لو حصل معاك كدة في كارفور هاتعمل ايه ؟؟

**Karim_Monir** · 16-04-2012 02:39 AM

حضرتك ماشي بتتسوق في كارفور
وبتسيب العربية جنب الرفوف وتبعد شوية تبص على حاجة او تجيب حاجة وترجع تاني
رجعت حضرتك
لقيت في العربية عبوتين زبادو حجم كبير وهما مش بتوعك وانت ولا دوقتهم
تقدر تقولي حضرتك هاتتصرف ازاي ؟
انا عن نفسي وقفت بتاع دقيقية متنح من الناس المعفنة دي
انت ممعاكش تمن حاجة ما تطفحاش يا اخي
قابلها حرام تدخل بطنك ازاي
وبعيد شيلتهم من عربيتي ركنت على رف فاضي
لاني مش اغني من كارفور وادفعلهم من جيبي
وكنت عايز اي فرد امن يجي يتكلم
كنت هاطلب منه سجل الكاميرات فورا
طبعا لمحت علامات امتعاض من بعض الناس اللي حواليا كاني انا اللي شربتهم
وسرقتهم من الهايبر وبرميهم جوة الهايبر
لكن طالما انا ضميري مرتاح مهمنيش الناس
لاني مش هاقف اشرح لكل واحد ايه اللي حصل
بس بصراحة
موقف زبالة
هاتتصرفو انتو ازاي في الموقف ده ؟

**ghostmido** · 16-04-2012 02:48 AM

بجد موقف مجرج جدا.
بس انا عندى رد مناسب للموضوع و متماشى مع جو التخوين اللى احنا عايشينه وعلى راى الخبراء السيسين (انت ايه اللى وداك هناك اصلا) -:)
بجد نفسى الشعب ده ينضف سلوكياته

**mshmshm3** · 16-04-2012 02:50 AM

الصح ما تخليش العربية تبعد عنك و دي حاجة معروفة و بتحصل كتير اوي ناس بتدخل تطفح و تشرب السم اللي يهري قلبها جوة و ما تدفعش حاجة علشان اتربو علي الحرام
خلي العربية جنبك ولو شفت حد بيعمل كدة مع حد بهدله ومايهمكش الناس

**elpasha1** · 16-04-2012 02:50 AM

بصراحة انا مش عارف هتصرف ازاى
لكن مفتكرش انى هعمل اكتر من اللى انت عملتة

**me_medoo** · 16-04-2012 03:33 AM

هههههههههههههههههههه خلتني افطس على نفسي من الدحك ، هههه بعد كده هاخود المدام والعيال ونديها زابدوووه وبالمره اودي العيال قسم الشيكولاتات والحلويات الي هناك ، وياكلو كل الي نفسهم فيه وفي النهايه هبقى اخد الفوارغ ارميها في عربيت اي واحد ههههههههه ، او احنا نعدي على كارفور كل يوم نتعشا هناك ونتنينى راجعين على البيت بالمرة بقى شوية لانشون على بسترمة على كام علبة زبادي على شوية جبنة رومي ونرمي العربية في اي حته ونمشي ههههههههه. عماااار يا مصر