الاخوة الأفاضل
بكرة ان شاء الله أنا رايح اجدد ترخيص العربية فى مرور البساتين
بس أنا كنت اعرف ان المخالفات من مرور عين الصيرة - حد يعرف ليسة هناك و لا اتغير مكانه - عايز اعرف علشان اطلع على عين الصيرة الاول و لا على البساتين
برجاء الإفادة
عرض للطباعة
الاخوة الأفاضل
بكرة ان شاء الله أنا رايح اجدد ترخيص العربية فى مرور البساتين
بس أنا كنت اعرف ان المخالفات من مرور عين الصيرة - حد يعرف ليسة هناك و لا اتغير مكانه - عايز اعرف علشان اطلع على عين الصيرة الاول و لا على البساتين
برجاء الإفادة
المخالفات دلوقتي في مرور البساتين نفسه
لسه مرخص عربيتين هناك في اقل من شهر
ونصيحه صور بطاقتك ورخصه العربيه قبل ما تروح نسخ كتير
ومتخليش حد من الي هناك يقولك هخلصلك الورق
ما بقاش يتاخرو زي الاول الرخصه بتطلع في خلال ساعه لو كل حاجه جاهزه
الله يعينك على مشوار يوم المرور .....
ربنا يسهلك المشوار ده
شاكر لكل الى اهتم و رد عليا ربنا يكرمكم
الحمد لله تم التجديد
أى استفسار أنا تحت أمركم
معلش عايز اسأل على خطوات التجديد بس
لا العربيه بأسمي بس مش عارف في فحص ولا لأ
الفحص بيبقي مكتوب في اخر سطر في ضهر الرخصه
اللي هيحصل كالتالي
هتروح بالرخصه لنيابه المرور وتطلع شهاده برائه ذمه (شهاده مخالفات)
بعد كده بتروح تدفع التامين في اي كشك تبع الشركه الي انت تابع ليها
وبتشتري ورق تجديد من التصوير ولازم يكون معاك صور لرخصه السياره
وصور لبطاقتك الشخصيه
بعد كده تدخل تقدم الورق في الشباك للموظف بيحددلك الضريبه طبقا للسعه اللتريه للسياره
بتروح تدفعها في الخزينه وبتجيب دمغه مخالفات واستماره تجديد
بترجع ترجع الوصل بتاع الضريبه لموظف الشباك
ولو عندك سياره تانيه باسمك بتدفع ضريبه رفاهيه
وبعد كده بتستني استلام الرخصه ومبروك التجديد
وهقول لحضرتك لو في فحص علي الاجرائات