مشكله ومش عارف حلها ايه موتور الفيرنا جاب زيت من كل حته

**unks** · 22-04-2012 05:42 PM

السلام عليكم : الساده اعضاء المنتدى عندي مشكله كبيره ومش لاقي ليها حل المشكله ان الموتور كان بيجيب زيت الاول من الفيظ بس واحده واحده من حوالي عشر ايام كنت راجع من مدينة نصر ولقيت ريحه غريبه داخله جزه العربيه نزلت وركنت وببص وانت المفاجاه ان الموتور غرقااااااااااااان زيت والحوض والدنيا كلها مبهدله زيت المهم حجزت في توكيل ابو رواش وروحت وقالولي جايبه حاليا نصف موتور والتكلفه المبدئيه 10000 جنيه المهم المهندس قالي مصنعية الفك 500 جنيه ولو موفقتش على التصليح حاخد الموتور في الشنطه بتاعت العربيه واخد العربيه على ونش وخلاص على كده المهم اخدت العربيه ومشيت على مروحت على البيت كان الموتور كلو زيت على زيت بمعنى اصح وانا ماشي كل شويه انزل ازود زيت دلوقتي انا مش عارف اروح فين واعمل ايه وسمعت اسعار واراء كتير من كل واحد انا دلوقتي راكن العربيه 10 ايام
::::انا حاخد رئيكو في احسن 2 ميكانيكيه في الحرفيين واشهرهم على حد علمي

1.عادل وجدي المعروف ب( t p s garage) وده معروف جدا حتى في مجال التعديل
2.ناصر الفيومي وده شهرته (ناصر معجزه) اللي عمل الهوندا بتاعت شبه منحرف

الساه الاعضاء ترشحو ليه ميين اعمل عندو العربيه او لو حتى في ناس تانيه كويسه بس تكون صاحبة ضمير لاني كان حيتنصب عليه في الفتيس قبل كده انا عاوز حد امين وشاطر وبيراعي ربنا في شغلو انا من سكان الهرم وشكرا

**S O P H O S** · 22-04-2012 07:06 PM

متابع

**aymn6666** · 22-04-2012 07:55 PM

هيا العربيه مشيه كام كيلو
الزيت بينزل منين بالظبط
متخفش اوي لان ماتور الفيرنا بالدربكس بتاعه سعره تقريبا من 2500الي 3000 من بورسعيد
وزي مابيقول المثل (اطمه احسن من نحته)
فمتقلقش اوي بس انت عايز ميكانيكي مش عايز واحد بتاع تعديل
ويسلام لو حد يدلك علي ميكانيكي من بتوع التوكيل الي بيشتغل بره بعد ميعاد التوكيل حيجبلك الزتونه والمفيد

**Screenplays** · 22-04-2012 08:01 PM

سقط مكنه بسلاطتها بباغانوجها ب 3000 جنيه + 500 مصنعيات و كان الله يحب المحسنين و لعنه الله علي التوكيل

**medododo** · 22-04-2012 08:09 PM

المشاركة الأصلية كتبت بواسطة screenplays

سقط مكنه بسلاطتها بباغانوجها ب 3000 جنيه + 500 مصنعيات و كان الله يحب المحسنين و لعنه الله علي التوكيل

+111111111111111111111111

**mshmshm3** · 22-04-2012 09:36 PM

المشاركة الأصلية كتبت بواسطة screenplays

سقط مكنه بسلاطتها بباغانوجها ب 3000 جنيه + 500 مصنعيات و كان الله يحب المحسنين و لعنه الله علي التوكيل

بالظبط كدة و انزل بورسعيد و دور

**khaled_yassin** · 22-04-2012 10:09 PM

بلاش بورسعيد
علشان لو فى اى حاجة فى الماتور مش هيفضل رايح جاى

**Mohab555** · 23-04-2012 12:46 AM

بص لو عايز من الاخر
روح مركز توب جير فى الهرم المهندس محمد فضالى هيجبلك من الاخر و هيشتغل فى العربية كانها عربيته مش عربيتك ...
اللنك ده فى كل التفاصيل :
http://www.nilemotors.net/Nile/251299-a.html