اتعرفت على شخص و لما دخلته بيتي سرقني

**bmw3m007** · 17-04-2012 12:47 AM

باختصار شديد
واحد صاحبي عرفني على صديق له و انا بثق في صاحبي ده
فللاسف وثقت في الشخص الجديد الي عرفني عليه
و دخلته شقتي الس قاعد فيها لوحدي
في يوم نام معايا في الشقه هو و واحد كمان صاحبي اعرفه كويس
المهم اني صحيت ملقتش موبايلين و 200 جنيه و ولاعه و لاب

و اتأكدت من الي خد الحجات هو الي اتعرفت عليه جديد ده
كلمته يجيبهم بالذوق بينكر انه خدهم

و البواب شافه و هو شايل شنطه في ايده و هو ماشي ( طبعا كان جاي من غير شنط )
فـ دي كانت شنطة اللاب

المهم انا عارف عنه كل حاجه .. اهله و بيته و شغله
عملت محضر بس البواب مقلق و مش عايز يشهد !
المهم اعمل الصح مع الواد ده و ان شاء الله انا قده و ربنا معايا علشان صاحب حق
ولا اروح لأهله الاول و اقولهم ؟ علشان ابقى عملت الي عليا ؟

**alexaway** · 17-04-2012 12:53 AM

خد معاك واحد يكون فاهم قانون او محامي وروح لاهله بالزوق وتعملهم كارت ارهاب وتقلهم تجيبوا حاجتي , اهلا وسهلا والا حدخل ابنكم السجن واللي معاك طبعا حيكون دوره ان يقلقهم من موضوع دخول ابنهم السجن دا , حصل معايا موقف مشابه وعملت كدا واخدت حقي وانا قاعد حاطت رجل علي رجل .

اه نسيت اقلك

نصيحة مدخلش حد بيتك متعرفوش او لسه متعرف عليه جديد , احمد ربنا انه مقتلكش وانت نايم

**bmw3m007** · 17-04-2012 12:58 AM

المشاركة الأصلية كتبت بواسطة alexaway

خد معاك واحد يكون فاهم قانون او محامي وروح لاهله بالزوق وتعملهم كارت ارهاب ويقلهم تجيبوا حاجتي , اهلا وسهلا والا حدخل ابنكم السجن واللي معاك طبعا حيكون دوره ان يقلقهم من موضوع دخول ابنهم السجن دا , حصل معايا موقف مشابه وعملت كدا واخدت حقي وانا قاعد حاطت رجل علي رجل .

اه نسيت اقلك

نصيحة مدخلش حد بيتك متعرفوش او لسه متعرف عليه جديد , احمد ربنا انه مقتلكش وانت نايم

متشكر جدا يا باشا و انا ناوي عالخطوه دي ان شاء الله بس قلت اخد آراء اخواتي هنا الاول
و انا مش من طبعي اني اثق في حد بسهوله بس الموضوع ده كان له ظروف خاصه انا اختصرت الموضوع علشان مطولش عليكم بس

و متشكر عالنصيحه جدا ياباشا :)
و الحمدلله رب العالمين طبعا كان ممكن العواقب تكون اسوأ

**Ghosts** · 17-04-2012 01:02 AM

زمان سمعت حكمة بتقول:
صديقك أما أن يحسدك أو يفسدك ....

وبعد ما قريت موضوعك ممكن نضيف على الحكمة دى أو يسرقك ....
أوعى تثق فى حد خااااااااالص خارج نطاق أسرتك ....

**bmw3m007** · 17-04-2012 01:08 AM

المشاركة الأصلية كتبت بواسطة ghosts

زمان سمعت حكمة بتقول:
صديقك أما أن يحسدك أو يفسدك ....

وبعد ما قريت موضوعك ممكن نضيف على الحكمة دى أو يسرقك ....
أوعى تثق فى حد خااااااااالص خارج نطاق أسرتك ....

و الله معاك حق
بصراحه في جمله شفتها على تاكسي حكمه فعلا
كاتب : مفيش صاحب يتصاحب
انا متخيلتش ان الجرأه توصل لكده بس !!
بس لازم الواحد يتوقع اي حاجه دلوقتي

و متشكر جدا يا باشا :)

**hussein** · 17-04-2012 02:07 AM

نصيحة وسع نطاق شكك
بمعنى شك برده فى الصديق التانى
وفى البواب !!!!!

**Amrgamal1** · 17-04-2012 03:15 AM

الحوار دا ياباشا في وش صاحبك اللي عرفك عليه
وهو اللي مسؤال يجيبلك الحاجه اللي اتسرقت

**pashaa911** · 17-04-2012 03:48 AM

المشاركة الأصلية كتبت بواسطة amrgamal1

الحوار دا ياباشا في وش صاحبك اللي عرفك عليه
وهو اللي مسؤال يجيبلك الحاجه اللي اتسرقت

الله ينور عليك بالظبط كدة لازم تدخل صاحبك اللى عرفك عليه فى الموضوع ويكون مسئول بشكل كامل

**ramyhekal** · 17-04-2012 04:44 AM

صاحبك اللى عرفك عليه ما تسيبوش نهائى وامسك فيه واعمله مشكله
مش هو ضامنه يبقى يدفع
الضامن دافع معروفه

**r0xer** · 17-04-2012 04:45 AM

دا حرامي بجح. لو تعرف تخطفه انت وصحابك وكام بلطجي مفيش مشكلة وهيكون حقك ومش هتتحاسب كمان.

+

اقطع علاقتك بصاحبك الي عرفك عليه، لانه هو كمان مبقاش شخص ثقة خالص.

+ لو خطفته ولاقيته بجح ومرجعش الحاجة، اديله ختم صياعة ابدي عشان الناس تعرف انه مجرم.

طبعا اوعى تسمع كلامي في حاجة من اللي قلتهالك دي، لاني اتعصبت من اللي حصلك وبكتب اي كلام عصبي وخلاص :@

الموضوع: اتعرفت على شخص و لما دخلته بيتي سرقني

LinkBack

أدوات الموضوع

عرض

اتعرفت على شخص و لما دخلته بيتي سرقني - انشر الموضوع فى :

-

-

-

-

-

المواضيع المتشابهه

مطلوب سيارة استخدام بيتي

حد عايز يبيع تريوس بيتي؟

128 بيتي للبيع

ثلاثة : قمة في الاحترام اتعرفت عليهم من خلال المنتدي

الكلمات الدلالية لهذا الموضوع

المفضلات

المفضلات

ضوابط المشاركة