الموضوع: تقييم ملاك الأكسنت rb

انا فى الرياض السعوديه بصراحه جربتها تاجير حلوة جدآ وناعمه وشيك من برة وجوة ومنتشره جدآ فى شوارع الرياض مافيش اشارة الا ما تلاقى حواليك اتنين وثلاثه منها لو عربيه مش اد كدة ماكنا وجدنا الانتشار الواسع دة فى السعوديه هى والالنترا والكيا ..الهيونداى والكيا انتشروا بشكل ملحوظ بالخليج

المشاركة الأصلية كتبت بواسطة raedegypt

انا فى الرياض السعوديه بصراحه جربتها تاجير حلوة جدآ وناعمه وشيك من برة وجوة ومنتشره جدآ فى شوارع الرياض مافيش اشارة الا ما تلاقى حواليك اتنين وثلاثه منها لو عربيه مش اد كدة ماكنا وجدنا الانتشار الواسع دة فى السعوديه هى والالنترا والكيا ..الهيونداى والكيا انتشروا بشكل ملحوظ بالخليج

ما هى المصيبة أن الهيونداى الخليجى تختلف عن المصرى ....
عمرى ما سمعت عن حد فى الخليج أتكلم عن مشكلة قابلتة فى العربية الهيونداى ....

لكن المصرى طول عمرة غلبان فى البلد دى ....
و موعود بالفرز التانى و التالت اللى فية عيوب صناعة ومشاكل...

المشاركة الأصلية كتبت بواسطة me_medoo

هههههههههههههه
والله معاك حق يا جوست ... واحنا بنشوف فعلا العربيات الخليجيي بتختلف في الاوبشن والكولتي عن الي بتيجي مصر ، وتلاقي غبور افندي علشان يقضي على هذه الظاهرة يقلك مالهاش ضمان ولا قطع غيار وشوية شوية هيقول واللهِ لا اقطع عنكم مية ومنور وأحرمكم من المصروف . ههههههههههههه

انا بصراحة شايف هيا عربية لزيزة بس عليها بعض الملحظات :
1- في صوت طقة كده ولمن أجي أعشق الغيار الاتوماتيك وبلف الديريكسيون .

2- بسمع صوت الكوتش وانا سايق .

3- بحس بنقلات العربية لمن اكبسلها بنزين بصورة ملحوظة .

4- احياناً في وقت الظهر بشوف انعكاس صورة التابلوة على البرفريز الامامي ... ودي بيزغلل عنين الواحد .

طبعاً انا بتكلم عن نفسي والي شيفو في الي عندي ... وبيني وبينكم تمنها مبالغ فيه قوي 103.000 جنيه .

يعني كان حلو عليها قوي 80.000 بس الي خلى البيكانتو ب 83.000 جنية مش هيخلي الاكسينت توصل للمبلغ ده .

صحيح هيا بكام في السعودية ... أعتقد انها مش هتزيد عن 43000 ريال في جنيه ونص يعني حاجة وسبعين الف جنيه . وتحياتي .

تماااام يا me_medoo ....
أنا شايف أنها ملاحظات بسيطة و مفيش أى عربية فى الدنيا مش هيبقى فيها مشكلة أو أكتر ....
ياترى بتعمل الصيانة الدورية فى التوكيل ولا مركز من المراكز المعتمدة؟؟!!

المشاركة الأصلية كتبت بواسطة me_medoo

1- في صوت طقة كده ولمن أجي أعشق الغيار الاتوماتيك وبلف الديريكسيون .
ممكن حضرتك تروح مودرن سيرفس في مصر الجديدة و تقولهم علي المشكلة في صياانة الالف و هتتحل باذن الله
2- بسمع صوت الكوتش وانا سايق .
شوية بشوية هيخف الموضوع دا و لو مضاايق اووي شغل الكااسيت علي طول مش هتسمعة
3- بحس بنقلات العربية لمن اكبسلها بنزين بصورة ملحوظة .
هتروح مع اختفااء المشكلة الاولي ان شااء الله
4- احياناً في وقت الظهر بشوف انعكاس صورة التابلوة على البرفريز الامامي ... ودي بيزغلل عنين الواحد .
غريبة دي مش بشوفهاا هركز و ابقي اقولك عليهاااا

المشاركة الأصلية كتبت بواسطة me_medoo

هيا مودرن سيرفس دي تبع غبور لاني كنت بفكر اوديها ابو رواش. بس بيني وبينكم مجربهم قبل كده وبصراحة بيكرهو الواحد في عيشتو

وكيل معتمد من هيونداي و نااس محترمين جدا بس احجز قبل ما تروح عشاان لو روحت من غير حجز هتفضل قاعد عندهم بتاع 30 سااعة كدا :))) وامش عاادي بالغربية متقلقش لغاية صاينة الالف