الموضوع: مراية اللوجان اتفصلت عن العربية ...برجاء المساعدة

انا رايي انها ممكن بس المشكلة في اسلاك التحكم.في كف المرايية و الحمدلله انها جت على قد كده وممكن الشباب يقوللنا هي بكام جوة و بره التوكيل

يارب ان شاء الله تيجى على خير
وحد يقولنا حل

السلام عليكم
بما اننى خبره فى كسر المرايات(3 مرات بس) ا سمحلى اقولك 3 حلول وانت اختار
فى جميع الحلول يتم حل الباب من الداخل لان سلك الكهرباء مقطوع و كلبس الكهرباء مثبت فى الباب من الداخل بس خلى بالك من اماكن المسامير اللى موجوده فى فرش العربية لو هتشتغل بره التوكيل
ملحوظة : تم التأكد من أن تغير المرايه بره التوكيل لا يخرج العربية من الضمان طالما بعيد عن علبة فيوزات العربية
1- محاولة لحام القاعدة من الاسفل عند حد بتاع فبر و بما ان انت هتلحم و تركب مسامير فى اللحام فالخوف ان الحام ممكن يفك ..... شخصيا لا احبذ هذا الحل ..... ندخل فى اللى بعده
2- تركيب مرايه فى التوكيل
تروح زى الباشا تقعد فى استراحة التوكيل و تدفع 770 جنيه شامله الضرائب و المصنعية
ملحوظة كانت 760 يس انت عارف ال10 جنيه دول هما اللى هيفرقوا معاهم فى التوكيل فغلوا بند فى الفاتورة تقريبا المصنعية بقت 50 بدلا من 40
ملحوظة تاخد المراية القديمة معاك لانهم هياخدوا الغلاف الخارجى الاحمر بتاعها و يركبوها فى المراية الجديدة
3- تشترى مرايه من اى حد بتاع قطع غيار رينو ,دلوقتى العربية قطع غيرها متوفره و باسعار معقولة و سعر المراية الكهرباء حاليا 175 جنيه
ملحوظة هذه المرايه لا يركب عليها الغلاف الاحمر الخارجى للمراية القديمة ولا يوجد بها مكان لها (يعنى منها فيها) و يمكنك رشها عند اى واحد او تركها محدش عارف ايه اللى ممكن يحصل

انا رأيي يلحمها عند واحد بتاع فيبر ويجرب يمكن تعدي يا عم خالد وربنا يسترها علينا

حصلت معايا قبل كده.... و عملتها عند واحد شاطر متخصص في ابواب السيارات و بقلها سنه ما فيهاش مشكله

الحمد لله خلاص اتحلت المشكلة
جبت المراية من التوفيقية جديدة من محل محترم اوى ب 150 جنيه وركبتها فى التوكيل نفسه والموضوع مخدش اكتر من 5 دقايق شغل
وتكلفة التركيب 50 جنيه
وكان ممكن تتركب بره مفيهاش اى مشكلة خالص
الحمد لله على كل شئ
وجزاكم الله كل خير على ردودكم

المشاركة الأصلية كتبت بواسطة isso

الحمد لله خلاص اتحلت المشكلة
جبت المراية من التوفيقية جديدة من محل محترم اوى ب 150 جنيه وركبتها فى التوكيل نفسه والموضوع مخدش اكتر من 5 دقايق شغل
وتكلفة التركيب 50 جنيه
وكان ممكن تتركب بره مفيهاش اى مشكلة خالص
الحمد لله على كل شئ
وجزاكم الله كل خير على ردودكم

ممكن إسم المحل ؟؟
التوكيل مكنش عندهم إعتراض انك جيبها من برة ؟ انت رحت توكيل ايه ؟