الموضوع: لانسر كانت مسروقه ورجعت

السلام عليكم .... و كل سنه وانتو طيبيبن واحد واحد :)

المهم هحكيلكو من بدايه الموضوع ومعلش انا هحكي بالتفاصيل شويه عشان حابب اشاركو التجربه :)

يوم 13\12 كان من اسؤا ايام حياتي .. البيت اتسرق - 2 لاب توب و كاميرا و ساعه و ايباد - كل ده كوم وانه لقي مفتاح العربيه و للأسف العربيه مكنتش في جراج الفيلا فكانت قدامه والمفتاح موجود والرخصه فيها وحاجه فل الفل يعني ... المهم الغفير حس بيهم بس لما كانو مشيو شويه ومعرفناش نجبهم ... بس بعدها بقي اخدنا كام يوم كده اجرائات ومحاضر وتوصيات والذي منه
.. بعديها ب ب اربع شهور بالظبط سبحان الله يوم 13- 4 "يوم المليونيه :) " كلمنا معاون مباحث قسم العامريه في اسكندريه وقالنا عربيتكو عندنا وتعالو استلموها - العربيه اصلا بتاعت والدي وانا كنت باخدها اوقات فراغه و الحمد لله جبنا عربيه رينو فلونس من 3 اسابيع بعد مافقدنا الامل نهائي - المهم رحنا انهارده وللعم انا ساكن في اكتوبر ونزلنا الساعه 9 قلنا نعمل حسابنا لأي حاجه

طبعاانا من ساعتها وانا في حلم لأني من زمان ونفسي يكون عندي عربيه خاصه ليا وطبعا كان كل همي اني اجيب حاجه تعبانه 20 الف او 25 عشان ميزانيه الوالد ف فجأه تلاقي بقي عندك لانسر اكيد انتو فاهمين بقي :)
كنا رايحين علي اساس اننا هنلاقي العربيه تمام وناخد المفتاح ونمشي بيها ونروح نرخص او نطلع بدل فاقد وكده يعني رحنا هناك و قبل ما ندخل القسم لقينا العربيات ماليه المكان زي ما الصور هتوضح


free image hosting

قلنا ندور عليها يعني نتفائل كده قبل ما نخش .. قعدنا نلف ونشوف انواع و انواع المهم شوفنا 3 لانسر نفس اللون وكانت ازرق 2حالتهم تمام جدا و واحده كانت في الضياع وطلعو كلهم مش عربيتنا وقعدنا نلف تاني ملقيناش غير دول قولنا اوبا احنا جينا علي الفاصي ولا ايه .. كلمنا رئيس المباحص في القسم وقلناله قالنا دورو علي الامين ودورو علي العربيه ب رقم الشاسيه والموتور نزلنا تاني ولاقيناها وللأسف للأسف للأسف طلعت هي اللي في الضياع اللي معرفناش معالمها لما شوفناها اول مره واستبعدناها خالص واهي قدامكو اهي

adult image hosting
free picture hosting
image upload
upload pictures

بصراحه لما شوفتها احبطت جدا جدا جدا .. هو الحمد لله انها رجعت بس الواحد لما يكون مهيأ ومظبط نفسه علي حاجه و فجأه هوب تلاقي العكس حاصل بيحبط شويه :)
المهم قلنا ماشي نشوف بقي الاجرائات عشان ناخدها ونمشي ... رجعنا لفينا لفه حلوه في القسم وفي الاخر معرفناش ناخدها لأنهم عايزين شهاده بيانات من المرور غير صورة المحضر اللي كانت معانا وطبعا كانت اوبس كبيره لأننا منعرفش اصلا ومحدش قالنا مع ان والدي كان مكلم مدير امن الجيزة شخصيا المهم قعدنا نحاول يمين شمال مافيش لازم نجيبها قلنا مش مشكله نرجع ونجيبها يوم التلات ونطلع علي اسكندريه ناخدها ب ونش ونجيبها هنا

معلش انا طولت انا عارف بس نيجي للمهم بقي ازاي ارجعها عربيه تاني ... طبعا احنا لما شفناها كده ابويا كان عايز يسيبها اصلا و فاكس العربيه و مشوار تاني وبتاع بس طبعا انا قعدت الح وازن عليه ناخدها ونشوف هنصلحها ولا لأ بس نشيلها من هنا ...
مبدئيا انا في الميكانيكا والتصليح والصيانه عموما بطيخه .. بس مش اوي يعني :) و والدي نفس الكلام .. طبعا ساعتها مسكت التليفون وقعدت اكلم صاحبي اللي فاهمين الليله وسألتهم اعمل ايه و اوديها فين وكده واغلب اجابتهم كانت صعبه كل واحد يقلي حاجه والميكانيكي هنا والكهربائي هناك و السروجي هناك يعني موال ... انا افتكرت بقي إن في المنطقه الصناعيه عندنا في اكتوبر في ورشه اسمها البستان دي فيها كل حاجه فقلت للحاج تعالي نبص عليهم كده ونشوف .. رحنا وشفنا المكان وكان شغل نضيف وعالي بصراحه وعندهم مكن و ادوات حلوه وحديثه وكانت عربيات بي ام وفورد بتتصلح عندهم واحسن حاجه ان العربيه مش هتطلع من عندهم يعني احطها هناك و اريح دماغي ... نيجي للمشكله الوحيده وهي السعر طبعا من غير ما اسأل اكيد هيكون الضعف لو انا صلحتها بنفسي عند ميكانيكي وكهربائي وكدا يعني .. ف انا بصراحه في حيره ما بعدها حيره وقدمي الاختيارين اننا نوديها الورشه دي ونريح دماغنا بدل اللف والدوران وانا اصلا مش فاضي بصراحه ورايا اخر ترم في الجامعه وامتحانات وليله بس في الاختيار ده الحاج هيصرف جامد ودي مضايقاني جدا .. والاختيار التاني نوفر بتاع 4 ولا 5 الاف بس هيطلع عين امي وانا ماليش في الكلام ده اصلا والجري ورا الناس دي واخد العربيه من هنا ل هنا وكده
ف انتو ايه رأيكو ؟ لو مكاني هتعملو ايه ؟ نفسي بصراحه اطلع من التوبيك ده ب اكتر قدر من الحلول الممكنه عشان احطها في الحسبان .. متعرفوش مبدئيا كده هتكلفنا كام ؟

خلاص يبقى توكل على الله و ممكن حتى تصلحها على فتره زمنيه. يعنى كل شويه تعمل فيها حاجه لحد ما ترجع ان شاء الله. لحالتها علشان ما تزنقش نفسك و بالتوفيق ان شاء الله