مشكلة فى النيواكسنت ارجو الحل

**ahmedabutaleb** · 11-04-2012 04:20 AM

عندى مشكلة فى النيو اكسنت اوتوماتيك تقريبا من القرامل لما بفرمل بيطلع صوت من ناحية الكاوتش الامامى صوت رفة والصوت ده ساعات بيستمر حتى لما يشيل رجلى من على الفرامل ييقعد شوية لغاية ماالفربية تاخد سرعتها ومش عارف من ايه
ممكن افادة

**M.Al-Hefnawy** · 11-04-2012 10:08 AM

ممكن التيل عاوز صنفرة.

**Ayman-Ahmed** · 11-04-2012 10:23 AM

حاول تحدد من اى ناحية الصوت وان مقدرتش يبقى تكشف على الطنابير والتيل ولو كنت عملت حاجة فى الكاوتش الامامى يعنى مثلا كان عندك مسمار مقطوم وفنى شاله وركب غيره ممكن يكون عملك رفة فى مانع التراب اللى فى اخر الطنبورة.

هل فى سخونة زيادة ؟ بتحس برجة فى الطارة مع الفرملة؟

**ahmedabutaleb** · 11-04-2012 12:59 PM

هوا ممكن لو الفرامل فيها مشكله تأثر على العربية حتى لو مش دايس فرامل الصوت ده بيبقى موجود لو العربية ماشية على سرغة بطيئة

**Veroman** · 11-04-2012 01:51 PM

مش ممكن يكون الماستر بتاع الفرامل هوا اللى فية مشكلة

**S O P H O S** · 11-04-2012 02:28 PM

ما تكشف علي التيل والطنابير

**autocross** · 11-04-2012 04:40 PM

المشاركة الأصلية كتبت بواسطة veroman

مش ممكن يكون الماستر بتاع الفرامل هوا اللى فية مشكلة

لا الماستر ملهوش علاقه وبعدين الصوت بيستمر حتى بعد ما يسيب فرامل فمعنى كدا ان الموضوع فى الطنبورة ومش لازم يكون عمل شغل فى العفشه ولا الكاوتش ولا حتى يكون غير تيل ممكن يكون سبب بسيط جدا وهو ان يكون نزل فى مياه وهو ماشى او العربيه اتغسلت بعد مشوار وكانت لسه الطنابير سخنه وبالتالى فى الحاله دى الطنابير بتفقع وبتعمل رجه مع دوسة الفرامل بعد كدا .

الحل بردو لو اتضح العيب من الطنابير لاى سبب هتحتاج تروح لميكانيكى ويفكهم ويوديهم المخرطه يعملهم مس او مسح بمعنى انو بيساويها تانى ويشيل الطبقه اللى عامله موجه او ريجه فيها وان شاء الله تتحل وابقى طمنا واسف جدا على الاطاله :)

**ahmedabutaleb** · 11-04-2012 11:01 PM

ان شاء الله هشوف فيها ايه وابقى اطمنكوا انا حجزت معاد فى التوكيل السبت
النهارده قولت اجرب كده واشوف ايه الاخبار لقيت الصوت بقى على جدا وصوت صفارة عالية جدا