تختارو نوكيا c7 ولا نوكيا n8

**zezozezozezo** · 15-04-2012 12:31 PM

انا دلوقتى فى حيرة كبيرة بجد مابين النوكيا c7 و n8 الc7 جميلة قوى عجبانى جدا وكمان علشان فيها زراير اتصال يعنى مش تاتش وn8 طبعا كاميرة تحفة فنية بس مفيهشا زراير اتصال يعنى الاتصال فيها تاتش بردة بس لما نزلت وقررات اشترى السى 7 ملقتش منها خالص عندنا فى حلوان غير واحدة بس وكانت 2100 يعنى كتير قوى ودى ضمان راية المهم وانا كان معاية واحد صاحبى قالى حرام عاليط تدفع فى سى 7 2100 وانت بالمبلغ دة تجيب n8 احسن منها بكتير كفاية كاميرة 12 ميجا بكسل فسألنا عاليها ملقناش الا ضمان دولى وبصراحة موجودة عند كل الناس المهم سعرها كان 2150 بس ضمان دولى فأنتو اية رأيكو اجيب دى ولا دى ياريت اللى معاة من النوعين دول يقولى اية عيوبهم اية وشكراليكم

**heshamzaky** · 15-04-2012 12:48 PM

النوكيا ال n8 بجد حا يعجبك جدا الكاميرا ممتازة جدا الصورة لو ظبطتها انه تصور 12 ميجا بيكسل حا تلاقى الصورة نازلة بمساحة 2 ميجا بايت
و ممكن جدا تعرض الصور و الفيديوهات على التيلفزيون مباشرة و ممكن توصل الموبيل ب الفلاشة
و ممكن تدخل على النت عادى جدا و تنزل ياهو و فيسبوك و الايميلات و حاجات كتير
و طبعا فى الاول حا يبقى التعامل مع الموبيل محتاج انك تتعود بس علية بس كدة

**husseinsalah** · 15-04-2012 12:50 PM

انا معايا n8 جايبة من السعودية من حوالى اربع شهور وطبعا فية فرق بينة وبين c7 زى
1- كامير 12 ميجا HD بفلاش زينون مش ليد(تحفة جدا فى تصوير الفديو لكن الصور فاشايف انها عادية
2- الزاكرة طبعا ضعف ذاكرة الـ C7
3- مخرج HD تعرض بية على تلفزيون LCD ولو داخل على النت من الموبايل وموصلة على التلفزيون كأنك داخل نت من PC عادى (وطبعا ممكن تعرض على تلفزيون عادى من خلال جاكات اوديو وفديو لكن مابيجيش مع التليفون)
4- لية كابلين USB واحد لتوصيلة بالكمبوتر عادى والتانى بقى بيقى مخرجة زى مخرج ال USB بتاع الكمبيوتر بمعنى انك ممكن توصل فلاشة على الموبايل وتتعمل معاها كانك موصلها للكمبيوتر بالظبط وكمان ممكن توصل ماوس وكيبورد بالموبايل (ودى ميزة مش موجودى فى اى موبايل)
*ملحوظة فية نوع منة (الاصدارالاول) فية عيب فى الشاشة بتدى على بنفسجى فابعد عنة والفرق بين الاصدار الجديد والقديم هتعرفة من العلبة الاصدار القديم بيكون مرسوم على العلبة التليفون بخط ابيض (كروكى) لكن الاصدار الجديد بتكون صورة طبيعية على علبة الموبايل....

**zezozezozezo** · 15-04-2012 03:20 PM

يعنى اتوكل على الله واجيب نوكيا n8 بس هل بقى التاتش بتاعها يعنى لو التليفون رن فى جيبى وطبعا دة عيب لو رن وحد اتصل بيا ممكن يفتح من التاتش ولا اية بالضبط بيبقى فى لوك للمكالمات ولا اية واية رأيكو التاتش حلو وخفيف التليفون ولا تقيل فى يعنى مثلا لما افتح الاستوديو واتنقل من صورة لصورة سريع ولا بطئ

**heshamzaky** · 15-04-2012 03:32 PM

سريع و كويس جدا و لما بيرن مش حا يتفتح الخط الا لما انت تفتح
و فية شوية ثيمات حلوة جدا و شوية برامج تنزلها مجانا ب ال wifi و حا تعيش كويس اوى

**AhMeD EzZ** · 15-04-2012 03:46 PM

مفكرتش ايه في ال xperia neo v ?

**ashouhdy** · 15-04-2012 03:48 PM

هات النوكيا 701 دة الجديد بتاع ال c7 بروسيسور 1.3 جيجا بالتحديث الجديد

Nokia 701 - Full phone specifications

ممكن السامسونج ace plus لسة جايبة لأختى اندرويد ورائع وسريع جدا وشيك موت بس الكاميرا 5 ميجا وسعرة 1850 بالضمان

Samsung Galaxy Ace Plus review: Aces wild - GSMArena.com

او السونى اريكسون ارك اس arc s ب 2500 تقريبا طبعا اندرويد شكل كاميرا

Sony Ericsson Xperia Arc S - Full phone specifications

**zezozezozezo** · 15-04-2012 03:56 PM

المشاركة الأصلية كتبت بواسطة ashouhdy

هات النوكيا 701 دة الجديد بتاع ال c7 بروسيسور 1.3 جيجا بالتحديث الجديد

Nokia 701 - Full phone specifications

ممكن السامسونج ace plus لسة جايبة لأختى اندرويد ورائع وسريع جدا وشيك موت بس الكاميرا 5 ميجا وسعرة 1850 بالضمان

Samsung Galaxy Ace Plus review: Aces wild - GSMArena.com

او السونى اريكسون ارك اس arc s ب 2500 تقريبا طبعا اندرويد شكل كاميرا

Sony Ericsson Xperia Arc S - Full phone specifications

يعنى n8 دة مش كويس ولا علشان غالى فى سعرة

**zezozezozezo** · 15-04-2012 03:59 PM

المشاركة الأصلية كتبت بواسطة heshamzaky

سريع و كويس جدا و لما بيرن مش حا يتفتح الخط الا لما انت تفتح
و فية شوية ثيمات حلوة جدا و شوية برامج تنزلها مجانا ب ال wifi و حا تعيش كويس اوى

اولا متشكر لزوقك بس هو لما هيرن هيظهر على الشاشة مثلا فتح المكالمة او غلق صح كدة يعنى لو مثلا وانا سايق العربية ممكن يفتح او يقفل لما حد يتصل صح كدة ولا اية