الموضوع: السباق لسة مخلصش

حازم خرج من السباق
كل واحد من الاخوة الشمتانين احب اقوله
قدر الله وما شاء فعل
لكن شماتتك ليس لها سوي قول الرسول صلي الله عليه وسلم للاخوة المتدينين اصحاب العقول الراجحة
قال رسول الله صلى الله عليه وسلم : { لا تظهر الشماتة لأخيك ، فيرحمه الله عز وجل ويبتليك } رواه الترمذي
افهم يعني الراجل عمل اية
طلب يطبق شرع الله
الكلمة دي بتضايقكو لية
هو شرع الله شايفينه مطبق فعلا
بص في الشارع وانت تعرف
بص في المدارس والمناهج وانت تعرف
بص في التلفزيون وانت تعرف شرع الله مطبق ولا لا
بص في العشوائيات وانت تعرف
المشكلة مش في قضية امه او لا
من قبلها والمعارض معارض
ليه في ناس بتكره عمل الخير
ليه المثالية مرفوضة في مجتمعنا
لية بيتقال تشدد ورجعية وخلفية
علي اي مبدا اقمت حجتك
فين الرجعية في كلامه
دين ربنا تطبيقه رجعية
هو طلب اية غريب ولا عمل اية غريب
انتو اللي ابتدعتو فصل الدين عن السياسة
انا اصلا مش فاهم قدرتو تقولوها ازاي
يعني ازاي واحد مسلم قدر يقول كلمة فصل الدين؟
هو الدين دة زينة نحطها عالتورتة او منحطهاش
ولا هي تريقة وخلاص
ويا ريت تريقتك دي هتخش بيها الجنة
لما تتريق علي الجلباب القصير اللي حازم حتي مش لابسه
وعلي اللحية
عارف انت بتتريق علي مين بجد مش قادراقولها
اذا كان ربنا قال في كتابة يا ايها الذين امنو لا يسخر قوم من قوم عسي ان يكونو خيرا منهم ولا نساء من نساء عسي ان يكن خيرا منهن ولا تلمزوا انفسكم ولا تنابزو بالالقاب بئس الاسم الفسوق بعد الايمان ومن لم يتب فاولئك هم الظالمون
دة ربنا قال قوم من قوم قما بالك باللي انت بتقوله
انا لله وانا اليه راجعون
الموضوع مش في حازم الموضوع في اي واحد ملتزم بتعامله كدة لية
لية كلمة الدين وتطبيق الشريعة تستفزك لية
حطيتو مصطلجات كبيرة اوي لحاجه اولية وبسيطة جدا مفروض كل واحد فينا يعملها
هي حياة المسلم لو بقينا محترمين فعلا اية المشكلة
اية المشكلة ان الدنيا تقفل وقت الصلاة ونسميها استراحة
اية المشكلة ان المدارس والجامعات متبقاش مختلطة
ولا هي المشاكل اللي بتحصل في المدارس والجامعات حلوة وجميلة
اية المشكلة ان اطفالنا تحفظ القران في ابتدائي ويطلعو عارفين دينهم بدل ما تلاقي واحد متخرج مبيعرفش يفتح المصحف
فيها اية ان الواحد يعيش في مكان نضيف ومستريح ومش حامل هم الفتن او امتي ربنا يصلح حال المسلمين
كان حلم جوا ناس كتير
كان حقيقة عشتها انا وناس كتير
كان امل جوة عنيه وهي بتضحك
كان فرحة في قلوبنا وهي بتنبض
لية واحد اول دفعته ميتعينش عشان مربي لحيته
ليه لما هو خرج يشتغل قالوله معلش انت الاول بس احلقها وتعالي
ليه يحس وهو رايح يصلي في مسجده انه متراقب من اخوانه وحبايبه
ليه عيشتوه في زمن بقي يمشي يلف حواليه
ربيتو جواه الخوف والالم لو صليت انت عارف ممكن تروح فين ؟
لا عارف ياخد وضعه ولا مركزه ولا عارف يجيب فلوس
وكل واحد معدي عايز يقوله كلمة يقوله لأ وكمان ممكن يدوس
سهل اوي الحكم بالاعدام علي فرحته
بس متنساش انك لما دمرت حلمه انت قتلته وحطمت دنيته
ويا ريت كان حلمه عربية ولا شقة
حلمه كان انه لما يشوف ناس ماشية في الشارع يذكروه بالله
هو شعائر الدين حرام تطبيقها
مش ربنا اللي قال
ذلك ومن يعظم شعائر الله فإنها من تقوي القلوب
يقي لية ندي حكم او نقتل نفس طلبت الحرية والكرامة
دة ربنا حرم قتلها ومتفتكرش ان القتل يبقي دبح بسكينة
حرام اني اطبق شعائر
لازم اخرج عيني تقع علي الغلط في كل مكان
مينفعش اخرج وعيني مستريحة من الغلط
مشكلته انه ربنا اكرمه بجوارح بتحب شرع ربنا
عينه مش بتحب تبص لحرام
لما بيركب المواصلات ولا يتسني عند الدكتور الموسيقي بتجننه !
لية مصمم توتره وتضايقه ما تشوف هو بيتذايق من الكلام دة لية واعمل زيه
ولا الطاعة صعبة والمعصية اسهل
معلش انا عارفة ان النقله صعبة
وهو وعدك انه مش هينقلك مرة واحدة
لازم مراحل لان الدنيا اتخلقت في سبع ايام
عرفت بقي ان مشلكتي مكانتش في حازم
رغم انه كويس وبغض النظر عن لو قلتلك هو امه امريكية او لا
لكن لازم تعرف ان انا ضعيف جدا وكلي اخطاء
والشافعي قبل كدة قالها في شوية ابيات
احب الصالحين ولست منهم
لعلي أن أنال بهم شفاعة

وأكره من تجارته المعاصي

ولو كنا سواء في البضاعة
عموما الجولة مانتهتش
ربنا حرم علينا اليأس والقنوط
واذا كان حد تعب اقوله اصحي وقوم وفوق
حازم قالك لو انا مت متخليش الفكرة تموت
انت لسة زي ما انت و هتعيش في دنيا الكرامة
حلمك مستحيل يضيع واوعدك بكرة هتحيا في عزة
واللي كان معارض حازم هاقوله
بكرة هتعرف انا كنت عايز حازم لية
هي الدنيا كدة لازم دار ابتلاء
يبقي ملناش غير اننا ندعي ربنا ونخلصله الدعاء

واللي اتريقت عليه يستاهل مني كلام اكتر من دة بكتير