الموضوع: ان شاء الله هستلم اللوجان الاوتو يوم الجمعه

يوم الجمعة قرب يا ناس :d

الف مبروك يا باشا
ربنا يباركلك فيها
وتاخد خيرها ويبعد عنك شرها يارب
موفق اخي

أولا ألف مبروك.. ربنا يديلك خيرها ويكفيك شرها
ثانيا الاوتوماتيك شغال معاك P R N D ودول زي ما هما.. يعني ممكن تمشي بيها اوتو عادي خالص..
فيه بقي ناس تيجي تحن عليها أيام الطفولة وعاوزين يقلبو غيار زي المانيوال براحتهم.. في العربيات الاوتو حتلاقي تحت ال D فيه 1 2 3 وطبعا السرعة الرابعة لازم تجيب D وفيه مافيهوش غير 1 2 زي الأفيو مثلا..
تيجي هنا ميزة فتيس الستيبترونكس.. وانت ع ال D اضغط الفتيس شمال حتلاقيه راح ف مجري تاني.. المجري ده الستيبترونكس.. تزود نقلة بانك تضغط ضغطة قدام أو تقلل بانك تضغط ضغطة ورا..

دا فيديو توضيحي للتسهيل
Renault Sandero Automatico Taroba Automovel 2011 - YouTube

المشاركة الأصلية كتبت بواسطة profrivo

السلام عليكم

ان شاء الله هستلم اللوجان الاوتو يوم الجمعه

ادعولى اولا بالبركة من فضلكم..

انا ليا سؤال مهم هو اية السيبترونيك دا؟

يعنى انا دلوقتى عاوز امشى بالعربية اعمل اية؟ مش اجبها على ال d ؟ ولا ايه؟؟

عاوز شرح فى الجزء دا لو سمحتم.

شكرا

ألف مبروك اولا على العربية وربنا يباركلك فيها ويديك خيرها ويكفيك شرها

ثانيا: بالنسبة لموضوع الاستبترونيك ده انا من ساعة ماجبت العربية ماستخدمتوش وانت فعلا ممكن تسوق عادى بالاتوماتيك يعنى D زى مانت قلت بس ناس قالولى انه لو عايز تنقل من سرعة للتانية يدوى يعنى مستعجل على النقلة الاعلى مثلا هتلاقى شمال ال D فيه مجرى صغير فيه علامتى + . - (Plus, Minus) لو عايز تنقل نقلة للاعلى مثلا من ال3 الى ال4 تاخد الفتيس شمال من ال D وتاخده ناحيه ال + والعكس. بس انا لحد دلوقتى بصراحة ماستخدمتوش خالص لانه مش فارق ومش حاسس انى محتاجه بس اى اوبشن موجودة وخلاص.

بس انت عادى حتى لو ماسوقتش الاتوماتيك قبل كده هتلاقيه سهل جدااااااا

وربنا يباركلك فيها ان شاء الله