الموضوع: حكايتي مع الكتاكيت .... مع الإعتذار لوردة !!!

بعد الديباجة المعروفة الي هيا انه معايا فيرنا 2011 كاملة لسه تقريباً بكياسها والذي منه واكيد بعضكم سمع عن الكركرة الي كنت باسمعها في العربية لما أكون ماشي على مدق او طريق محبب بتحس انك راكب عربية موديل 80 الزمن أكل عليها وشرب ... [overline]المهم توكلت على الله وطلعت على توكيل الغردقة لأني من اهل البحر الأحمر قعدت في التوكيل من الساعة 12 ظهراً حتى الساعة السادسة والنصف مساءاً [/overline]عشان نلاقي الصوت ده لدرجة اني زهقت وكنت عايز يحطولي العربية على قائمة العربيات المعروضة للبيع والمهم الحمد لله راح الصوت هاتقولولي ازاي مش عارف انا هأقولكم ببساطة ايه الي حصل لأن فيه ناس كلن بيقولوي جلدة مساعدين وناس تانية تقولي مسمار السنترلك الي لحد دلوقتي ما أعرفش ايه هو ... وهكذا وشكراأ لكل الأخوة .... المهم في التوكيل المهندس ركب مع الفني المهندس قالي ده جاي من العفشة الشمال الي ورا والفني راسه والف سيف من الأبواب وطبعاً رأي يالمهندس الي مشي ... المهم رفعوا العربية وربطوا العفشة تماما وزيتوا وشحموا راح جربوا لقوا الصوت زي ما هو ... راحو ا مغيرين مسمار اسمه مسمار الميزان الي في العجلة الشمال اعرفش ايه هو وركبوا واحد جديد وما فيش فايدة ... فضوا الشنطة كلها وجابوا سمكري وربط على كل مسمار في العربية حتى النمرة المهم مافيش فايدة راح السمكري نام جو الشنطةوقفل عليه وفني تاني ساق العربية راح السمكري قال ده صوت قريب من المساعد راحوا مغيرين المساعد الشمال الخلفي بالكامل وجابوا واحد كوري بالرغم من ان المساعد القديم بيلمع زي ما هوا لدرجة بقول الفني انا خايف لتكونوا مركبلي مساعد مش اصلي زي بتاع الفبريكة الي كان راكب قالي ابدا هو هو وانت مفروض تفرح انه اتغيرلك مساعد مستعمل بمساعد جديد اصلي وكوري برضه .... المهم بعد ده كله الصوت زي ما هو موجود رفعوا العربية تاني وابتدوا يبعدوا الأنابيب الي تحت العربية براحة عن جسم العربية وربطوا على التنك وعملوا كل حاجة وطلعوا جربوا الصوت راااااااااااااااااااح والحمد لله لحد دلوقتي ما فيش صوت ومش عارف راح ازاي لكن الحمد لله ... المهم بعد الصداع ده والناس الي نامت مني لحد دلوقتي هل ما فيش مشاكل من الي حصل انه اتغيرلي حاجاات في العفشة يعني التوكيل مش بيركب برضه قطع غيار اصلية ولا ؟؟؟ لأنه احساس وحش انك تكون راكب عربية انت حاسس أنه اتلعب فيها لكن المهندس قالي مفروض انك كده عربيتك طلعت جديدة أحسن من الأول وكمان اتشحمتلك والتزيتلك العفشة ..... عرفتوا بقى السبع ساعات حصل فيهم ايه ؟؟؟ المهم الفنيين الحمد لله كان عنده صبر وقالولي المهم انت ما تزهقش ...