صوت كركرة خفيفة مع التكييف وزيادة البنزين

**aaet1** · 19-04-2012 01:59 AM

السلام عليكم، سؤال يا اخوانى فيه صوت كده زى كركرة خفيفة -أو صوت بقللة مية- بحسها طالعة من ورا التابلوه، بتطلع مع زيادة البنزين وفى نفس الوقت بكون مشغل التكييف، الصوت ده ما بيطلعش فى الأول ولكن بعد ما أكون مشيت شوية بالعربية وكمان ما بيظهرش إلا لما العربية تكون مهدية خالص أو واقفة وارجع ادوس بنزين علشان احركها أو أزود السرعة؟ ولو طفيت التكييف الصوت بيروح .... ياترى إيه سببه؟

**ابو ليلى** · 19-04-2012 04:34 AM

اشرف باشا ازى حضرتك ويارب تكون بخير
انت تقصد بعد الضغط على دوسة البنزين ؟؟؟

**mido** · 19-04-2012 11:10 AM

true
بس حد قال بلى حاجه فى التكييف

**temo85** · 19-04-2012 11:31 AM

المشاركة الأصلية كتبت بواسطة mido

true
بس حد قال بلى حاجه فى التكييف

لالالالالا.....كل ده اتغيير بلىة الشداد و الكباس كله و برده الوضع زى ماهو و القصه دى كمان موجودة فى الأكسنت الrb عشان نفس موتور و فتيس السيراتو و بعش الناس بيقولوا موجودة فى الإلنترا الجديدة

**meiirmeiir21** · 19-04-2012 02:47 PM

علي فكرة المشكلة ديه لسه ظاهرة عندي في الكارينز ...من ساعة لما الجو بقي حر شوية ..كل لما أشغل التكييف و أول لما أدوس بنزين أسمع كركرة ...ده بيبان معايا قوي في الزحمة بالذات لما بكون راجع علي المحور و تبقي عمال تمشي ببطء و تقف ...كل لما لما أقف و أجي أطلع تاني أسمع نفس الكركرة ؟؟!!

**aaet1** · 19-04-2012 02:48 PM

المشاركة الأصلية كتبت بواسطة ابو ليلى

اشرف باشا ازى حضرتك ويارب تكون بخير
انت تقصد بعد الضغط على دوسة البنزين ؟؟؟

الحمد لله وشاكر على سؤال حضرتك،
فعلا عند الضغط على دواسة البنزين

المشاركة الأصلية كتبت بواسطة temo85

لالالالالا.....كل ده اتغيير بلىة الشداد و الكباس كله و برده الوضع زى ماهو و القصه دى كمان موجودة فى الأكسنت الrb عشان نفس موتور و فتيس السيراتو و بعش الناس بيقولوا موجودة فى الإلنترا الجديدة

الله يطمنك :))

**mohamed_selim** · 19-04-2012 03:00 PM

المشاركة الأصلية كتبت بواسطة meiirmeiir21

علي فكرة المشكلة ديه لسه ظاهرة عندي في الكارينز ...من ساعة لما الجو بقي حر شوية ..كل لما أشغل التكييف و أول لما أدوس بنزين أسمع كركرة ...ده بيبان معايا قوي في الزحمة بالذات لما بكون راجع علي المحور و تبقي عمال تمشي ببطء و تقف ...كل لما لما أقف و أجي أطلع تاني أسمع نفس الكركرة ؟؟!!

ده مش انا بس !!!
ظهرت عندى قريب بس كان فى خرم فى لاسربنتينه و الراجل لحمها و حط منظف لدورة التبريد و شحن و ظهرت بعدها كركره خفيفه ... شكيت فيه فى الاول بس بعد كده مبقتش بتظهر قوى و تعايشت معاها

**temo85** · 19-04-2012 03:51 PM

المشاركة الأصلية كتبت بواسطة meiirmeiir21

علي فكرة المشكلة ديه لسه ظاهرة عندي في الكارينز ...من ساعة لما الجو بقي حر شوية ..كل لما أشغل التكييف و أول لما أدوس بنزين أسمع كركرة ...ده بيبان معايا قوي في الزحمة بالذات لما بكون راجع علي المحور و تبقي عمال تمشي ببطء و تقف ...كل لما لما أقف و أجي أطلع تاني أسمع نفس الكركرة ؟؟!!

واالله اللى انا عارفه و فهمته ان عيب شائع فى الكيــا و الأكسنت RBو الإلنترا الجديدة بس المشكلة الأكبر هى تكبير الدماغ و الطناش اللى من الناس و من التوكيل كمان عشان انا عشت معاهم ايام سودا و غيروا البليه و الكباس بدون جدوى و انا بصراحة اول مرة اسمع انه موجود كمان فى الكارينز Welcome on board :(