الموضوع: إذا كنت تشعر أنك لا تعيش سعيداً فاعلم أنك لا تصلّــي جيــداً

المشاركة الأصلية كتبت بواسطة me_medoo

ياعزيزي الغالي ... انا بلاحظ من مشاركتك أنك عندك نوع من الاكتئاب الحاد ، وانك حزين بقالك فترة كبيـرة ... أن كنت حابس نفسك في البيت ياريت تخرج من عزلتك ، وأن كنت بعيد من أصدقائك حول تتصل بيهم وتكلمهم ...

متستسلمش كده لليئس ... وحاول تلجء لربنا هو مفرج كل الكروب والهموم ... لكن أذا حسيت برضو انك مازلت حزين ، يبقى أنتا دخلت من مرحلة لمراحل الاكتئاب ، ودي ملهاش حل غير بالاشراف الطبي ... وتاخود علاج للاكتئاب ... لأن مرات كتير الانسان يكون عندو أكتئاب وحزين ويائس على طول وهو مش واخد بالو ، وأضرارو كبيرة ... منها السكـر لا قدر الله أو ارتفاع الضغط ... أو تساقط الشعر (لمرحلة الصلع ) .

لذلك الرسول صلى الله عليه وسلم بيقلك أيه (اللهم أني أعوذ بك من الهم والحــــــــــزن ) فبيتعوز من الهم والحزن كأنو بيتعوذ من الشيطان لأن كل أمراض الدنيا بتيجي بسبب الهم والحزن واليأس والاكتئاب .

وفي كمان كده سور صغيرة في القران بس سور جميلة كل مالواحد يكون حزين لو فتح المصحف وقارلو شوية حتى ولو كم سورة صغيرة هتبص تلاقي نفسك كده أرتحت نفسياً وأتفتحت نفسك للحياة زي سورة الانسان والملك والرحمن . أو حتى أية الكرسي ... وتحياتي ليك يا غالي .

لا اكتئاب و لا حاجه
انا بس خسران قرب ال 500 الف جنيه من ساعه ما الثوره قامت
فاقل واجب لازم اتقهر علي الفلوس اللي راحت
و الله اتفحت عقبال ما عملت الفلوس دي
و شكلها مش هتقوملي قومه تاني بعد كده
و الله يا باشا انا لو حكيتلك اللي حصلي مش هتصدق

انا بصلي ال 5 صلوات يوميا و الحمد لله
بس مش بصلي في المواعيد المظبوطه
نظرا لظروف العمل و مواعيد النوم و كده

و المشكله الواحد بيدعي في الصلاه و هو مش واثق من نفسه
البلد باظت بسببنا و احنا عايزنا تتصلح من غير ما نصلح نفسنا
طب ازاي ؟ مش عارف
انا بسعي في عمل بره مصر حاليا و ربنا يوفق الجميع