أيهم أنعم و اريح فى القيادة : ال لانوس أم ال لوجان؟

**bismillah99** · 10-04-2012 11:20 AM

الزملاء الأعزاء

قرأت كثيرا فى المقارنة بين ال لانوس و ال لوجان ومعظمها فى صالح اللوجان

لكن توجد معلومة قرأتها فى أحد المقارنات عايز أتأكد إنى فاهمها صح :

هل صحيح أن اللانوس أنعم فى القيادة و أكثر راحة فى الجلوس من اللوجان؟

أصلى معايا لانوس وشكوتى منها إنها مش ناعمة أوى و كراسيها متعبة جدا
لكن لو اللوجان كمان أقل من اللانوس فى الموضوعين دول تبقى صعبة جدا؟

ياريت تفيدونى : هل اللوجان فعلا مش ناعمة فى القيادة. و كراسيها متعبة؟؟

**Dr'AhmZZong** · 10-04-2012 02:42 PM

لا يا باشا خاااااااااااالص بصراحة مريحة قوي ..

**Sehsss** · 10-04-2012 06:13 PM

اللوجان مش مريحة نهاااااائي في قعدتها، بس مقارنة باللانوس أفضل

**Sehsss** · 10-04-2012 06:32 PM

المشاركة الأصلية كتبت بواسطة dawns_mist

كراسي اللانوس أسوأ من كراسي اللوجان ... ارتفاع اللوجان ( النسبي ) في القيادة ممكن يكون شوية صغيرين بيضايق حد مقارنة باللانوس خصوصا لو كان الشخص ده ( 170 سم ) زي حالاتي كده ...
لكن إجمالا اللوجان أنعم نسبيا من اللانوس ... و فعلا اللوجان في الفئة السعرية دي تتفوق على معظم العربيات ..

كلامك سليم 100% ... أما لو زيي بقى (180 سم) وركبتها هاتعمل ايه، اقسم بالله ما كنت فاهم اللي بيحصل حوليا ولا فاهم زواياها، بس برضه أرجع واقول في المجلس أفضل سيارة في فئتها السعرية.. تحياتي

**bismillah99** · 11-04-2012 11:24 AM

فهمت من مداخلات
ا. محمد حسين &
Dawns_Mist

أن اللوجان أفضل من اللانوس فى النعومة وراحة الجلوس و لإن كانت فى حد ذاتها ليست مريحة بشكل كافى لكن يعوض ذلك العفشة الناعمة و النعمومة فى امتصاص المطبات
لو السبب علو الكراسى يبقى ملهاش حل
لكن لو السبب راجع للكراسى نفسها فلى أصدقاء يبدلون الكرسى كما يحدث فى اللادا
عيوب بسيطة موجودة فى عربيات غالية مثل الكرولا و الصنى و السيراتو .. القعدة فيهم فعلا مش مريحة
أشكر للجميع حسن التجاوب

**bismillah99** · 11-04-2012 11:40 AM

المشاركة الأصلية كتبت بواسطة ayman1204

اللوجان كرسيها حلو واحسن من اللانوس واحسن من الصنى عن تجرية عربية صاحبي الانتيم
لكن فى احسن منها بكتير وفى اريح وبصراحة اول لما بركب اى عربية بشوف الاول مدى راحة الكرسي وشوفت كتير زى الالنترا والجيتا والفلونس والفوكس والمونديوه بصراحة دول سراير مش كراسي

ربنا يرزقنا و يرزقك

عارف حضراتك نفسى فى إيه؟

و الله لا عايز بى إم و لا مرسيدس

عايز أعيش فى بلد أركب مواصلاتها العامة .. أطلع الأتوبيس أقرأ جرنان أو أسمع شىء زى الشباب الرايق... و أستنى الأتوبيس فى محطة نظيفة

فين أيامك يا اسكندرية و أيام الترام أبو 25 قرش
زهقت من السواقة على شارع ابو قير و الكورنيش فى اسكندرية
جيت القاهرة لقيت الدائرى و الأوتوستراد و المحور... اللهم ردنا إلى الأسكندرية سالمين