الفتيس في الايفو بيستهبل !!!

**osamy** · 20-04-2012 03:49 AM

السلام عليكم ورحمة الله

اولا انا عامل بتاع 32 الف وعربيتي اوتو مش مانوال
وحصلتلي حاجه غريبة النهارده
وانا ماشي عادي و العربيه على الاوتوماتيك الاقيها مرة وحده راحت جايبه N (ومن غير اي رساله في التابلوه- يعني تقريبا غير موضوع البرافو ده http://www.nilemotors.net/Nile/276909-dualogic.html)
حصلتلي بتاع 6 مرات اول ما حصلت اتكررت 3 مرات في اقل من 5 دقائق وبعد كده كل 10 دقائق مره مثلا

كلمت طواريء اوماترا قالولي حاجه من التلاته:
1- يا اما سنسور كده مكانه في المرايا بيقيس درجه حرارة مش عارف ايه كده يكون معلق وعامل مشكله مع الكمبيوتر (بصراحه ما فهمتش)
2-يا اما طقم الدبرياج !!!! اييييييييي
قولتله ازاي دي عامله 32 الف بس قالي في عربيسات جاتلي من 15 و 20 الف علشان مابيسقوش صح وما بيحطوش العربيه على N في الزحمة قولتله انا بسوق صح وبحطها على ال N قالي وارد برضه يكون هوه

3- يا اما في سنسور او زرار -مش فاكر- تحت الفرامل ممكن يكون معلق

قالي لازم كده كده تجيبها نحطها على الكمبيوتر

فقولتله انا خايف يكون طقم دبرياج قالي ربنا يسهل مادام ماطلعتش رساله يبقى ان شاء الله لا بس مش اكيد
وقالي جرب تسوق مانوال
جربت لاقيتها ماشيه زي الفل -بس ما جربتش كتير اوي-

حد عنده فكره

**Medo.Malek** · 20-04-2012 06:06 AM

الله معك
ان شاء الله بسيطة
بس روح البرقان و سيبك من اوماترا
على الاقل لحد ما تعرف المشكلة
و بعدين روح اوماترا بقلب جامد و قولوهم شيلو دى و حطوا دى :)

**yoko** · 20-04-2012 02:49 PM

روح العباسيه حطها على الكمبيوتر وشوف م.سيد هيقولك إيه وكلمني من عنده

**osamy** · 20-04-2012 02:54 PM

المشاركة الأصلية كتبت بواسطة yoko

روح العباسيه حطها على الكمبيوتر وشوف م.سيد هيقولك إيه وكلمني من عنده

انا كلمتك امبارح كان موبايلك مقفول
و م.سيد انا كلمته امبارح بليل واتفقنا اني اروحله ويحطها على الكمبيوتر
هروح بكره او بعده وهكلمك

**fiatawy** · 20-04-2012 03:31 PM

صح كده الموضوع بسيط انشاء الله بس كده كده لازم الجهاز روح العباسية للمهندس سيد و لو تحب اكلمهملك انا مش مشكلة او يوكو يكلمهم

**Dr.A.Nabil** · 20-04-2012 09:21 PM

انا واحد أعرفه حصلت معاه نفس المشكله بالضبط
ولما راح قالوله ده ماستر الدبرياج باظ ومحتاج يتغير
قالهم طيب تمام العربيه لسه في الضمان
قالوله لا ده سوء استخدام
لولا ان هو مايقدرش يستغنى عن العربيه كان عاملهم بلاغ في حمايه المستهلك
ماستر دبرياج ايه اللي هايبوظ من سوء استخدام اذا كان هو اساسا الدبرياج اوتوماتيك

بجد دول عالم ماعندهمش ضمير

لو طلع الماستر ماتسيبش حقك
لأنه اسسا غالي
ثانيا هو بيبوظ بسرعه وهم عارفين بس بيستعبطوا

**pogy_atom** · 21-04-2012 12:00 AM

السلام عليكم

انا صاحب موضوع البرافو وكان بيحصل معايا تقريبا نفس اللي بيحصل معاك ده
بس المشكلة عند ما طلعتش سنسور ولا سوفت وير
كان في كابل أرضي واصل لجسم الموتور من البطارية مش مظبوط
انا الدنيا ظبطت معايا لما الكابل قطم لوحده كده من غير سبب وغيرته هو تقريبا كان قصير ومع الرج والمطبات وكده قطم فركبت واحد أطول شوية

ومن ساعتها العربية تمام

**KHALED AYMAN** · 21-04-2012 12:02 AM

الفتيس المهبب ده هو و الايزى ترونيك
عشان طقم الدبرياج يعيش
سوق العربيه على المانيوال موود
وشيل رجلك و انت بتنقل
ومتنقلش للعربيه بدرى اوى عشان متعملش لوود على الدبرياج ..يعنى متنقلش قبل 2.5
انا بالطريقه دى عملت 130 الف كم بنفس طقم الدبرياج مع ان معظم الاوبل جاب اخره على 80 الف (كان يمشى كمان لحد 150)

**osamy** · 21-04-2012 02:49 AM

المشاركة الأصلية كتبت بواسطة fiatawy

صح كده الموضوع بسيط إن شاء الله بس كده كده لازم الجهاز روح العباسية للمهندس سيد و لو تحب اكلمهملك انا مش مشكلة او يوكو يكلمهم

هروح وربنا يستر
شكرا يا باشا

الموضوع: الفتيس في الايفو بيستهبل !!!

LinkBack

أدوات الموضوع

عرض

-

-

-

-

المواضيع المتشابهه

عداد السرعة بيستهبل...أيون بيستهبل

الكلمات الدلالية لهذا الموضوع

المفضلات

المفضلات

ضوابط المشاركة