استفسار عن دايون 6

**ztx** · 17-04-2012 06:47 PM

المشاركة الأصلية كتبت بواسطة karembob

هي دي المكنة اللي قصدي عليها المكنة دي ناس كتير شكرت فيها وهي بي مساعد نص وشكلها حلو شوف حد راكبها واتآكد ان هي مافيهاش الرعشي اللي في الصيني لو مفيش اتكل علي الله وهتها

+11111111111111

وصوتها ناعم تقدر تقول افضل حاجه بالصيني .

**mohamedvip** · 17-04-2012 09:22 PM

شكرا لحضراتكم على الافادة
مبدئيا المكنة كويس على حسب رايكم
وانا برضو فى كتير ركبوها وشكرو فيها وفى ناس قليلة مشكرتش فيها
انا كان معايا حلاوة تايجر بعتها عشان اجيب المكنة دى
ان شاء الله هتوكل على الله واشتريها
جزاكم الله كل خير على النصيحة والافادة

**abduo882000** · 17-04-2012 09:43 PM

انصحك ابعد عن الصينى وغنيلة كلة مشاكل وحوارات شكلة حلو اة اول سنة تمام لكن بعد كدة الله يعينك في عندك البجاج boxer 150 الهندي والناس بتشكر فيها ومكنة خارصة ملهاش صوت ومجربنها

**mohamedvip** · 18-04-2012 10:46 PM

طيب ياجماعة لو زودت الميزانية شوية وحبيت اجيب حاجة يابانى هتكون فى حدود كام ؟
بس عايز حاجة جديدة لانى مش من هواة المستعمل
وبنفس الوقت متكنش غالية جامد بس تكون يابانى

وانا بصراحة داخله دماغى التريلا اليابانى ياريت تفيدونى بالاسعار وياريت اللى يعرف مكنة يابانى كويسة ومتكنش غالية ياريت يفيدنى بسعرها ونوعها ولو صورة للمكنة اكون شاكر ليكو

**ztx** · 18-04-2012 11:29 PM

المشاركة الأصلية كتبت بواسطة mohamedvip

طيب ياجماعة لو زودت الميزانية شوية وحبيت اجيب حاجة يابانى هتكون فى حدود كام ؟
بس عايز حاجة جديدة لانى مش من هواة المستعمل
وبنفس الوقت متكنش غالية جامد بس تكون يابانى

وانا بصراحة داخله دماغى التريلا اليابانى ياريت تفيدونى بالاسعار وياريت اللى يعرف مكنة يابانى كويسة ومتكنش غالية ياريت يفيدنى بسعرها ونوعها ولو صورة للمكنة اكون شاكر ليكو

جديدة وياباني ممكن هوندا ايليت 125

عندك برضو البجاج كويس bajaj 220

ولو دورت علي ريس 250فاير حاجه نظيفة بكون افضل .

الميزانية هي الي تحكم يا باشا :)

تحياتي لك...

**Hobgoblin** · 18-04-2012 11:33 PM

المشاركة الأصلية كتبت بواسطة mohamedvip

طيب ياجماعة لو زودت الميزانية شوية وحبيت اجيب حاجة يابانى هتكون فى حدود كام ؟
بس عايز حاجة جديدة لانى مش من هواة المستعمل
وبنفس الوقت متكنش غالية جامد بس تكون يابانى

وانا بصراحة داخله دماغى التريلا اليابانى ياريت تفيدونى بالاسعار وياريت اللى يعرف مكنة يابانى كويسة ومتكنش غالية ياريت يفيدنى بسعرها ونوعها ولو صورة للمكنة اكون شاكر ليكو

بص يا باشا

نصيحة أخوية: هات Bajaj هندي زيرو وريح بالك

شكله حلو وخاماته كويسة وليه وكيل هو الاقوى في مصر غبور

وإعادة بعه معقولة حتى لو خسرت هتكون خسارة قريبة

ياباني يبقى فوق ال ١٠٠٠٠ جنيه

عندي ليك حل كويس جداً: Honda منزلة مكانة بتتجمع في الصين ب-5800 بص عليها كدة واسمها Honda برضو وليها وكيل الفطيم

http://www.nilemotors.net/Nile/280257-5500.html

**mohamedvip** · 19-04-2012 12:10 AM

شكرا لحضراتكم على الرد والافادة
بس ياريت تقولولى الاسعار الميزانية فى حدود 10000 الى 13 الف جنية
على فكرة ياريت بلاش فكرة الفسبا لانى مش من هواة الفسب وياريت تقولولى لو فى تريلا يابانى فى حدود الميزانية دى وتكون كويسة ياريت صورتها وتمنها وموتوسكل الهوندا تمنة كويس فعلا ويعتبر لا شى بالنسبة لاسعار الهوندا

