الموضوع: استفسار من ملاك اللوجان الاوتو بيحصل معاك كده وخش شوف افلام التوكيل

السلام عليكم ورحمه الله
انا النهارده حصلتلى حاجه غريبه دخلت العربيه ودورتها بدوس فرامل بسمع صوت تكه مع كل دوسه فرامل حطيت ايدى على الفتيس التكه دى مسمعه فيه بس انا كنت قافل الزجاج فالصوت كان واضح بس التكه دى مسموعه انا بقول يمكن التكه دى لفصل الغيارات لانى كنت على p وبعد كده غيرت الى الD بس التكه دى مصحبانى فى كل دوسه فرامل بس العربيه كانت واقفه فلو ده حصل معاكم ياريت تقولولى علشان لو كان ده مش طبيعى اروح على التوكيل اصلى لسه متعارك معاهم امبارح
الموقف الاول
بسبب ان دراع المساحات الزرار بتاع كمبيوتر الرحلات كان بيعلق يقوم المهندس يقولى امشى بيه شوى قولتله لا هتغيره قالى مش هقدر اغيره مدام شغال قولتله خلاص تديلى شهاده جوده انك هتغيره قالى لا مش هينفع اغيره وقالى انت بتقارن بزرار الكلالكس قولتله لا انا بقارن بعربيتى اللوجان المانيوال اللى كانت معايا 3 سنين وقولت اتهبب واجدد واجيب اوتوماتيك وقولتله انا اول مره اشوفك ناديلى مهندس حسام اتكلم معاه علشان شكلك كده هتنرفزنى وانا مش عاوز اتنرفز فأما صوتى ابتدى يعلى و الناس تتلم عليا قولتله انا بقالى 3 سنين على اللوجان المانيوال والتوكيل كان معايا زى الفل فلو غيرتو رايكم و اتقلبتوا فبلاش ام العربيه دى العربيه بقالها 3 ايام و عامل 80 كيلو فجه المهندس حسام وجرب الدراع قاله الدراع بيعلق فقالى هتغيرهولك قالولى معلش اصل الدراع مش موجود وهنبعت نجبهولك قولتله مفيش مشاكل بس تدينى ما يثبت انه محتاج يتغير وانتم مش عندكم الزراع فادانى شهاده جوده بتغيير الدراع اول ما يتواجد فى الصيانه فى سموحه
الموقف التانى
ركبت العربيه وبدخل رجلى قامت خبطه فى الزرار بتاع الفتيس راح مكسور رحت راجعلهم تانى فاول ما شافنى قالى ايه تانى قولتله ام العربيه دى مش هتجبها لبر معايا قالى خير قولتله زرار الفتيس اتكسر فراح ماسك الزرار وكبسه تانى فى الفتيس راح مطبع واشتغل تانى قالى بقولك ايه ياريت تدبح للعربيه دى قولتله اما تغيرولى الدراع بتاع المساحه الاول
فخالى بالك وانت بتخش جوه العربيه علشان رجلك متجيش على الفتيش اصلى انا طويل والموضوع ده عاملى مشكله كبيره اما ادخل العربيه وكمان اما اغير الى D الزرار ده بيدخل فى رجلى واما اجيب الستربترونيك بيعشق فى فخدى بقا مش لاقى حل للموضوع ده بس ان شاء الله الحل مع الوقت رجلى بتتالم من ضغط الزرار عليها بس ان شاء الله هنغير وهنلاقى وضع مناسب