الموضوع: اسبراتير لانسر كريستالة

حبيت اعرض عليكم هذا الموضوع حتى لا يتكرر مع احد

كنت راكب العربية بتاعتى لانسر 98 وماشى عادى جدا وركنت العربية عشان اشرب قهوة ورجعت ادور العربية ولكن لا حياة لمن تنادى المرش شغال بس العربية مش عايزة تدور

وكانت لليلة ما يعلم بيها الا ربنا ...العربية واقفة فى حتة لو سيبتها هرجع مش هلائيقها ودة كان اليوم ال قبل شم النسيم

اتصلت باحد اصدقائى لشد العربية واجيبها عند بيتى مؤقتا مكنش معانا حبل ولقينا حبل غسيل وطبعا كل متر يتقطع وكانت ليلة فولة

بس فى الاخر وصلتها البيت وكدة تمام قوى واهو تبقى تحت عينى على الاقل

ذهبت ثانى يوم وكان يوم شم النسيم للمنطقة الصناعية بدون العربية طبعا وكل ما اطلب من صنايعى يجي معايا عشان يشوف العربية يرفض ويعمل فيها دكتور قال يعنى هيسيب العيادة

سئلت ناس بثق فى خبرتها قالوا لى انة اكيد 100x100 تبقى مشكلة موبينة الاسبراتير والمشكلة ان الاسبراتير الخص بالكريستالة دة اليكترونى الموبينة داخل الاسبراتير

روحت اشترى الموبينة لاقيتها صينى وثمنها 170 جنية بس قبل ما اشتريها ذهبت للراجل بتاع المستعمل وقال لى انة اجيب استراد الاسبراتير كامل وثمنة هيكون تقريبا 900 جنية ودة هيعيش اكتر من الموبينة الصينى

طبعا اتحرق دمى وقولت فى نفسى دة انا اشترى موتور جديد ارحم

المهم اشتريت الموبينة ودى صوريتها


روحت البيت وانا مش واثق ان المشلة اصلا مش فى الموبينة

كنت مضطر وفكيت الاسبراتير بنفسى من الموتور


وعملت فيها صنيعى جبت طبق وكل حاجة افكها احطها فى الطبق
اولها تحت الغطا كان موجود الشاكوش



وصنفرتة كويس

وبعدين فكيت الباقى وكان فية كمية مسامير لا تقل عن 15 مسمار تقريبا وكل واحد غير التانى مشكلة طبعا لو نسيت الاماكن لان جسم الاسبراتير الومنيوم ولو مسمار ركب غلط هتبوظ الجسم
ولقيت اثناء الفك غويشة رمان بلى متصلة بالابنس


كانت خشنة غسلتها بالجاز وبعديت زيتها وبقت فولة
كملت فك لحد ما لقيت حيطة سد
الموبينة تحت صاجة وفى نص الصاجة عمود نهايتة خارج الاسبراتير وفى طرف العمود اكس فى نصة تيلة صلب ودة ال بياخد الحركة من عمود الكامة


بعد ما دخلت على مواقع اجنبية للاستفسار لقيت ان الجزء دة لازملة مخرطة
روحت للمخرطة اخذت معايا الاسبراتير والموبينة الجديدة الحمد للة فكها بدون خساير وركب الجديدة ب 20 جنية
وتاكس رايح جى 20 جنية

روحت البيت وجمعت الاسبراتير من تانى
والمفاجئة الكبرى

------------------------------------------------------------------------------

معلش تعبت كتابة التكملة قادمة ان شاء الله