تنمية مهارات الرسم

**sherif_84** · 11-04-2012 02:35 AM

السلام عليكم ورحمة الله .. أنا الحمد لله كويس جدا فى الرسم على الورق و أعرف أرسم اى منظر قدامى بس ماعدا الأشخاص و الحمد لله انى مش باعرف أرسم أشخاص لانه حرام طبعا ..
المهم انا أصلا بكالوريوس تجارة وباشتغل فى مكتب مبيعات فى حسابات عملاء بس بصراحة ماخبيش عليكم .. الشغلانة دى مابتأكلش عيش دلوقتى وفى نفس الوقت مضايق لانى عندى موهبة ومش باستفيد منها بس ساعات باقعد أرسم مع نفسى أى حاجة تسلينى ..
أنا اتدربت شوية فى مكتب دعاية و اعلان فوتوشوب و أليستريتور و الكلام ده بس حسيت انه مش كوول قوى بافكر أخد تدريب فى برنامج ثرى دى أواتوكاد أو أى حاجة فيها رسم باليد بحيث أنى استفيد بالموهبة اللى عندى .. ياريت لو حد عنده نصيحة ليا يقول أعمل ايه و جزاه الله كل الخير ..

أخوكم شــريف

**me_medoo** · 11-04-2012 03:32 AM

روح مركز تراكيب خودلك كورس. فري هاند. او مايا. هتستمتع بس متسيبش شغلك

**sherif_84** · 11-04-2012 06:50 PM

شكرا ميدو على اهتمامك و ردك .. هاشوف كده موضوع التدريب ده بس ايه أفضل مركز تدريب ؟

**me_medoo** · 11-04-2012 08:10 PM

افضل مركز تدريب اسمو تراكيب انا زمان كنت بدرس فيه افتر افيكت وفاينل كت
عندهم هما بيدو كورسات فري هاند ومايا كمان
وفي مركز في مدينة نصر اسمو الرباط كمان عندهم باقة جميلة من المدرسين والمدربين

**micromoud** · 11-04-2012 09:19 PM

ممكن حضرتك تشتغل فى مجال الدعاية والاعلان وتتعلم برامج تقدر تعمل عليها مجسمات زى 3d max و cinema 4d طبعا بالاضافة ل Illustrator ومنهم تقدر تشتغل على After effect و final cut بحيث انك تقدر تصمم اعلانات للشركات او تدخل مجال المونتاج واشهر المراكز New Horizons و المركز الثقافى الروسى