا حاجه انا اعلنته في الموضوع وفي الايفنت على الفيس بوك
وجايب كمان عمرو اخويا واحمد اخويا جبتهم معايا مقابلات قبل كده
يالا مين قال جاي
وبالمناسبة السعيدة دي انا اقترحت على كريم ومدام سما (مديرة المنتدى) ان يكون فيه اي نشاط اجتماعي او ثقافي نعمله يعني مش نقعد على الكراسي كده وخلاص وكل مجموعة تتكلم في موضوع لأن بالتأكيد كله هيتكلم في السياسة وهنتخانق ونضرب بعض ونطلع على قسم الهرم كلنا
علشان كده انا قلت نشغل الناس في نشاط ثقافي او اجتماعي زي مثلا نوزع ارقام ونسأل اسئلة ونعمل مسابقة وناس ترد وناس تفكر والعاب وتسالي وفوازير حاجات زي كده يعني
المهم بأه اللي عنده اقتراحات او عمل الموضوع ده قبل كده يتفضل بيها لأن مطلوب مني اقدم لهم مقترحات محددة ولسه مش عارف اقول ايه
المفضلات