وياريت تقلى الريس ال 250 فاير هيكون عامل كام ؟

**Hobgoblin** · 19-04-2012 12:19 AM

المشاركة الأصلية كتبت بواسطة mohamedvip

شكرا لحضراتكم على الرد والافادة
بس ياريت تقولولى الاسعار الميزانية فى حدود 10000 الى 13 الف جنية
على فكرة ياريت بلاش فكرة الفسبا لانى مش من هواة الفسب وياريت تقولولى لو فى تريلا يابانى فى حدود الميزانية دى وتكون كويسة ياريت صورتها وتمنها وموتوسكل الهوندا تمنة كويس فعلا ويعتبر لا شى بالنسبة لاسعار الهوندا

باشا
إنت في مصر...وزي مافيه ولآد حلال كتير فيه ولآد حرام أكثر

خليك في الزيرو واشتري راحة بالك

أفضل ما حد يبيعلك حاجة حاله موتور أو محتاجة مصاريف
ميزانية حضرتك ممكن تجيب حاجة ياباني بس هتكون موديل قديم وماشية كتير

ربنا يوفقك

**mohamedvip** · 19-04-2012 12:23 AM

والله ياغالى انا قلت بتعليقى انى محتاج حاجة جديدة لانى مش من هواة المستعمل
طول عمرى بحب اشترى جديد عشان اى حاجة تحصل للمكنة تكون حصلت على ايدى واكون عارف كل كبيرة وصغيرة فى المكنة

بس مش عارف اسعار الريس اليابانى والتريلا اليابانى عاملين كام
انا سئلت على التريلا اليابانى كانت عاملة 16 الف جنية بس صاحب المعرض قلى لو هتنزل تجيبها من معرض بمصر هتجيبها بحدود 13 الف حاجة زى كدة انا عارف انى تقلت فى اسئلتى بس مش عايز انزل اشترى حاجة وانا مش فاهم فيها وقلت اسئل عشان انزل اشترى واكون على بينة بالاسعار وبالموديلات عشان مشتريش حاجة تعبانة وغالية وينضحك عليا

**Hobgoblin** · 19-04-2012 12:30 AM

المشاركة الأصلية كتبت بواسطة mohamedvip

والله ياغالى انا قلت بتعليقى انى محتاج حاجة جديدة لانى مش من هواة المستعمل
طول عمرى بحب اشترى جديد عشان اى حاجة تحصل للمكنة تكون حصلت على ايدى واكون عارف كل كبيرة وصغيرة فى المكنة

بس مش عارف اسعار الريس اليابانى والتريلا اليابانى عاملين كام
انا سئلت على التريلا اليابانى كانت عاملة 16 الف جنية بس صاحب المعرض قلى لو هتنزل تجيبها من معرض بمصر هتجيبها بحدود 13 الف حاجة زى كدة انا عارف انى تقلت فى اسئلتى بس مش عايز انزل اشترى حاجة وانا مش فاهم فيها وقلت اسئل عشان انزل اشترى واكون على بينة بالاسعار وبالموديلات عشان مشتريش حاجة تعبانة وغالية وينضحك عليا

يا باشا إنت تؤمر

أنا للأسف مقيم في usa مش في مصر يعني مش هقدر اساعد قوي

اللي بسمعه وأعرفه إن تعمل حسابك على 15 ألف على الأقل وهتجيب مكنه 250 مش أكبر

أعتقد هتكون ماشية كمان مثلاً 20 ألف كيلو

طبعاً الأعضاء هنا أكيد أدرى مني بالسوق في مصر

أنا برضو من أنصار الزيرو وكفاية محدش هان المكنة قبلك بأي شكل

اللي قولت عليهم مع وكلاء جامدين وهيكون فيه ضمان...يعني راحت بال

والحاجة الزيرو حتمشي حبة حلوين على ما تحتاج مصاريف...غير إن المكن إلي قلتلك عليه مش معقد ومصاريفه قليلة

إن شاء الله تلاقي حاجة تريحك

سلام