ايه البديل لعدم وجود مخرج ال usb في الكاسيت

**Zirox** · 21-04-2012 05:53 PM

جربت اني احرق سيديهات والحمدلله كلهم باظو كاسيت اللوجان طبعا مفهوش مخرج usb هو في مخرج اسمه AUX ده وصلته عامله ازاي واجيبها منين ؟

شكرااا .

**ahmed_m_ashraf** · 21-04-2012 09:10 PM

ليه بس ياباشا, باظو إزاي يعنى؟ مش بيشتغلو ولا أصلا بيطلعلك error وإنت بتحرقها, جرب تحرقها على أقل سرعة, 8x مثلا.

أعتقد أحسن بديل إنك تجيب FM Transmitter من راديو شاك, هتلاقى كذا موديل وبيشتغ من غير أو صلات, بيركب مكان الولاعة وتبحث عن الموجه نتاعتو عن طريق ال FM فى الراديو بتاع العربية. بس أنا مجربتش ومعرفش صوته بيبقى في نفس نقاء السيديهان ولا أقل.

على فكرة الراديو سي دي والسماعات بتوع العربية جامدين جدا, بس إنت ظبط الإكواليزر ( Bass & Treble & Loudness) صح, راحع كتالوج الكاسيت عشان تعرف تتعامل معاه إزاي.

**M.Elwan** · 21-04-2012 09:19 PM

المشاركة الأصلية كتبت بواسطة Zirox

جربت اني احرق سيديهات والحمدلله كلهم باظو

كاسيت اللوجان طبعا مفهوش مخرج usb هو في مخرج اسمه AUX ده وصلته عامله ازاي واجيبها منين ؟

شكرااا .

لو فى AUX يبقى تمام قوى حتجيب وصله AUX من راديو شاك
وحتجيب MP3 PLAYER كويس creative او ipod او نوع نضيف او لو مش عايز ممكن تشغل من الموبايل

**AirForces** · 21-04-2012 09:55 PM

السى ديهات المفروض تحرقها Audio غير كدا مش هتشتغل واخرها بتحط عليها لحد 80 دقيقة
واحسن حل حاجة من 2
يا تجيب اف ام ترانسمتر نوع نضيف وهتلاقى الصوت زى الفل ( انا كنت جايب واحد بس MP4 وصوته حلو جدا كان ب 135 كان فى كارت ميمورى 2 جيجا وممكن يركبله لحد 8 جيجا )

يا إما فى موبايلات دلوقتى بيبقا فيها اف ام ترانسمتر جاهز بتظبط الراديو على الموجة اللى ظابط عليها الموبايل وتشغل اللى انت عاوزه من غير اى وصلات فممكن يكون حظك حلو ومبايلك فيه الخاصية دى شوف

**ahmed_m_ashraf** · 21-04-2012 10:24 PM

المشاركة الأصلية كتبت بواسطة airforces

السى ديهات المفروض تحرقها audio غير كدا مش هتشتغل واخرها بتحط عليها لحد 80 دقيقة
واحسن حل حاجة من 2
يا تجيب اف ام ترانسمتر نوع نضيف وهتلاقى الصوت زى الفل ( انا كنت جايب واحد بس mp4 وصوته حلو جدا كان ب 135 كان فى كارت ميمورى 2 جيجا وممكن يركبله لحد 8 جيجا )

يا إما فى موبايلات دلوقتى بيبقا فيها اف ام ترانسمتر جاهز بتظبط الراديو على الموجة اللى ظابط عليها الموبايل وتشغل اللى انت عاوزه من غير اى وصلات فممكن يكون حظك حلو ومبايلك فيه الخاصية دى شوف

لو العربية بلاك لاين ٢٠١٢ هيبقى فيها mp3, وبيبقى مكتوب على الكاسيت كمان جنب زرار إخراج السي دي.

**MaSal** · 21-04-2012 10:36 PM

Aux ده Audio-Audio........................يعني توصله للموبايل او اي ام بي ثري يشتغل وممكن ترد علي التليفون منه كمان انا بعمل كده واسمع المتصل في سماعات العربيه

**halem0000** · 21-04-2012 11:29 PM

انا بصراحة مش عارف ايه المشكلة فى حرق السيديهات شوف ياباشا لو الكاسيت بيقرأ mp3 يبقى جرب تحرق السى دى ببرنامج نيرو ومتسيبش السى دى مفتوحة بمعنى انها تقبل ملفات بعد كده وجرب لما تحرق السى دى ممكن تحرق على 32x دى سرعه مناسبة جدااا والسى دى هتاخد اغانى لما تشبع يعنى حوالى من 70 إلى 80 أغنية وتكون السى دى عادية مش دى فى دى ولما تيجي تحط الأغانى ضعها مباشرة على السى دى مش تحطها فى فولدرات .

**amriar** · 22-04-2012 12:01 AM

المشاركة الأصلية كتبت بواسطة MaSal

Aux ده Audio-Audio........................يعني توصله للموبايل او اي ام بي ثري يشتغل وممكن ترد علي التليفون منه كمان انا بعمل كده واسمع المتصل في سماعات العربيه

انا كمان بعمل كدا .. احلي حاجه في الموضوع اني عندي جى بي اس علي الموبايل و اكون مشغل الراديو من الموبايل .. لان الوصله بتاعه ال aux وقتها بتكون عامله زي الأريال و لما يجي ملف او تغيير في المسار الاقي سامع الصوت بتاع الجي بي اس كمان بس بصوت اعلي و الراديو يكون اوطى .. ال aux دا نقلى الموبايل نقله نوعيه ..

اتا اشتريت واحد ب 5 جننيه من واحد بتاع موبيلات .. ادخل علي محلات الاكسسوارات و قوله عايز كابل استيريو ( اللي هو aux ) و عيش