بخصوص صيانة الـ1000 لأكسنت Rb

**snake_eyes** · 15-04-2012 11:24 PM

كنت عايز اسأل بخصوص صيانة الالف لأكسنت rb 2012 ايه اللي بيحصل فيها وتقريبا اللي هيدفع قد ايه وافضل فرع للوكيل انا سامع انه بتاع قليوب الكلام ده صح ولا ايه وشكرا للعلم انا من الشرقيه (الزقازيق)

**mahmoud_afifi** · 15-04-2012 11:40 PM

المشاركة الأصلية كتبت بواسطة snake_eyes

كنت عايز اسأل بخصوص صيانة الالف لأكسنت rb 2012 ايه اللي بيحصل فيها وتقريبا اللي هيدفع قد ايه وافضل فرع للوكيل انا سامع انه بتاع قليوب الكلام ده صح ولا ايه وشكرا للعلم انا من الشرقيه (الزقازيق)

اولا الف مبروك على العربيه ربنا يباركلك فيها ويكفيك شرها وشر الحسد.

بالنسبه لصيانة ال1000 كيلو دي صيانه مجانيه مابتدفعش فيها حاجه غير تمن الزيت.
لأن الزيت الموجود في العربيه ماينفعش يقعد اكتر من الالف دول وتقريبا تمن الزيت (10 الاف كيلو) في التوكيل 260 + ثمن الفلتر يعني هتدفع تقريبا حسبة 300 جنيه في الصيانه دي.
وبيتعمل فيها التالي:
تربيط عفشه
الكشف على مياه التبريد
فحص النور
فحص الكلاكس
فحص مياه المساحات
ظبط ضغط الاطار
لو في قليوب يبقى احتمال غسيل الموتور.
وبيعرفوا ملاحظاتك على العربيه لو في حاجه مش مظبوطه.

نصيحتي روح فرع قليوب احسن والضغط اخف من ابو رواش ولو في وسط الاسبوع كمان بيبقى الشغل خفيف وحلو وتخلص بسرعه (حوالي ساعتين بالكتير).
وكمان شيك على العربيه كويس قبل ماتروح وقولهم على كل الملاحظات ولو الكاسيت فيه حاجه برضه قولهم عشان بيتغير في الضمان.

بالتوفيق

**Mohab555** · 15-04-2012 11:41 PM

هتغير زيت وفلتر بس و لو فى اى شكوى منك لازم تقولها و بالنسبة للفلوس غالبا مفيش وهتدفع ثمن الزيت و الفلتر واعى تخليهم يحطوا زيت شل الاصفر قول للمهندس انا عايز شل الترا الرمادى ..

**BUNSH** · 16-04-2012 12:46 AM

الف مبروووووووك وربنا يباركلك فيها يارب ....

المشاركة الأصلية كتبت بواسطة mahmoud_afifi

اولا الف مبروك على العربيه ربنا يباركلك فيها ويكفيك شرها وشر الحسد.

بالنسبه لصيانة ال1000 كيلو دي صيانه مجانيه مابتدفعش فيها حاجه غير تمن الزيت.
(2) لأن الزيت الموجود في العربيه ماينفعش يقعد اكتر من الالف دول وتقريبا تمن الزيت (10 الاف كيلو) في التوكيل 260 + ثمن الفلتر يعني هتدفع تقريبا حسبة (1) 300 جنيه في الصيانه دي.
وبيتعمل فيها التالي:
تربيط عفشه
الكشف على مياه التبريد
فحص النور
فحص الكلاكس
فحص مياه المساحات
ظبط ضغط الاطار

+11111
(1) 297 جنية بالتمام وكماااااال ..

