الموضوع: حكايتي مع الفتيس

السلام عليكم
انا هحكيلكو على حكايتي مع فتيس المانيوال لعربيتي لادا 2110 و كنت عايز استفسر منكم على حاجات انا قلقان منها بعد اذنكم.
بداية المشكلة و انا بدور على حساس الكاما اللي كان بايظ وانا كنت عايز افكه و اغيره, المشكلة ان انا ما كنتش عارف مكانه فسالت و رحت لميكانيكي بس طلع مش موجود المهم وانا بدور فكيت حساسات كتير منها حساس السرعة اللي لازق فيه ترس في عمود حديد صغير المهم العمود الحديد وقع جوه الفتيس و ما عرفتش اجيبه. لما مشيت بالعربية تاني يوم سمعت صوت عالي كان حاجة بتتهرس ووطي تدريجي فرحت للميكاينيكي و اتفقت معاه ان ينزل الفتيس و يطلع العمود الحديد ده على مصنعية 200 جنيه.
جيت بعدها بيومين قالي ان العمود الحديد جرح شوية ف التروس و عايزين يتخرطو فقلتله ماشي و ياريتني ما قلت, المهم بعد ما اخدت العربية الفتيس كان مش زي الاول بس ما كانش وحش كان بيعض ف الاول و التاني لما احاول اديهم و انا ع سرعة اكتر من 50 60 كانبيتاخدو بالعافية كنت لازم استنس لحد ما اهدي خالص و بعدين ادي الغيار طبعا الكلام ده و انا داخل ع مطب لاني ساعات بادي التاني و اضل دايس دبرياج لحد المطب.
المهم جبت الترس ده من مصر علشان اشغل عداد السرعة ووديت العربية لميكانيكي تاني يفك الفتيس و يركب الترس الجديد.
بعد 5 ايام رحتله عقبال ما خلص قالي ان الفتيس كان ملعوب فيه جامد و قالي انه بعت الفتيس لواحد متخصص فتيس عشان يعدله و قالي انه كده تمام فاخدت منه العربية.
وانطباعي انه الفتيس احسن من ما كان بعد ما اتفك اول مرة بس مش احسن من الاول لانه برده ما بقاش ياخد غيار اول و العربية ماشية على سرعة 40 اوحاجة و برده لما ادي تاني على سرعة اعلى من 40 بيعض و احس اني بمر بمرحلتين و انا بادي التاني ع السرعة العالية, بس لما ادي اول من الوقوف او تاني على سرعة منخفضة بيبقى سهل,,,,,,انا عارف انه مش هحتاج اعمل كدة بس انا عايز اطمن من حضراتكم اذا كان ده طبيعي و لا ملعوب في حاجة و هل ده ممكن يبوظ الفتيس.
اخر حاجة معلش بحس ان العصاية بتاعة الغيارات لما احط ادي ايدي عليها بحس برعشة فيها فهل ده طبيعي؟. معلش استحملوني معلوماتي ف العربيات قليلية.