قول ايه اكتر حاجه بتضايقك من اللى ماشى جمبك

**houras1010** · 18-04-2012 10:47 PM

اذا عرف السبب بطل العجب
فى حاجات غريبه دايما بنشوفها من اللى سايق جمبك ومش لاقيين ليها تفسير بجد مع انها بتتكر كتير
يعنى انا مثلا مش فاهم ليه
1- الطريق فاضى وماشى على سرعه عاليه وعربيه تطلع من جمبى والفرق بالسنتيمتر لييييه؟

2-حد طالع من عربيه جمبه يكسر عليها عشان يمشى فى نفس الحاره بتاعتها يعنى ماشى شمال يطلع منى ويمشى شمال ماشى يمين يطلع ويمشى يمين انا كنت بفكتر انه هياخد يوترن بعديها او يخش يمين نادر ان حصل ليييه ؟

3- كبوت العربيه اللى على يمينك لازق فى اخر العربيه جايب اول الباب وماشى بنفس سرعتى ولا هو مشى ورايا ولا عدانى لو لقيت حفره مقدرش اتحرك مللى ليييييييه ؟

ممكن تكون ليها سبب وجيه معرفوش

**Mohab555** · 18-04-2012 11:40 PM

اكتر حاجة متسفزه فى الناس انك تبقى على طريق وماشى و مره واحد الى قدامك يدوس فرامل وهو معهوش لمض فرامل اصلا و انت تتشقلب بالعربية علشان تفرمل وبعد كل ده يطلع صباعوا من الشباك و يقولك معلش ولما تكلمه يقولك وانت ماشى ورايا ليه اصلا !!

**shaddadfalcon1** · 18-04-2012 11:51 PM

ابقي راكن او ماشي في حاره ومفيش حد جنبي والاقي واحد جي من ورايا وعمال تيييييييييييييييييييييييي يتت

**houras1010** · 18-04-2012 11:54 PM

المشاركة الأصلية كتبت بواسطة shaddadfalcon1

ابقي راكن او ماشي في حاره ومفيش حد جنبي والاقي واحد جي من ورايا وعمال تيييييييييييييييييييييييي يتت

دى حاجه مضايقاك بس ولا مش عارف ليها تفسير كمان

**osama.m** · 18-04-2012 11:55 PM

لما الطريق يبقى زحمة و اللي وراك يعلق ايدة على الكلاكس
ولما تبقى ماشي في امان الله ومش بتجري و اخد يمين وتلاقي اللي بيشتمك مع ان الطريق 3 حارات

**mshmshm3** · 18-04-2012 11:57 PM

عادي جدا .
تلاقي ناس ماشية كأنها في صحرا العربية تحدف منه عليك و هو فاتح بقه و في عالم تاني لازم يتشتم علشان يفوق او يبقي الشارع واقف وتلاقي الفتك اللي معاه شاهين او لادا او 132 (طبعا مع احترامي للأعضاء ملاك العربيات دي ) بيفرك وعايز يعدي منك و الشارع متروس قدامك يعني انت مش بتفهم مثلا او الصورة وقفت عندك علي ان الشارع زحمة و هو شايف الشارع فاضي ده بردو يتكتم لما يتشتم او يضرب
وياسلام لما يكون الشارع رايح جاي وتلاقي نفس الشخص بتاع الشاهين او 132 ماشي في الناحية العكس عايز ياخد الجرعة من الشتيمة او عايز يتشد .
او تبص في المراية تلاقي الشارع اول واحد وراك علي بعد 6 كيلو متر اول لما يشوفك هاتطلع في حارته تلاقيه جاي من وراك علي اخره ولما تمشي وراه يتنح دي حلها بسيط جدا بطلع قدامه و انزل امسح نمر العربية علشان عليها تراب

**_hema** · 19-04-2012 12:02 AM

حضرتك تبقا ماشى فى امان الله

وتلاقى اللى جنبك حدف عليك فجأه

عشان ماشى سرحان وهو بيتكلم فى التليفون ويظهر اللى بيرد عليه نرفزو شويه قام حدف عليك من غيظوه

واما تيجى تعتب عليه يشوحلك بإيديه ويزعق فى وشك ويقولك

هوووووووووو ه فى إيييييييييييييييه

غصب عنك تمشى وانت ساكت عشان الامر ميطورش اكتر من كدا

وتقول حسبى الله ونعم الوكيل