سؤال فى الكهرباء

**tamim** · 09-06-2008 11:48 AM

انا عارف ان العربية اما بتدور بتاخد الكهرباء من البطارية
طيب بعد ما بتدور البوجيهات والمرواح والكلام ده بياخدوا كهربيتهم من البطارية ولامن الدينامو؟؟؟؟؟

**iBiZa** · 09-06-2008 12:02 PM

من الدينامو و لو سير الدينامو انقطع بياخد من البطارية.

علاشان كدة تقدر تمشى لو بطاريتك ميتة. و برضة تقدر تمشى و سير الدينامو مقطوع.

**tamim** · 09-06-2008 12:10 PM

الف شكر على الرد
بس كده انا عرفت انها بتاخد من الدينامو ونفس الوقت البطارية بتشحن من الدينامو

**ssafwat** · 10-06-2008 03:00 AM

الكهرباء كلها ببتاخد من البطارية ، الدينامو دوره انه يشحن البطارية عشان متنامش لكنه مش بيدي كهرباء لحاجة.

لو بطاريتك بايزة تقدر تقومها بوصلة واول ما دارت تفضل دايرة عشان الدينامو بيشحنها لكن اول متبطل العربية حتحاج وصلة تاني. لكن البطارية لو نامت بس وهي سليمة تقوم العربية بوصلة وتمشي مشوار محترم البطارية حتتشحن وتدور تاني زي الفل.

اما لو سير الدينامو اتقطع العربية حتمشي لغاية البطارية متنام وبعدين العربية حتقف

**M.Mokhtar** · 10-06-2008 11:19 AM

المشاركة الأصلية كتبت بواسطة ssafwat

الكهرباء كلها ببتاخد من البطارية ، الدينامو دوره انه يشحن البطارية عشان متنامش لكنه مش بيدي كهرباء لحاجة.

لو بطاريتك بايزة تقدر تقومها بوصلة واول ما دارت تفضل دايرة عشان الدينامو بيشحنها لكن اول متبطل العربية حتحاج وصلة تاني. لكن البطارية لو نامت بس وهي سليمة تقوم العربية بوصلة وتمشي مشوار محترم البطارية حتتشحن وتدور تاني زي الفل.

اما لو سير الدينامو اتقطع العربية حتمشي لغاية البطارية متنام وبعدين العربية حتقف

اعتقد والعربيه دايره (او مستطيل :)) بتاخد الكهربا من الدينامو مباشر مش من البطارية

**iBiZa** · 10-06-2008 11:29 AM

بالظبط كدة و تقدر تقيس الولاعة مثلا هتلاقى الVolt بين 13 و 14 لما تبقى العربية دايرة و 12 و هيا مطفية.

اغلب الحاجات الى بتركب فى العربية بيبقى مكتوب عليها 12v لكن هيا فى الحقيقة شغالة من 11v الى 14v علاشان الموضوع دة.

**ssafwat** · 10-06-2008 12:30 PM

والعربية دايرة بتاخد كهرباء من البطارية اللي بيشحنها الدينامو مش من الدينامو مباشرة والدينامو ممكن يدي شحن زيادة مع الحمل.

وفي العربيات الجديدة اللي فيها كمبيوترز كتير وبتعتمد على الكهرباء بشكل كبير ممكن تسل اخطاء لو الدينامو بيدي شحن ازيد من اللزوم مثلاً 16v وده يكون عيب دينامو مش بطارية

"بالظبط كدة و تقدر تقيس الولاعة مثلا هتلاقى الVolt بين 13 و 14 لما تبقى العربية دايرة و 12 و هيا مطفية" كلام سليم يا ابيزا عشان البطارية لوحدها بطلع 12v لكن مع شحن الدينامو توصل لـ 14v لكن ده مش معناه انه الكهرباء طالعة من الدينامو. الكهرباء مصدرها البطارية والدينامو دوره شاحن زي بالظبط شاحن الموبايل او اللابتوب

**iBiZa** · 10-06-2008 02:26 PM

بصى تقدرى ترجعى للناس دية هيا مفسرة الموضوع كويس:

http://en.wikipedia.org/wiki/Car_battery

http://auto.howstuffworks.com/question219.htm

**ssafwat** · 11-06-2008 01:20 AM

ابيزا .. سؤاله كان البوجيهات والمراوح بتاخد كهرباء منين؟

يمكن انا مش عارفة اوضح اللي عايزة اقوله لكن خليني احاول بمنتهى الوضوح ، كل الكهرباء بتخرج من البطارية الى علبة الفيوزات العمومية وتتوزع على المكان اللي هي رايحاه بعد كده. دي خريطة الكهرباء

دور الدينامو شحن الجزء اللي فضي من البطارية عند دوران المحرك وكمان يفضل يشحن فيها طول ما العربية دايرة عشان لو مشحنش البطارية حتنام والعربية دايرة والعربية حتطفي.

ده مش معناه انه نقول الكهرباء خارجة من الدينامو لكن ممكن نقول ان الدينامو بيدي شحن للبطارية

**M.Mokhtar** · 11-06-2008 01:51 AM

المشاركة الأصلية كتبت بواسطة ssafwat

ابيزا .. سؤاله كان البوجيهات والمراوح بتاخد كهرباء منين؟

يمكن انا مش عارفة اوضح اللي عايزة اقوله لكن خليني احاول بمنتهى الوضوح ، كل الكهرباء بتخرج من البطارية الى علبة الفيوزات العمومية وتتوزع على المكان اللي هي رايحاه بعد كده. دي خريطة الكهرباء

دور الدينامو شحن الجزء اللي فضي من البطارية عند دوران المحرك وكمان يفضل يشحن فيها طول ما العربية دايرة عشان لو مشحنش البطارية حتنام والعربية دايرة والعربية حتطفي.

ده مش معناه انه نقول الكهرباء خارجة من الدينامو لكن ممكن نقول ان الدينامو بيدي شحن للبطارية

Alternators are used in automobiles to charge the battery and to power a car's electric system when its engine is running
http://en.wikipedia.org/wiki/Alternator

انتى ليه مصممه؟؟؟؟
قولتيلى انتى تقربى لاباظة مش كده :)

الموضوع: سؤال فى الكهرباء

LinkBack

أدوات الموضوع

عرض

سؤال فى الكهرباء - انشر الموضوع فى :

-

-

-

-

-

-

المواضيع المتشابهه

سؤال بخصوص زرار فصل الكهرباء

جهاز توفير الكهرباء (سؤال )

سؤال لخبراء الكهرباء والإلكترونيات

سؤال في الكهرباء

الكلمات الدلالية لهذا الموضوع

المفضلات

المفضلات

ضوابط المشاركة