الموضوع: كاسيت الفيرنا بااااظ ياريت مساعده من الوحوش

السلام عليكم ورحمه الله وبركاته
يا شباب انا معانا فيرنا 2012 كامله مانيوال لسه بتلين والحمد لله يعنى عامله حوالى 450 كيلو بس
المشكله فى الكاسيت بتاعها وهى نازله بكاسيت رودستار بفلاشه وسى دى على حد علمى أول مره ينزل فيها السنه دى وكان شغال كويس جدا
المهم فجأه الفلاشه والسى دى كتم الصوت يعنى مفيش صوت بيطلع وبسمع حاجه كده زى تكه بتتكرر على طول زى ما يكون حد بيخبط على باب خشب قبل ما يخش ( والله مؤدب)
السؤال جاى بقى
ممكن حد يعرف حل المشكله دى ولا لازم اروح التوكيل
وكمان لو هروح التوكيل اروح توكيل العربيه ولا توكيل الكاسيت عشان انا سمعت أن لازم اروح توكيل العربيه يفكو الكاسيت وبعدين اروح توكيل الكاسيت عشان اصلحه وارجع تانى على توكيل العربيه عشان اركبه
يعنى صباح المرمطه
وكمان سؤال تانى انا معايا كاسيت سونى اكسبلود من العربيه القديمه ممكن اركبه فى الفيرنا من خلال التوكيل ولا لأ
معلش اسئلتى كتير لأنى أول مره اركب زيرو كل العربيات قبل كده كانت مستعمله

الف شكر على الردود يا جماعه
انا الناهارده اتصلت بالتوكيل وقالى اطلع على ضمان الكاسيت فى عباس العقاد
وربنا يسترها انشاء الله