بالراحة بس يا فندم
معلومة زيت الألف دي معلومة خاطئة
واساسا مفيش حاجة اسمها صيانة 1000 كم في التوكيلات خارج مصر
اول صيانة بتكون اما بعد 10000 كم او 15000 كم
ولكن عشان احنا هنا في مصر عندنا توكيلات مستغلة فعاملين لعبة الصيانة كل 5000 كم دي
الزيت دا يمشي 5000 كم مستريح بدون مشاكل مطلقا ومش بيعمل مشاكل خالص
ولما يمشي عليه 500 كم بعد الألف هيحصل ايه؟!
ولا شيء!
زيت ال 10000 كم اللي هو شيل الترا لو مشيت عليه 15000 كم ايه هيحصل؟!
مش هيحصل حاجة!
مفيش حاجة اسمها زيت 1000 كم مطلقا
حضرتك ادخل على مواقع الزيوت العالمية
شيل
كاسترول
فالفولين
هتلاقي انهم كاتبين ان الزيت ميتغيرش قبل 10000 كم ما دام مبينقصش ولزوجته مظبوطة!
احنا بيتلعب وبينضحك علينا في مصر كتير
متقلقش اكيد مش هضره وانا لو مكانه هعمل كدة مفيش مشكلة

(2)اى رأيك فى كلام دة ! يااااحودة بك ..

**mahmoud_afifi** · 16-04-2012 01:01 AM

المشاركة الأصلية كتبت بواسطة Bunsh_Fox

الف مبروووووووك وربنا يباركلك فيها يارب ....

+11111
(1) 297 جنية بالتمام وكماااااال ..

(2)اى رأيك فى كلام دة ! يااااحودة بك ..

بص يا حمزه, العربيه بالذات مش عشان اوفر كام جنيه اقوم ابوظ موتور بالشئ الفلاني واقول ياريت الي جرا ما كان.
واساسا من الناحيه الهندسيه دي اسمها preventive maintenance يعني بتعمل حسابك انك تغير الحاجه قبل ميعادها عشان ماتبوظش العربيه. وبصراحه انا شوفت عربيات الموتور بيقفش بسبب ان الزيت بيقعد اكتر من ميعاده في العربيه ومايشتغلش بكفاءه.

ودي وجهة نظري ^_^

**BUNSH** · 16-04-2012 01:47 AM

المشاركة الأصلية كتبت بواسطة mahmoud_afifi

بص يا حمزه, العربيه بالذات مش عشان اوفر كام جنيه اقوم ابوظ موتور بالشئ الفلاني واقول ياريت الي جرا ما كان.
واساسا من الناحيه الهندسيه دي اسمها preventive maintenance يعني بتعمل حسابك انك تغير الحاجه قبل ميعادها عشان ماتبوظش العربيه. وبصراحه انا شوفت عربيات الموتور بيقفش بسبب ان الزيت بيقعد اكتر من ميعاده في العربيه ومايشتغلش بكفاءه.

ودي وجهة نظري ^_^

ادينا بنتعلم ونستفييد من بعض ! يعنى انت شايف كلام دة مش مظبووط مع انى مقتنع بية (الله اعلم)

**mahmoud_afifi** · 16-04-2012 01:57 AM

المشاركة الأصلية كتبت بواسطة bunsh_fox

ادينا بنتعلم ونستفييد من بعض ! يعنى انت شايف كلام دة مش مظبووط مع انى مقتنع بية (الله اعلم)

انا شايف انه مش مظبوط وكمان عشان تتأكد جرب تنزل الزيت بعد ميعاده بألف ولا ألفين كيلو وجرب نزله في ميعاده هتلاقي فرق في اللون واللزوجه.

-

-

الموضوع: بخصوص صيانة الـ1000 لأكسنت Rb

LinkBack

أدوات الموضوع

عرض

-

-

-

المواضيع المتشابهه

إختبار التصادم لأكسنت 98!!

ضيانة الـ1000 لنيو سيراتو في ابو رواش ودفع مبلغ غريب

صيانة ال 40 ألف لأكسنت 2006....بيتعمل فيها أيه ؟

فوانيس كريستال لأكسنت

صيانة الـ1000 للوجان اتلغت !!!

الكلمات الدلالية لهذا الموضوع

المفضلات

المفضلات

ضوابط المشاركة